2 Saameeli 13:28 - Kafa Linguistics Project

²⁸ Biyoo bi aafee bushiisheenaꞌoyich ishichiye: “Aminooni woyinee uyoon uchii michiꞌi, bi ashittino qeecon manjii ciinote; tawoo ‘Aminoonin wuxibote’ ta getigaata, wuxibote. Ebin ittoshi tuniyemmoyich getteto ta tunetoyich, shattaahote; maac kuxo tunebote; kupphebote” iye.

2 Saameeli 13:28 ပူးပေါင်းရင်းမြစ်များ

Halloo 9:21

Ikke areddoon ebi bi bechiti woyinoochee duucheti woyinee uyoon uchii mashehe; bi tahoon shoottiꞌi, duukkaanee daggooch shokkaachoon tokketehe.

2 Saameeli 11:13

Daawiti biin ataallii deebiꞌi, bi aafoochaa bi maayemmonaa bi uchemmonoyich tuniihe; bi mashemmoyichoo tuniihe. Tunebaani Uuriyi showoo xumemmona kechii hammiꞌi bi doonochi kellechinaꞌona tookkii qeenooch qeyiyani, bi kexooch hamaanoone.

2 Saameeli 11:15

Are koorichooch “Uuriyin kupphe gino beeti xaaꞌoo waan neechibe; eechiichi gubb ittoshi shokimmona, koyaa qitibe” iꞌi kooriye.

2 Saameeli 12:10

And illa ebich, gino bulli yemeenoon ne kechi asheenaꞌo daggoochee baraachemmone. Ebiyoo taan ne qallayitoyich, wotta Uuriyi mecheen daammaa ne shaaggetoyichiye’ iye.

2 Saameeli 13:27

Tunebaani kupphiiꞌi bi qolletoyich, Aminooninaa bare bi bushiisheenaꞌo bullina Abisoloomina tookki boonoshi hammemmoyich daaggiye. [Abisoloomiyoo taatoochoommi gifiroon qanniihe.]

2 Saameeli 14:6

Ta ne gonneyich gutte anaami bushiisheenaꞌo beeheete. Boonoshiyoo ikke areddoon gaddoochaa yexeheete. Boonoshin shoobbemmo koniyoona arooch aallo bi tunetoyich, ikkoo baroon xoobbii wuxiye.

1 Taateenaꞌo 20:16

Eboshi bulli showoo tukkehaa, woraaferasheenaꞌochi gurimaashe ginee naayinaꞌon aaf shiichiiꞌi, koyeya hammiyeete. Boonoshi hammito, Been Hadaadinaa bi gaacheenaꞌo tuneti shaashaa gutte taateenaꞌona duukkaanee daggoochaa uchii mashee boonoshi beetenane. Been Hadaadi wocheyechinaꞌon daachiihe. Boonoshiyoo wottee waaꞌi biich, “Asheenaꞌo Shamaaree waa beetinaꞌone” iyeete.

Asteeri 1:10

Taatoo gifiroon bi gedditi shabaattinnee qemooba, woyinee uyoon uchii bi ashittino qeeccimmona, guruusheenaꞌo tuneti shabaatte bi aafee bushiisheenaꞌo, Mehuumaani, Biziti, Haribooni, Bigiti, Abagiti, Zetaarinaa Karikaasinoyich ishichiye:

Shoddo 104:15

Ashi mulloon emirikkiibeeti woyinoon, achoon pherphelliibeeti huutoon, kupphiibeeti maayoon qanniihe.

Keyo 1:18

Ebich Gibitsee taatoo ebi genneenaꞌon ceekkiiꞌi, “Ebi ittoshi tuniiti mooyo, amoone? Anaami bushiishoon wuxaanoon ittoshi qajjito amoyichiye?” iꞌi echehe.

Dojjecho 10:19

Gifiroo asho miiccemmoyich tuniihe; woyinee uyoo ashoon emirikkiye. Gijjoo beegaata bulli mooyo beetone.

Dojjecho 9:7

Ebich and illa, ne maayoon emiroona mame; ne woyinee uyoonoo emiroona uye; ebiyoo Yeeri ne tuniyemmoyich bi qaawiti mooyone.

Daaneeli 5:30

Aroobee xum Baabloonee taatoo Belshasoorin wuxiyeete.

Naahoomi 1:10

Biinnaa biinna wutireeti angixonaa maayi tulloonochoommon, qaaqqoo ittoshin michi aalliyemmone.

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

Mishiraachechinaꞌo 5:29

Pheexiroosinaa bare mishiraachechinaꞌona wochiꞌi ishichiyeete: “Ashich deꞌa no getoyee Yeerich deꞌa no geto tunibede mooyone.

Yaasi 1:9

Ne Nuggishoo Doono Yeeri ta, ne hammaabeeti xaaꞌoo bulliich neenna tookkaa taane. Ebich ‘Kupphebe; maac kuxo tunebe’ iyaꞌa neech ta getteton shalligibe. Ciroona shattaahine; kirikiichiyaahine” iye.

Woraaferasheenaꞌo 19:22

Emiree toommooch boonoshi beetaa, are katemeexi, ikkikke gaacaalli asheenaꞌo kexon giichiyeete. Kelloonoo xoobbiibee kechi doono tuneti geene uroon “Biinna tookki shunoon no maayemmoyich, ne kexooch giyiti uroon maach nooch kichibe” iyeete.

Woraaferasheenaꞌo 19:6

Ebina ebi gutte asheenaꞌo tookkii koteꞌi maa uchiyeete. Busheechi nihoo uroon “Hanaachi xumoon hiniich kashe emiribee qebe” iꞌi qollehe.

Woraaferasheenaꞌo 19:9

Uro bi naamacheenaa bi naayona tookkii hamma tiyimmona busheechi nihoo “Showoo womikketone; hiniich qebote; and showoo xum bedditone. Hiniich kashe emiribee qebote; yaach maaddee yaaꞌoona tiyiree ittoshi kexooch hammemmo ittoshine” iye.

Ruuti 3:7

Boꞌaaziyoo maa uchii bi ashittinooch gaawetaa, hammii bushaa kiceeti sheqee gaꞌooch tokketehe. Ruutiyoo nibbaa xepphaabee waa Boꞌaazi qoreddoon baataa gaxxaꞌa giyaa tokketehan.

1 Saameeli 18:22

Aroochee Saaꞌooli bi naayinaꞌoyich “Daawitin ‘Taatoo neenna emiritone. Bi naayinaꞌo bulliyoo neen shunnitinaꞌone. And illa ebich taatoochi busheen shaage’ getiree aashoona biich getote” iye.

1 Saameeli 28:10

Saaꞌooliyoo “Beeyechi Doono Yeeri beege! Ebi mooyona ne toommooch shaggemmi amee iritolla aalloone” iꞌi Doono Yeerichi shigoona wogehe.

1 Saameeli 28:13

Taatoo biin “Shattaahine; amooniye ne ciinnaabeeto?” iye. Ureyoo “Ayaano showoochee kechii beeton beeggaabeeti taane” iyan.