2 Saameeli 14:25 - Kafa Linguistics Project

²⁵ Malletee gaawoona Abisoloomina tatemmi asho ciroona Israꞌeelee showooch aalloone. Qelloochee tiijjiꞌi baatee yapherooch beddaahaa, bi achooch ikke bacholla aalloone.

2 Saameeli 14:25 ပူးပေါင်းရင်းမြစ်များ

1 Taateenaꞌo 1:6

Bi nihoo kashoona bi beeti yemeenooch, “Amoyich ebin tuniinne?” iꞌi ciroona biin kaaree ariyaanoone. Adoniyaasiyoo oogeton mallet gaawe ashoone; biyoo Abisoloomi hilloone.

Iyoobi 2:7

Aroochee Sheexaanoo Doono Yeeri aafoochee kechii hammiꞌi Iyoobin bi baatee madoochee tiijjiꞌi bi shimbooch beddaahaa shajjiriibeeti mayona yexxiye.

Shaahiyoo 31:30

Malleto kootoone; damee shaawoo duuboone; tunebaani Doono Yeerin shattaabeeti maachee galleteetine.

Isiyaasi 1:6

Ittoshi baatee madoochee tiijjii shimbooch beddaahaa iiwoo aalloone; mayo, gubaaboonaa awaawunoona bulletone; ebiyoo gaaheyaanoone; woyee kaappeyaanoone; woyee zayitoon huutaa shuxaanoone.

Daaneeli 1:4

Bi kaaccemmo, taatee kexooch giyiꞌi maddee hakkoo boonoshich bi beeyemmoyich, boonoshi ashittinee quumo iiweenaꞌon, mallet gaaweenaꞌon, ariyechinaꞌon, yiiteenaꞌonaa mooyon kaatee yechii deqqii beetinaꞌona tuneti gurimaasheenaꞌoniye. Eboshin kaaciree, Baabloonee noonoon, wotta kooreeti mooyonoo bi dojjemmoyich gettiye.

Maatiyoosi 23:27

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Maachi maashee toommooch hagaa booroona dikkeeꞌi boonoshi malletetaanona, boonoshi maacooch qititi asheenaꞌochi shaawushoonaa eeꞌe mooyona ceenniti maashee toommeexi kexinaꞌon shaahoo ittoshine.

Efesooni 5:27

Bi yaafitoo, kiinechi woyee qillifa gonde woyee ebin shaahe gonde mooyo bi waan daneyaani, yaafoonaa bachaalloona tuneti oogee yiirechi kittinnee guuphon tuniiꞌi bi waan giddiyoyichiye.

Yibbaatoo 28:35

Doono Yeeri wodaani, shajjiriibeeti gaaboona ne gutenoonaa ne borboroonon, ne baatoochee tiijjiꞌi ne shimbooch beddaahaa beeti ne ashittino bullin yexxemmone.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.

1 Saameeli 9:2

Biichoo Saaꞌooli getteebeeti, mallet gaawe gurimaashe bushoo beetone. Israꞌeeleenaꞌo daggooch biinoommi mallet gaawe asho aalloone. Saaꞌooli neex genjoone; asho bulli bi gogoyee deshiye bi beeto.