2 Saameeli 12:13 - Kafa Linguistics Project

¹³ Daawitiyoo Naataanich, “Doono Yeerin xuqqeto taane” iye. Naataaniyoo Daawitich ishichiye: “Doono Yeeri neen maaritone; ne, qitaachemmo neene.

2 Saameeli 12:13 ပူးပေါင်းရင်းမြစ်များ

Halloo 39:9

Hini kechi daggooch taach beeti ukkirittino biichoommone; taach bi imaani mooyo, bi mechee ne tunetoyich, neen baachiye. Ishigaata, ebi shaahe gonde mooyon tuniyoona aabichiree Yeeri aafooch axaaxoon shuunebote?” iye.

2 Saameeli 24:10

Asheenaꞌo haddeyemmon bi tuniitoyee gubb, Daawit mullo biin ittibatehe. Biyoo Doono Yeerich ishichiye: “Ebi ta tuniiti mooyona oogeti axaaxoon shuuneto taane. Doono Yeero, ne guuno ta gondoon maaribe; mullaalli ashi shuunoon shuuneto taane” iye.

2 Saameeli 24:17

Daawiti asheenaꞌon wuxiibeeti maraakoon beeggiꞌi, Doono Yeerich ishichiye: “Axaaxoon shuuneto taane; boonoshi qiddoo tunaachaa gondeto ta qelloona taane. Hini bagoommi asheenaꞌo aalliiti mooyo aalloone. Taannaa ta nihoochi kechi asheenaꞌonon baach ne naxemmoyich neen qollehoye” iye.

1 Taateenaꞌo 13:4

Taatoo Yeroboꞌamiyoo ebi Yeer asho deejjee gudee toommooch bunnee bi gettiton waayeꞌi, neexee bi beeti, deejjee gudee xaaꞌoochaa bi kishoona kochii bekkiiꞌi, “Yeshote” iye. Tunebaani uro toommooch bi yaggiti kishoo wogii echehe; qodonoo mawiihe.

1 Taateenaꞌo 21:20

Akaabi Eliyaasin beeggiꞌi, “Ta ettoocho, batt taan danenne?” iye. Eliyaasiyoo biich wochiꞌi ishichiye: “Eeha, Doono Yeeri aafooch gonde shuunoon shuunoyich ne qelloon kemmeto ne tunetoyich, neen daneto taane.

1 Taateenaꞌo 22:8

Yoshafaaxich Israꞌeelee taatoo, “Biinna Doono Yeerin no echaabeeti ikke uro beetone; biyoo Imilaahi bushoo Mikiyaasine. Tunebaani taach bi keemmiibeeto gondoonani, deꞌoon tuno bi qajjitoyich, biin shixxoye” iye. Yoshafaaxiyoo, “Taatoo ishichaaye” iye.

2 Taateenaꞌo 1:9

Aroochee taatoo aache ginee iraashoon aache bi ginee naayinaꞌona tookkii Eliyaas waan daachiihe. Aache ginee iraashoo Eliyaasi koteꞌi beeti geppee toommooch kechiꞌi biich, “Yeer ashoocho, neen taatoo, ‘Waa kindibe’ itone” iye.

1 Kiinoo 21:8

Aroochee Daawiti Yeerich ishichiye: “Ebi mooyon tuniyoona oogeti axaaxoon shuuneto taane; ne guuno ta gondoon ne maaremmoyich neen qollehoye. Mullaalli ashi shuunoon shuuneto taane” iye.

2 Kiinoo 16:10

Ebichi naboona Aasi yaaꞌechon kaarehe; oogichiꞌi bi ippetoyich, cuyee kexooch giijjiye. Ebiyooba Aasi ikkikke asheenaꞌon oogichiꞌi xuuxiihe.

2 Kiinoo 25:16

Tunebaani getooch bi beetaa taatoo, “Neen taatoochi mikkirecho tuniyaꞌa ukkiriito noone? Cikkibe; qitiya ne qaawaabeeto amoyichiye?” iye. Keemechoo cikkiye; aroochee, “Ebin ne tuniitoyich, ta ciicoonoo waayo ne qajjetoyich, Doono Yeeri neen aalliiya bi maacon and ariite” iye.

Iyoobi 33:27

Biyoo shoddebee asho bullich ishichemmone: ‘Ta, axaaxoon shuunaa, kaame mooyonoo xummiito taane; tunebaani taach tun bedoommon, Yeeri taan sheeraanoone.

Shoddo 103:12

Aabi-keyo aabi-gimoochee wohoommon no axaaxoon no waanee wokkiihe.

