2 Saameeli 13:21 - Kafa Linguistics Project

²¹ Taatoo Daawiti ebi bullin waayeꞌi, oogeton ippee kaarehe. [Tunebaani Aminooni mulloon ayinikkemmi mooyon tuniyaanoone. Ebiyoo bi gutenee bushoo bi tunetoyich, wotta biin shunnii bi beetoyichiye.]

2 Saameeli 13:21 ပူးပေါင်းရင်းမြစ်များ

Halloo 34:7

Yaaqobi bushiisheenaꞌo ebi tuneti mooyon waayeꞌi gaddoochee bekkech waaheete. Shekeemi Yaaqobi busheen giidoona bi yeshona tun bedaani, yeelliibeeti mooyon Israꞌeelee yareenaꞌo toommooch bi tuniitoyich, oogeton ayiniyeete; oogetonoo ippee shineheete.

Halloo 35:22

Are showooch boonoshi beetaa, Roobeeli bi nihoo naamache Biilin qeyiye. Israꞌeeliyoo ishin waayehe. Yaaqobichoo aaraa gutte anaami bushiisheenaꞌo beetinaꞌone.

2 Saameeli 12:10

And illa ebich, gino bulli yemeenoon ne kechi asheenaꞌo daggoochee baraachemmone. Ebiyoo taan ne qallayitoyich, wotta Uuriyi mecheen daammaa ne shaaggetoyichiye’ iye.

2 Saameeli 12:5

Daawiti ebi gaannechi uro toommooch oogichii kaareꞌi, Naataanich ishichiye: “Beeyechi Doono Yeeri beege; ebin tuniiti uro qita beddiye.

2 Saameeli 13:20

Bi manoo Abisoloomiyoo biich ishichiye: “Ne manoo Aminooni toone ebin ne toommooch tuniito? Ta maneene, ebin konichona gettaahine; bi ne manoone. Ebi shaahoon oogichiree aaxxiyaahine” iye. Tamaariyoo Abisoloomi kexooch ayinaa buuchaꞌa kotahan.

2 Saameeli 13:22

Abisoloomi Aminoonich gondoon tuneba deꞌoon, amoonolla qaareyaanoone. Ebiyoo bi maneen giidoona bi yechitoyich, Aminoonin bi shixxitoyichiye.

Shoddo 101:8

Showee toommeexi axaaxechinaꞌon maaddi maaddoona aalliyemmo taane; Doono Yeerichi katemoochee gondeenaꞌo bullin aalliyemmo taane.

1 Saameeli 2:29

Ishigaata, ta beeyi kexooch bi giddemmoyich ta getteti deejjoonaa buuroonon ittoshi qallayiibeeto amoyichiye? Ta asheenaꞌo tuneti Israꞌeeleenaꞌo giddiibeeti deejjoochee gaawi gaaweton maabee ittoshin aangiyoona tayee beshoon ne bushiisheenaꞌon ne oogiyaabeeto, amoyichiye?