2 Saameeli 14:2 - Kafa Linguistics Project

² Ebina Yoꞌaabi Teqoꞌa wocheꞌi, mullechi ikke ure aroochee bi woyemmoyich tuniihe. Biichoo ishichiye: “Muushenetin shaahiree, muushenee tahoon tahebe; huutoonoo huuteyaahine. Qititi bi xiboyich meeti aaboon muusheneti ureen shaahi bekkebe.

2 Saameeli 14:2 ပူးပေါင်းရင်းမြစ်များ

Halloo 38:19

Aroochee wottaa hammahan. Bi aafoon bi kaappeti qoreddoon shoottaachaa, aafi bi xuumittinee tahoon wochaa tahahan.

2 Saameeli 11:26

Uuriyi mechee bi keno qitoon waayaꞌa, bi kenoyich eeppaa ayiniyan.

2 Saameeli 12:20

Aroochee Daawiti godoochee tiyiye; bi achoon machehe; zayitoon huutehe; bi tahoonoo shaddiye. Doono Yeerichi kexooch hammiꞌi aroochaa goyinnehe. Bi kexoochoo wottehe. Maayoon bi echetaa giddiiheete; biyoo maahe.

2 Saameeli 20:16

Areegaata, mullechi ikke ure katemoochaa bi qaaroon oogichaꞌa, “Waayebote, waayebote! Yoꞌaabina tookki yibbaateya ta qaawitoyich, hiniich bi woyemmoyich getote” iyan.

2 Saameeli 23:26

Feliixechi Heleezi, Teqoꞌechi Ikeeshi bushoo Iraahi,

1 Taateenaꞌo 14:2

Yeroboꞌamiyoo bi mecheyich ishichiye: “Ta mechee ne tuno aricheyaachemmoyich, ne tahoon shaddiree, Shilooha hambe; hini asheenaꞌo toommooch ta taatemmoyich taach gettiti keemechi Akiyi arooch beetone.

1 Taateenaꞌo 14:5

Tunebaani Doono Yeeri Akiyich, “Ebiyoche, Yeroboꞌami mechee biiyeti bi bushoo mooyon ne waanee eche waayeya waa beetine. Biich ishichi ishichi gete” iye. Areyoo arooch shaggaꞌa, bare ureen shaahi tuusheya qaawiyan.

2 Kiinoo 11:6

Eboshiyoo, Beetilehemi, Exaami, Teqoꞌi,

2 Kiinoo 20:20

Asheenaꞌo maaddoona tiyiꞌi, Teqoꞌi barahooch qaxiriyeete. Boonoshi hammiibeeta, Yoshafaaxi boonoshich, “Yihudee asheenaꞌonaa Yerusaalemi asheenaꞌonote, ellebote; ittoshi Nuggishoo Doono Yeerin gibenebote; kupphemmo ittoshine. Bi keemechinaꞌon gibenebote; mooyo ittoshich kaamemmone” iye.

Nehimi 3:27

Boonoshiyee aafaa Teqoꞌee asheenaꞌo taatee kexona yeshe ooge xaqqee dilaalee ciinoochee Ofeeli uxerooch beddaahaa beeti uxeree kuxon uxereheete.

Nehimi 3:5

Bi gaꞌoochaa Teqoꞌee asheenaꞌo uxereheete; tunebaani boonoshi ogoogeenaꞌo ukkiroyich deꞌa iꞌi yittii shuunoyich daaggaaneenaꞌone.

Shoddo 104:15

Ashi mulloon emirikkiibeeti woyinoon, achoon pherphelliibeeti huutoon, kupphiibeeti maayoon qanniihe.

Dojjecho 9:8

Bulli aaboon nacce tahoon tahebe; ne qelloocheenoo huutoon kuxxaahine!

Erimiyaasi 6:1

Biiniyaami asheenaꞌote, ittoshi kashoyich Yerusaalemee keyi wocote. Gonde mooyonaa oogeti aalloona dambi-waanee woyemmo bi tunetoyich, Teqoꞌi katemoochaa shametoon hugote; Beet Hakereemi katemoochaanoo malletoon kaama tiijjibote.

Amootsi 1:1

Uziyaahi Yihudee taatoo, Yehoꞌashi bushoo Yeroboꞌamiyoo Israꞌeelee taatoo tuneꞌi boonoshi beehooba, ebiyoo showee qewoyee gutte natoyee aaf, Teqoꞌa beeti qiddeenaꞌo daggoochee ikkoo tuneti Amootsich Doono Yeeri yaaꞌoona Israꞌeeleenaꞌochon bekkiihe.

Maatiyoosi 6:17

Tunetaa ne coomii beegaata, coomecho ne tuno aricheyaachemmoyich ne aafoon machebe; ne qellooch huutebe. Arooba bekkeyaani ne Nihoo Yeeri ikkeeto baach arii beetone; ebich aashoona ne tunii beeton beeggiibeeti ne Nihoo Yeeri neech wojjemmone” iye.

Ruuti 3:3

Ebich ne qeddoon mache huuteree, gaawe tahoon tahebe; aroochee ebi are sheqoon bi buchiibeeti xaaꞌooch hambe; tunebaani maa uchii bi tiyimmi wottoon, biinna bekkeyaahine.