2 Saameeli 15:18 - Kafa Linguistics Project

¹⁸ Bi naayinaꞌo bulli bi aafoona besheheete; taatoochi quyee naayinaꞌo tuneti Kereeteenaꞌo bullinaa Feleeteenaꞌo bullina, wotta Gaatee biin dabbiꞌi waati shiritte balle asheenaꞌo bi aafoona besheheete.

2 Saameeli 15:18 ပူးပေါင်းရင်းမြစ်များ

2 Saameeli 15:17

Taatoo kechii qaxiraa, asheenaꞌo bulli bi hillooch dabbiyeete. Boonoshiyoo katemee ciirooch beeti ikke kechi gaꞌooch neexeheete.

2 Saameeli 18:2

Daawiti bi ginee naayinaꞌon keejj beera qoodiye. Keejje beereexi ikkoon Yoꞌaabi kishooch, andoo keejje beereexi ikkoon Yoꞌaabi manoo, Tseruuyi bushoo Abishayi kishooch, wotta echeti keejje beereexi ikkoon Gaati katemee asho Itayi kishooch tuniihe. Taatoo boonoshich “Ta qelloona ta, ittoshina tookki hammemmo taane” iye.

2 Saameeli 20:23

Yoꞌaabi Israꞌeelee ginee naayinaꞌo bulli toommooch iraashoone; Yoyaadi bushoo Beenayiyoo taatoochi quyee naayinaꞌo tuneti Kereeteenaꞌonaa Feleeteenaꞌona toommooch iraashoone.

2 Saameeli 20:7

Ebina Yoꞌaabichi asheenaꞌo, taatoochi quyee naayinaꞌo tuneti Kereeteenaꞌonaa Feleeteenaꞌona, wotta ginee anaaminaꞌo tuneti asheenaꞌo bulli Abishayin dabbii hammiyeete. Boonoshiyoo Yerusaalemee kechiꞌi, Bikiri bushoo Sheebin yoohi dabbiya hammiyeete.

2 Saameeli 6:10

Ebich Daawiti Doono Yeerichi taabootoon Daawiti Katemooch daamon qaawaanoone. Biyoo gommon shaddiꞌi, Gaati katemee asho Obeed Edoomi kexooch daammiye.

2 Saameeli 8:18

Yoyaadi bushoo Beenayi taatoochi quyee naayinaꞌo tuneti Kereeteenaꞌonaa Feleeteenaꞌonochi toommooch ukkiroone. Daawitichi anaami bushiisheenaꞌo wotta mikkirechinaꞌone.

1 Taateenaꞌo 1:38

Ebich qeeshoo Sadooqi, keemechi Naataani, Yoyaadi bushoo Beenayi, taatoochi quyee naayinaꞌo tuneti Kereeteenaꞌonaa Feleeteenaꞌona desh hammiꞌi, Solomoonin taatoo Daawitichi bicereen yebbiiꞌi, Giyooni aachi xuuphooch deebiyeete.

1 Kiinoo 18:17

Yoyaadi bushoo Beenayi taatoochi quyee naayinaꞌo tuneti Kereeteenaꞌonaa Feleeteenaꞌonochi toommooch ukkiroone. Daawitichi anaami bushiisheenaꞌo wotta biyee desh iraasheenaꞌone.

1 Saameeli 23:13

Ebich Daawitinaa shiritte ball bede bi asheenaꞌona Qeꞌilee kechiꞌi, hamon boonoshi hakkiti xaaꞌoo bulliich hammiyeete. Saaꞌooliyoo Daawiti Qeꞌilee bi muricon waayeꞌi, arooch hamon qajjiye.

1 Saameeli 25:13

Daawitiyoo bi asheenaꞌoyich “Ittoshi bulliyona ittoshi goraadoon cuyebote” bi getaa, boonoshi bulli boonoshi goraadoon cuyeheete. Daawitiyoo wotta bi goraadoon cuyehe. Awudde balli bede asheenaꞌo Daawitin dabbiꞌi hammimmona, gutte balle asheenaꞌo qiicoon quyoyich arooch echeheete.

1 Saameeli 27:3

Daawitinaa bi asheenaꞌona boonoshi kechi asheenaꞌona tookkii Akiish waan, Gaat koteheete. Daawitiyoo bi gutte mecheenaꞌona tookkii beehe. Eboshiyoo Yezireelechee Akinoꞌaminaa Naabaali mechee, Qermeloosechi Abigelinane.

1 Saameeli 27:4

Saaꞌooliyoo Daawiti Gaat muricciꞌi bi hamon waayeꞌi, biin qaawoon qajjiye.

1 Saameeli 30:1

Daawitinaa bi asheenaꞌona keejjinnee qemooba Tsiqilaag boonoshi shaggaahaa, Amaleeqeenaꞌo Negeeb beeti Yihudee showoonaa Tsiqilaaginon kochitinaꞌone; Tsiqilaaginoo qaaqqoona michitinaꞌone.

1 Saameeli 30:14

Nowoo Negeebi barahooch beeti Kereetee showoon, Yihudee showoonaa Kaaleebichi showoonon kochehone. Tsiqilaaginoo qaaqqoona michiyone” iye.

1 Saameeli 30:9

Ebina Daawitinaa biinna tookkii beeti shiritte balle asheenaꞌona tiyiꞌi, Besoori aacooch hammii shaggiyeete. Boonoshi daggoochee ikkikkeenaꞌo arooch echeheete.