2 Saameeli 1:2 - Kafa Linguistics Project

² Bi dechara ikke uro keexeti tahoon taheꞌi, bi shimboochoo buttoon shakkiꞌi Saaꞌoolichi kaamboochee waahe. Daawit waan shaggiꞌi, biich oogoon imoyich, showooch baroona guufehe.

2 Saameeli 1:2 ပူးပေါင်းရင်းမြစ်များ

Halloo 22:4

Keejjinnee qemooba, Abrahami kaama ciinniꞌi, ebi xaaꞌoon wohoochaa beeggiye.

Halloo 37:29

Roobeeli oppo beetooch wottee hammii ciinniꞌi, Yooseefin muccehe. Ebich bi tahoon keexxiye.

Halloo 37:34

Arooba Yaaqobi bi tahoon getoochaa keexxiye; dookoon taheꞌi, meeti areddoon eeppii muushenehe.

Halloo 43:28

Boonoshiyoo “Ne guuno no nihoo diggoone; batt kashoona beetone” iyeete. Yittiꞌi biich goyinneheete.

2 Saameeli 1:3

Daawitiyoo “Amoocheeniye ne waato?” iꞌi echehe. Biyoo “Israꞌeeleenaꞌo kaamboochee muriccaꞌaniye ta waato” iye.

2 Saameeli 13:19

Tamaariyoo tulloon bi shimbooch shakkahan; bi taheti genje tahoon keexxahan. Bi kishoon bi qellooch geddaꞌa, cookaa eeppaabee hammahan.

2 Saameeli 14:4

Ureyoo taatoo waan hammaꞌa, biich oogoon imoyich baroona showooch guufahan. Biyoo “Taatoocho, taan gaachebe” iyan.

2 Saameeli 15:32

Daawitiyoo geppee toommooch beeti, Yeerich goyinnee xaaꞌooch bi shaggaahaa, Arikee asho Hushayi bi tahoon keexxiꞌi, bi shimboochoo buttoon shakkiꞌi biinna daneya waahe.

2 Saameeli 24:20

Orinaani dugilla ciinniꞌi, taatoonaa bi naayinaꞌona bi waan waa beetinaꞌon beeggiye. Biyoo boonoshi waan giddee baroona showooch guufeꞌi, taatoyich oogoon immiye.

2 Saameeli 4:10

Mishiraachoon taach deebito biich shaahaa, ‘Saaꞌooli qitite’ iti uroon yechaꞌa, Tsiqilaagaa wuxiyoye. Ebi uroyich bi deebiti mishiraachoyich ta qocceti gatiyoo ebine.

Asteeri 4:16

“Hamiree Suusa beeti Ayihudeenaꞌo bullin ikkittinoona kicibe; taachoo coomibote; keejje areddoonaa keejje xumoonon amoonolla maayaahote; uchaahote; taannaa ta naayinaꞌo tuneti maache bushiisheenaꞌona ebiyoommon coomemmo noone. Aroyee gubb, sheeroona bacheto bi tunetaanoona, taatoo waan giyemmi taane; ta qitenoo qitibona” iyan.

Asteeri 5:1

Keejjinnee qemooba Asteeri taatee kechi tahoon tahaꞌa hammaa, taatoochi qeechi kechi ciinooch beeti, taatee kexooch giyaꞌa neexahan. Taatoo are kechi kellee ciinooch, bi qeenooch koteꞌi beehe.

Shoddo 66:3

Yeerin “Ne shuunoo am shaahoon worganikkitone! Ne hakkoo oogeto bi tunetoyich, ne etteenaꞌo ne aafooch waagwaagiyemminaꞌone.

Hiziqeeli 27:30

Buttoon boonoshi qellooch shahibee, tulloochoo gederebee, neech oogichi cooki eeppemminaꞌone.

Hosee'i 6:2

Gutte qemoyee gubb noon wodiyemmone. Bi aafooch kashoona no beeyemmoyich keejjinnee qemooba noon tiijjemmone.

Yoꞌeeli 2:13

Ittoshi mulloonalli ittoshi tahoon keexxaahote. Ittoshi Nuggishoo Doono Yeer waan wottebote; biyoo maarecho, ariqqecho, kaaroyich nibbecho, wodde shoodecho, sheeroyich nibbechone.

Maatiyoosi 12:40

Yoonaasi ooge haashee maacooch keejje areddoonaa keejje xumoonon bi kotetoommon, ebiyoommon Ashi Bushoo showee maacooch keejje areddoonaa keejje xumoonon kotemmone.

Maatiyoosi 16:21

Aroobee aabooba Yesuusi bi dabbeenaꞌoyich ishichiꞌi getooch giyiye: “Yerusaalem hamo taach qaawiihe; aroochaa showee geeneenaꞌo, qeeshee ukkireenaꞌonaa Muusichi Sheeree dojjechinaꞌonochi kishoochee wodde xuuxoon beeggemmo taane; taan wuxemminaꞌone. Tunebaani keejje qemooba qitoochee tiyemmo taane” iye.

Yaasi 7:6

Ebiyooba Yaasi bi tahoon keexxiye; xumemmi wottoon Doono Yeerichi taabootee aafooch baroona guufehe. Israꞌeelee geeneenaꞌoo ebiyoommon tuniiheete; boonoshi shimboochoo buttoon shakkiyeete.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.

1 Saameeli 20:41

Bushoo hammitoyee gubb, Daawiti bi aasheti xaqqee gutee gaꞌoochee kechiꞌi, Yonaataani aafooch guteneꞌi keejje wottoon baroona guufee goyinnehe. Aroochee boonoshi guttiyoo eefeebee shumeheete. Tunebaani beshoon eeppito Daawitine.

1 Saameeli 25:23

Abigeliyoo Daawitin beeggaꞌa afaafinoona kuroochee kindiyan; showooch dihiꞌanoo biich goyinnehan.

1 Saameeli 4:12

Arooba ikke Biiniyaamee asho bi tahoon keexxii, bi shimboochoo buttoon shakkiꞌi, gino koyeebeeti xaaꞌoochee guufeebee Shilooha waahe.

1 Saameeli 4:16

Uro Eelich “Ginoocheene ta waato; hanaach ginoochee muriccaꞌaniye ta waato” iye. Eeliyoo “Ta bushoocho, mooyo aabichiye?” iꞌi echehe.