2 Saameeli 12:8 - Kafa Linguistics Project

⁸ Bi taatittinoon neech immehoye; bi mecheenaꞌonoo ne sheenooch ne tiqqemmon tuniihoye. Israꞌeeleenaꞌonaa Yihudee asheenaꞌonochi toommooch neen taatiihoye. Ebi giisheto gaata, ebiyee beshoon daakkiree immesho taane.

2 Saameeli 12:8 ပူးပေါင်းရင်းမြစ်များ

2 Saameeli 12:11

“Andoo Doono Yeeri ishichiye: ‘Ebiyoche, ne hajjee kechi ashi daggoochee gonde mooyon ne toommooch tiijjemmo taane. Ne ciini beetaa, ne mecheenaꞌon daamiree bare ashich immemmo taane. Areddee aaboona ne mecheenaꞌona tookki qeyemmone.

2 Saameeli 12:2

Gaannechi uroyich meeti bago, emmishoonaa miimona beetone.

2 Saameeli 2:4

Aroochee Yihudee asheenaꞌo Kebiroon waa, Daawiti shimbooch zayitoon huuttiꞌi, Yihudee asheenaꞌo toommooch taatiiheete. Saaꞌoolin duukkitinaꞌo Gilaadee showooch beeti Yabeeshi asheenaꞌo tunoon Daawiti waayehe.

2 Saameeli 5:5

Kebiroon beechii, Yihudee showooch shabaatte nattaa shiritte agenoon taatehe; wotta Yerusaalem beechii, Israꞌeelee showoo bullinaa Yihudee showoo bullinooch shaashaa keejje naton taatehe.

2 Saameeli 7:19

Nuggishoo Doono Yeero, ebi ne tuniiti mooyo, ne aafoochaa giisheche mooyon tuneꞌi bekkehe; gubb woyemmi ta shiijjereenaꞌochon gibenikkihine. Nuggishoo Doono Yeero, halla ashich ebiyoommi mooyon tuniyaabeeto neene?

2 Saameeli 9:7

Daawitiyoo biich ishichiye: “Shattaahine; ne nihoo Yonaataanicha getiree neech deeyemmo taane. Ne nihinihoo Saaꞌoolicho tuneti showoo bullin neech wochemmo taane. Bulli aaboonoo ta madoochee maayemmo neene” iye.

1 Taateenaꞌo 2:22

Taatoo Solomooniyoo bi indeyich ishichiye: “Amoyich Shuneemee ashe Abishagin baach Adoniyaasich echenne? Ta qaabbe manoo bi tunetoyich, taatittinoonoo biich echebani am! Biich baach tuneyaanoon, qeeshoo Abiyataarinaa Tseruuyi bushoo Yoꞌaabinoyichoo ebiyoommon echebe!” iye.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Roomi 8:32

Yeeri bi hajjee Bushoyich ariqqeyaanoon no bullicha iꞌi beshii immiye; ebich wotta biinna tookki bulli mooyon nooch wojjemmone.

1 Saameeli 15:19

Ishigaata, amoyich Doono Yeerichi getoon ceechemmon qajjenne? Amoyich kecceyemmi mooyon bogoyich dafeeꞌa, gonde mooyon Doono Yeeri aafooch shuunenne?” iye.