2 Saameeli 15:2 - Kafa Linguistics Project

² Biyoo maaddi maaddoona tiyiꞌi, katemee kellooch daammiibeeti gommooch neexee beehe. Asho koniyoona bi taggoon taatoyich giddiiya bi waammona, Abisoloomi biin ceeggiꞌi, aabekkee bi waato gaata echee beehe. Uro Israꞌeeleenaꞌo daggoochee koni yoodo gaata bi tunoon bi gettimmona,

2 Saameeli 15:2 ပူးပေါင်းရင်းမြစ်များ

Halloo 34:20

Ebich Hamoorinaa bi bushoo Shekeemina ebin are katemeexi boonoshi asheenaꞌoyich getoyich, boonoshi katemee kellooch hammiyeete; ishichiinoo iyeete:

2 Saameeli 19:8

Ebich taatoo tiyii hammiꞌi, katemee kellee gaꞌooch kotehe. Taatoo katemee kellee gaꞌooch kotoon asheenaꞌo bulli waayeheete. Boonoshi bulliyoo waa bi aafooch kiceeheete. Areegaata, Israꞌeeleenaꞌo bulli aasheꞌi boonoshi kexooch wottetinaꞌone.

2 Kiinoo 10:7

Boonoshiyoo, “Hini asheenaꞌoyich deꞌe mooyon ne tuniigaata, boonoshin ne emirikkigaata, shiimoona boonoshich ne yibbaategaata, boonoshiyoo bulli yemeenoon neech hajjeeyeemminaꞌone” iꞌi wochiyeete.

Iyoobi 24:14

Ikke amaalli girechon wuxoyich, ashi kashee kichecho haree yaaꞌoona tiyiye; xumoo gaayooch hammiye.

Keyo 18:14

Muusi asheenaꞌoyich tuniibeeto bullin bi abboo beeggiꞌi, ishichiye: “Asheenaꞌoyich ebi aabichiiniye ne beeto? Ebi shaahe asheenaꞌo bulli maaddoochee tiijjiꞌi xum beddaahaa, ne guudoona boonoshi neexee beetaa, boonoshi mooyo bullin ne ikkeeto nalloyich kotenne?” iye.

Keyo 18:16

Boonoshinaa boonoshina daggooch taggoo danehooba, ta waan deebii beetinaꞌone; tawoo mooyon kichii kindii nallii kuxxaabeeto taane. Doono Yeerichi qociyoonaa sheeroononoo boonoshich gettaabeeto taane” iye.

Keyo 18:26

Boonoshiyoo bulli aaboon asheenaꞌochi moochi nallechinaꞌo tuneꞌi shuunee beeheete; magge mooyon baach Muus waan deebii beeheete; kette mooyon boonoshi nallii ciichii beeheete.

Shaahiyoo 4:16

Ebi asheenaꞌo, gondoon boonoshi shuuno qayigaata, tokketoo boonoshin daamaanoone; ashoon tephii boonoshi dichoo qayigaata, geepphiroo boonoshin yeshaanoone.

Daaneeli 11:21

“Biyee gubb ikke hoxeeti uro taatemmone; biich taatittinee oogo icheyaachemmone. Biyoo diqqoona waaree taatittinoon maroona deqqemmone.

Maatiyoosi 27:1

Dechara maaddoona qeeshee ukkireenaꞌonaa showee geeneenaꞌona bulli Yesuusin wuxoyich echeeheete.

Yibbaatoo 17:8

Muusi Israꞌeeleenaꞌoyich ishichiye: “Ittoshi katemooch beeti ikkikke mooyo nallii kuxoyich nallechinaꞌoyich oogeti maggoo tunemmone. Ebiyoo ikke asho ashoon bi wuxito, gabii kuxxiꞌi bi tunoonaa diqqoona bi tunoonon, ashoon bi yexxito woyee ashi qiicoon bi duubiito ariibee bi tunoonaa diqqoona bi tunoonon bariiꞌi ariyoone. Ebi mooyo tunehooba, ne Nuggishoo Doono Yeeri kaacciti xaaꞌooch tiyi hambe.

Ruuti 4:1

Boꞌaazi katemee uxeree kellooch beeti, asheenaꞌo kiceebeeti iitee xaaꞌooch hammii kotehe. Biyoo Ruutich “Tayee beshoon katini xiboo beetone” bi iti uro beshee beetaa beeggiꞌi, “Ta manoocho, hiniich waaree kotebe” iye. Uroo waa kotehe.