2 Saameeli 1:21 - Kafa Linguistics Project

²¹ “Ebi Giliboꞌi geppeenaꞌote! Ittoshi toommooch doshoo (caagibano) kindaaye; amiyoo dihaaye! Buuroyich tunemmi maayoon shakkiyemmi goyee budo aallebe! Ebi aroochaa giidechinaꞌochi gaachoo qalliꞌi duppetone; Saaꞌoolichi gaachoo ebiyee damba zayitoona huutteyaachemmone.

2 Saameeli 1:21 ပူးပေါင်းရင်းမြစ်များ

1 Kiinoo 10:1

Filsixeemeenaꞌo Israꞌeeleenaꞌon kochiyeete. Israꞌeeleenaꞌo boonoshi aafoochee wocee aalleheete. Meetinaꞌo Giliboꞌi geppoochaa koyaa qitiyeete.

1 Kiinoo 10:8

Bi dechara Filsixeemeenaꞌo dubenee toommoochee gaacechi mooyon shooti daamma waaꞌi, Saaꞌoolinaa bi bushiisheenaꞌonochi dubeno Giliboꞌi geppooch qeyiꞌi beeton daneheete.

Solomooni 4:4

Ne qettimixo ginee qiicoon kaꞌoyich shuuneeti Daawitichi dilaaloommone; hume gaachoo, ginee anaaminaꞌochi ginee qiico bulli, arooch kaqqetone.

Isiyaasi 21:5

Ebi yaaꞌoona, gifiroon qannii boonoshi beetaa, kotee xaaꞌoonoo qannii boonoshi beetaa beeggeho; asheenaꞌoo maa uchii beetaa, “Ginee iraasheenaꞌote, tibote; ittoshi gaachoon zayitoona huutote” getteehe.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Hiziqeeli 31:15

“ ‘Nuggishoo Doono Yeeri ishichiye: Ebi mixo maash kindiyooba, ogooge aacinaꞌo biich eeppemmoyich, woce aacinaꞌo kuxemmoyich, wodde aacinaꞌo neexemmoyich tuniito taane; biicha iyaꞌa Libanoosich manderoon tajjiyoye; kubbi mixinaꞌo bulla shuuqqiyeete.

Yoꞌeeli 1:9

Maayi buuroonaa uyee deejjoona, Doono Yeerichi yaafee kexoochee kuxetone; Doono Yeeri aafooch maddeebeeti qeesheenaꞌo eefeheete.

Yoꞌeeli 2:14

Diqqich ittoshi Nuggishoo Doono Yeeri, bi kaaroochee qayi wotteree, ittoshin diiremmo tunemmone; ittoshiyoo maayi buuroonaa uyee deejjoonon biich giddiyemmo ittoshine.

Woraaferasheenaꞌo 5:23

Doono Yeerichi maraakoo ‘Meroozi katemoon ufote! Arooch beeti asheenaꞌonoo xogi ufote! Ebiyoo Doono Yeerin gaachoyich giidechinaꞌon kocha, ginee naayo tuneree biich gaacheya womon boonoshi qajjitoyichiye’ iye.

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]

1 Saameeli 31:1

Arooba Filsixeemeenaꞌo Israꞌeeleenaꞌon kochiyeete. Israꞌeeleenaꞌo boonoshi aafoochee wocee aalleheete. Meetinaꞌo Giliboꞌi geppoochaa koyaa qitiyeete.

1 Saameeli 31:8

Bi dechara Filsixeemeenaꞌo dubenee toommoochee gaacechi mooyon shooti daamma waaꞌi, Saaꞌoolinaa keejje bi bushiisheenaꞌonochi dubeno Giliboꞌi geppooch qeyiꞌi beeton daneheete.