2 Saameeli 14:19 - Kafa Linguistics Project

¹⁹ Taatoo, “Ebi moochi daggooch Yoꞌaabi kishoo aalle?” iꞌi echehe. Ureyoo wochaꞌa ishichiyan: “Taatoo ta doonocho, beeyechi ne kashoona wogehoye. Taatoo ta doono ne getteton nookko hakkeyaani mooyone. Iberoone; ne naayo Yoꞌaabine ebin ta gettemmoyich taan wocheto; wotta ne gonnee ta gettemmi mooyonoo taach gettito, biine.

2 Saameeli 14:19 ပူးပေါင်းရင်းမြစ်များ

2 Saameeli 11:11

Uuriyiyoo Daawitich ishichiye: “Israꞌeeleenaꞌonaa Yihudee asheenaꞌona taabootoona tookkii bashoochiye boonoshi beeto; wotta ta doono Yoꞌaabinaa bi naayinaꞌona xalle gaddoochiye boonoshi beeto. Ishigaata, aabichireeshiye mamonaa uyonoyich, ta mecheena tookkii qemoyichoo ta kexooch ta hammemmo? Ebin tuniyaachemmo ta tunoon neenna, ne kashoonoo wogehoye” iye.

2 Saameeli 14:18

Aroochee taatoo ureen, “And neen ta echemmi mooyon amoonolla taach aachiyaahine” iye. Ureyoo, “Taatoo ta doonocho, gete” iyan.

2 Saameeli 14:3

Aroochee taatoo waan hamiree, ebin taatoyich gete” iꞌi, bi gettemmi mooyon ureyich gettiye.

2 Saameeli 18:13

Ebiyeenoo wotta, taatoochi getoon waayeyaache iyaa qajjaꞌa, Abisoloomi toommooch gondoon ta shuunemmo gaata, taatoo waanee aasheebeeti mooyo aallo bi tunetoyich, ne qelloona ne, taan gaacheyaanoon ta waanee wokkesho neene” iye.

2 Saameeli 3:27

Abeneeri Kebiroon waammona, Yoꞌaabi ikke badd wochiree biin yibbaatiiya ii beeton shaahiꞌi, uxeree kello waan daammiye. Aroochaa bi manoo Asaheelin bi wuxitoyich, nichoon kichoyicha iꞌi, bi maacooch kochiꞌi wuxiye.

2 Saameeli 3:29

Bi damoo Yoꞌaabi toommooch, bi nihoo kechi asheenaꞌo toommoochoo tunebe. Yoꞌaabi kechi asheenaꞌo daggooch bi achoochee awaawunoo ufeebeeto, woyee qeddee shaddee biiyecho, woyee baata yesho woyee goraadoona qitemmo, woyee bi maayemmon mucceto aallaaye” iye.

2 Saameeli 3:34

Ne kishoo cucheyaache; ne baatoo qoqqaaneyaache; asho gonde asheenaꞌo kishoona qitoommon qitihine” iye. Asheenaꞌo bulliyoo wochinnoon eeppiyeete.

2 Taateenaꞌo 2:2

Aroochee Eliyaasi Elisayich, “Hiniich beebe; Doono Yeeri Beeteel taan wochetone” iye. Tunebaani Elisayi, “Beeyechi Doono Yeeri beege. Beeyechi ne kashoonoo wogehoye; neyee baraache” iye. Ebina tookkiꞌi Beeteel hammiyeete.

Keyo 4:15

Newoo biich gettemmo neene; bi gettemmi mooyon biich gettemmo neene. Ne noonoonaa bi noonoonooch tunemmo taane; amoon ittoshi tuniyemmo gaata ta ittoshich arichiyemmo taane.

Shaahiyoo 25:2

Mooyon aachoo Doono Yeerich oogoone; tunebaani mooyon boshee kichoo taatoyich oogoone.

Shaahiyoo 4:27

Yoocha qanna gettaahine; ne baatoon gondoochee wochibe.

Haddoo 20:17

Ne showoona kuxi no beshemmoyich nooch daaggibe. Goyee daggooch tuneba woyinee budooch giyaachemmo noone; oppeexi ne aacoocheenoo uyaachemmo noone. Taatoochi gamini gommona baach hammemmo noone. Ne showoon no beshemmi wottoon qanna yoocha getaachemmo noone’ itone” iye.

Yibbaatoo 28:14

Bare nuggisheenaꞌoyich goyinne maddeya, hanaach neech ta getteti qaaroochee ciroona yoocha qanna gettaahine” iye.

Yibbaatoo 5:32

“Illa ittoshi Nuggishoo Doono Yeeri ittoshich gettiton ittoshi quyemmoyich ittoshi qelloon ariibote! Ebi aroochee qanna yoocha gettaahote.

Yaasi 1:7

Ne baach kupphebe, maac kuxoonoo tunebe; ta guuno Muusi neech immiti sheeroo bullin manjii quyeree ceechibe. Ne hammemmo bulliich neech bi kaamemmoyich, are sheeroochee qanna yoocha gettaahine.

1 Saameeli 1:26

Haanniyoo Eelich ishichiyan: “Ta doonocho, hini xaaꞌooch ne aafooch neexaꞌa Doono Yeer waan corootiti ure ta tunoyich, ne kashoona wogehoye.

1 Saameeli 17:55

Daawiti Gooliyaadina koyeya bi hammii beetaa Saaꞌooli beeggiꞌi, bi ginee iraashoo Abeneerin “Abeneero, ebi bushoo koni bushoone?” iꞌi echehe. Abeneeriyoo “Taatoocho, ne kashoona wogehoye. Ta ariyaano taane” iye.

1 Saameeli 20:3

Tunebaani Daawiti wochiꞌi, “Am shaahoon taan ne shunnaabeeto gaata, ne nihoo arii beetone. Biyoo ‘Yonaataani ebin bi ariigaata, ayinemmone’ iꞌi ne ariyaachemmon tuniitone. Beeyechi Doono Yeeri beege; wotta ne kashoona wogehoye; taannaa qitoonochi gutte daggooch ikke shaadde baachiye echeti” iye.

1 Saameeli 25:26

“Ta doonocho, beeyechi Doono Yeeri beege! Wotta ne kashoona wogehoye. Damoon ne ukkaachemmoyich, wotta ne hajjee kishoona nichoon ne gaacaachemmoyich neen quyeto Doono Yeerine. Andoo ne etteenaꞌonaa ta doono ne toommooch gondoon gabii beetinaꞌona Naabaaliyoommon tunebeete.