2 Saameeli 11:1 - Kafa Linguistics Project

¹ Nato shaddeebeeti yemeenooch, taateenaꞌo koyooch hammiibeeti aabooch, Daawiti bi ginee iraasheenaꞌonaa Israꞌeelee ginee naayinaꞌo bullinon Yoꞌaabina tookkii koyooch daachiihe. Boonoshiyoo Amooneenaꞌon kochii aalliiꞌi, Raabin giichiyeete. Tunebaani arooba Daawiti Yerusaalemi echetone.

2 Saameeli 11:1 ပူးပေါင်းရင်းမြစ်များ

2 Saameeli 10:14

Amooneenaꞌo Sooriyeenaꞌo wocee aalloon beeggiꞌi, boonoshiyoo Abishayi aafoochee woceꞌi katemooch wottee giyiyeete. Aroochee Yoꞌaabi Amooneenaꞌona koyoochee wotteꞌi Yerusaalem hammiye.

1 Taateenaꞌo 20:22

Aroochee keemecho Israꞌeelee taatoo waan waaꞌi biich, “Waabeeti naawooch Sooriyee taatoo wochinnoon neenna koyemmo bi tunetoyich, kupphebe; amoon ne tuniyemmo gaata gabibe” iye.

1 Taateenaꞌo 20:26

Gubbi naawooch Been Hadaadi Sooriyeenaꞌon kiciye; Israꞌeeleenaꞌon koyoyich Afeeqi katemooch kechiye.

1 Kiinoo 20:1

Nato shaddeebeeti yemeenooch taateenaꞌo koyooch hammiibeeti aabooba, Yoꞌaabi bi ginee naayinaꞌon yechii hammiꞌi Amoonee showoon kochiye. Hammiꞌi Raabin giichiye. Tunebaani Daawiti Yerusaalem echetone. Yoꞌaabi Raabin kochii aalliihe.

2 Kiinoo 36:10

Naawooba taatoo Nabukadinatsori Baabloonee showooch biin cuchiꞌi daammiye; Doono Yeerichi yaafee kexeexi aaxxi qiicoonoo biinna tookkii daammiye. Bi manoo Sedeqiyaasin Yihudee showoonaa Yerusaaleminooch taatiihe.

Shoddo 60:9

Mishigechi katemooch koni taan daamba? Edoom koni taan dabbii hamba?

Dojjecho 3:8

shunoyich gooroo beete; shixoyich gooroo beete; koyoyich gooroo beete; diggoyich gooroo beete.

Erimiyaasi 49:2

Ebich Amoonee asheenaꞌochi katemoo tuneti Raabi toommooch kokkoree qaaroon ta waayiyemmi aabo woyemmone” iye Doono Yeeri. “Buriceechi gutoo tunemmone; bi gafeenaꞌoo qaaqqoona miccemminaꞌone; Israꞌeeliyoo biin woraashitinaꞌon woraashemmone” iye Doono Yeeri.

Erimiyaasi 49:3

“Heshiboni asheenaꞌote! Aayi katemoo happeetoyich biich eefote; Raabi katemeexi maacheenaꞌote! Milikoomi, bi qeesheenaꞌonaa bi ukkireenaꞌona ikkittinoona kecceyemminaꞌo boonoshi tunetoyich eefote; dookoon taheree eefote; uxeree daggooch gaawaagaawebote.

Hiziqeeli 21:20

Goraado woyemmoyich Amooneenaꞌochi katemoo Raabinaa xaqqee uxerechi Yihudee katemoo Yerusaaleminochi gommooch malletoon gede.

Amootsi 1:14

Ebich Raabi katemee xaqqee uxerooch qaaqqoon geddemmo taane; bi taatee kexinaꞌonoo michi aalliyemmone. Aroochee koyooba cookoonaa dulloona woddemmone; koyoo yubee yongo afaafinoommon afaafinemmone.

Zakaariyaasi 14:3

Aroochee Doono Yeeri ginooba bi koyoommon ebi aageteenaꞌon keyi kochemmone.

Yibbaatoo 3:11

Refayeenaꞌo daggoochee echeto, Bashaanee taatoo Oogi ikkeeto baachiye. Xuuroochee shuuneeti bi qeechi neexo yiixiye hiroo, bi gidoo wotta awudde hiroone. Ebiyoo and beddaahaa Amooneenaꞌochi katemoo tuneti Raaba beetone.

1 Saameeli 18:30

Filsixeemee ginee iraasheenaꞌo kechiꞌi wochii wochii koyee beeheete. Tunebaani gino koyeebeeti aabo bullin, Saaꞌoolichi bare ginee iraasheenaꞌoyee beshoon kochii wochoona Daawitich mooyo kaamee beehe. Ebina bi shigo aricheton tunehe.