Shoddo 51:16

Deejjoo neen emirikkaachani deejjesho taane; micciibeeti deejjoo neen emirikkaache.

Shoddo 51:4

Ta xuqqeto neen, halla neen baachiye; ne aafoochaa gonde mooyon tuniihoye; ebich gondeto ta tunoon ne getonaa ta toommooch ne nalloona tatoone.

Shoddo 51:6

Ne, iberoon ne shunnaa beetoyich, mullecho tunoon taach dojjibe.

Keyo 9:27

Aroochee Farooni Muusinaa Harooninon ceekkiiꞌi, boonoshich ishichiye: “And gondeto taane. Doono Yeeri tatoone; tunebaani taannaa ta asheenaꞌona gondeto noone.

Shaahiyoo 25:12

Mullechi ashi kaaro, deꞌa ii waayemmi ashich, waajji aachoommo, xalle aachoochee shuuneeti shashoommone.

Shaahiyoo 28:13

Bi axaaxoon aachiibeeto aafeyaachemmone; tunebaani bi axaaxoon aanniꞌi, axaaxee shuunoon qajjiibeeto maareyemmone.

Isiyaasi 38:17

Ebiyoche oogichaa ta caammo taach gaacoon tunehe; newoo ta kasheen aallee oppoochee wochihine; ta axaaxoo bullin ne gubb duppehine.

Isiyaasi 43:24

Gaawe cinnechi ixaanoon gijjoona taach kemeyaano neene; ne deejjee awuyona taan michiyaano neene; tunebaani ne axaaxoona taach shaagoon tunehine; ne xuꞌoonoo taan taahiihine.

Isiyaasi 44:22

Ne axaaxoon quboochoommon, ne xuꞌoon quboochoommon, shoterekkayiree aalliyemmo taane; neen ta biishetoyich ta waan wottebe” iye.

Shoosho 3:32

bi ayinikkiteenona beshaa beshe bi shoodoona ariqqemmone.

Leweenaꞌo 20:10

“ ‘Ikke asho, ashi mecheena tookkii shunoo bi maagaata, uroonaa ureena boonoshi guttiyona qitibeete.

Leweenaꞌo 24:17

“ ‘Ashoon wuximmo qitibe.

Zakaariyaasi 3:4

Maraakoo bi aafooch neexee beetinaꞌon “Ebi uro taheti wooreti tahoon shootote” iye. Yaasinoo “Ne axaaxoon ne waanee wokkiito taane; gaawe tahoonoo neech tajjemmo taane” iye.

Maatiyoosi 14:10

Aroochee cuyee kexooch wochii, Yowannisi qettoon kuchiihe.

Luqaasi 15:21

“Bushoo ‘Ta nihoocho, Yeerinoo neenoo xuqqeto taane; gubbichoo ne bushoo getteya bedaache’ iye.

Luqaasi 18:13

“Wotta hini are gabiyee guudo yaafee kexooch neexee beetinaꞌoyee wohooch neexeechii bi aafoon kaama tiijjiꞌi shimaajj ciinonolla shunaanoone; tunebaani bi getoon qicciibee, ‘Yeero, axaaxechi taan maaribe’ iibee Yeerin qollehe.

Mishiraachechinaꞌo 2:37

Asheenaꞌo ishin waayeꞌi, boonoshi mulloona xeejjii miijjiyeete. Pheexiroosinaa bare mishiraachechinaꞌonon “No maneenaꞌote, ebich and aabichibona?” iꞌi echeheete.

Hibireena'o 9:26

Ebi tunesho gaata, hini alemo halleetoochee tiijjiree, wodde wottoon xuuxoon beego biich qaawiyeshone; tunebaani and yemeenee ciiro katinaa, bi qelloon beshii deejjoon tuniiꞌi, axaaxoon wokkiiya koshiyoo aalli ikke wottoon bekketone.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

1 Saameeli 15:20

Saaꞌooliyoo Saameelich “Doono Yeerichi getoon ceechito taane. Taan bi wochetoochoo hammeto taane. Amaleeqeenaꞌon ciroona hidaa aalliyaachaa, boonoshi taatoo Agaagin deebeto taane.

1 Saameeli 15:30

Saaꞌooliyoo wochiꞌi, “Axaaxoon shuuneto taane. Tunebaani ta asheenaꞌochi ukkireenaꞌonaa Israꞌeeleenaꞌo bullinochi aafooch taan oogiibe; ne Nuggishoo Doono Yeerich ta goyinnemmoyich taanna tookki wottebe” iye.