2 Saameeli 1:23 - Kafa Linguistics Project

²³ “Saaꞌoolinaa Yonaataanina kashoona beebee oogeti shunechinaꞌone; boonoshi qitoonoo barbaraaneenaꞌone. Boonoshiyoo booyoyee beshe afaafinechinaꞌo, daaheroyee beshe kuppheenaꞌone.

2 Saameeli 1:23 ပူးပေါင်းရင်းမြစ်များ

2 Saameeli 1:24

“Israꞌeelee maacheenaꞌote! Aaxxe ceelle hulle tahoon ittoshich tajjiti, aachoochee shuuneeti mooyon ittoshi tahooch ittoshi geddemmoyich tuniiti, Saaꞌoolich eefebote!

2 Saameeli 2:18

Tseruuyichi keejje bushiisheenaꞌo arooch beetinaꞌone. Eboshiyoo Yoꞌaabi, Abishayinaa Asaheelinane. Asaheeliyoo gaddoona woccaabeeti xiixxechoommon afaafinaa woccechone.

2 Saameeli 23:20

Kabizeelee asho, Yoyaadi bushoo Beenayi aricheti mooyon tuniiti ginee anaamone. Biyoo gutte Moꞌabee ginee anaaminaꞌon wuxiye. Wotta ikke areddoon kecho shimaayoochee kindiyooba dugilla hammiꞌi oppooch beeti daaheroon wuxiye.

1 Kiinoo 12:8

Barahooch beeti mishigooch Daawiti beetaa, Gaadi yoodoochee gaachoonaa ginoonon yechiꞌi koyoona aricheti, ginee anaaminaꞌo tuneti asheenaꞌo bi waan waaheete. Boonoshiyoo daaheree baroommi barechinaꞌo, geppee toommooch capphiibeeti doolloommi afaafinechinaꞌone.

Iyoobi 9:26

Aachi toommona qaxiriibeeti aachi goonoochoommon, yecha dugilla yafiibeeti booyochoommon, afaafinoona beshehe.

Shaahiyoo 30:30

Eboshiyoo: Cooxinaꞌo daggoochee beshe kuppho tuneti konaakketi aafoochenolla gubb wotteyaani daaheroo,

Solomooni 5:16

Bi yibbaatoo oogeti shaawone; bi hullimallo macecikkitone. Yerusaalemi gidiideenaꞌote, ta shiiqqi, ta shunecho, ebiyoommone.

Erimiyaasi 4:13

Ebiyoche etto quboochoommon woyemmone; bi gaarinaꞌoo yubee yongoomminaꞌone; bi haresheenaꞌo booyoyee beshe afaafinechinaꞌone. Nooch woowo, aalleto noone!

Shoosho 4:19

Noon yookkii beetinaꞌo shimaajji booyoyee beshe afaafinechinaꞌone; guudinaꞌochi toommoochaa noon yookkii dabbiyeete; barahoochaanoo noon ottii quyeheete.

Yibbaatoo 28:49

“Doono Yeeri booyo afaafinoona kindoommon kindiibeeti, boonoshi noonoon ne ariyaani aagetee asheenaꞌo wohoochee, showee tuggoochee waaree neen boonoshi kochemmoyich, tuniyemmone.

Woraaferasheenaꞌo 14:18

Shabaattinnee qemooba aabe aafe giyaan beetaa, are katemeexi asheenaꞌo: “Eeyoyee beshe shaawo, amoone? Daaheroyee beshe kuppho, amoone?” iyeete. Samsooniyoo wochiꞌi, “Ta gidereena ittoshi goyaano gaata, Ta turitoon biishaachesho ittoshine” iye.

1 Saameeli 18:1

Saaꞌoolinaa Daawitina yibbaatoon ciichiyeete. Aroyee gubb, Yonaataani Daawitich kashoommi nuuchoon tunehe. Biyoo Daawitin bi kashoona tachiꞌi shunniye.

1 Saameeli 20:2

Yonaataaniyoo “Yeeri ebin ne waanee wokkiibe; qitaachemmo neene. Ta nihoo shiichiꞌi taach getaanoon giisheche mooyon tuneba oogeton, amoonolla tuniyaanoone. Ishigaata, ta nihoo hinin taach bi aachemmi naboo beete? Mooyo ebi toonoone” iye.