2 Saameeli 1:11 - Kafa Linguistics Project

¹¹ Aroochee Daawiti ayiniꞌi bi tahoon keexxiye; biinna tookkii beeti asheenaꞌoo ebiyoommon tuniiheete.

2 Saameeli 1:11 ပူးပေါင်းရင်းမြစ်များ

Halloo 37:29

Roobeeli oppo beetooch wottee hammii ciinniꞌi, Yooseefin muccehe. Ebich bi tahoon keexxiye.

Halloo 37:34

Arooba Yaaqobi bi tahoon getoochaa keexxiye; dookoon taheꞌi, meeti areddoon eeppii muushenehe.

Halloo 44:13

Boonoshiyoo boonoshi tahoon keexxiyeete. Boonoshi bulliyoo maayoon boonoshi kurooch xaaniꞌi, boonoshi hilla katemooch wotteheete.

2 Saameeli 13:19

Tamaariyoo tulloon bi shimbooch shakkahan; bi taheti genje tahoon keexxahan. Bi kishoon bi qellooch geddaꞌa, cookaa eeppaabee hammahan.

2 Saameeli 13:31

Taatoo tiyii neexehe; bi tahoonoo keexxiye; beneenoo iye. Biinna tookkii beeti bi naayinaꞌo bulliyoo wotta bi gaꞌooch neexeechii boonoshi tahoon keexxiyeete.

2 Saameeli 3:31

Aroochee Daawiti Yoꞌaabinaa bi asheenaꞌo bullinoyich “Ittoshi tahoon keexi, dookoon taheree, Abeneerich eefote” iye. Taatoo Daawitiyoo bi qelloona dubenoon deenniꞌi hammiye.

2 Taateenaꞌo 5:7

Israꞌeelee taatoo koorichoon shemmee bi tahoon keexxiꞌi, “Ashoon qeddee shaddee biiyoochee ta wodiyemmoyich, hini uroon ta waan bi deejjito, iberoochaa wuxoonaa wodiyoonon hakkiibeeti Nuggishoo ta tunetenane? Taanna kaaree bi qaawoon ebin beegote” iye.

2 Kiinoo 34:27

hini xaaꞌoonaa arooch beetinaꞌonon naxemmo ta tunoon ta getaa waayaꞌa, ne mullo tiishetoyich, Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

Iziri 9:3

Ebi mooyon ta waayehooba, maaci ta tahoonaa maachi ta tahoonon keexxeho; ta ishaanoonaa ta qelloonon shetteho; keqqoona dookkaꞌa koteho.

Asteeri 4:1

Mordokiyoosi ebi tuneti mooyo bullin bi waayehooba, bi tahoon keexxiye; dookoon tahee tulloon bi toommooch shakkii, bi qaaroon oogichiꞌi eeppii ayiniibee, katemee daggooch hammiye.

Erimiyaasi 36:24

Taatoo tuneba ebi qaaroon waayeti bi maddechinaꞌo bulli shataaneenaꞌone; boonoshi tahoonoo keexaaneenaꞌone.

Yoꞌeeli 2:13

Ittoshi mulloonalli ittoshi tahoon keexxaahote. Ittoshi Nuggishoo Doono Yeer waan wottebote; biyoo maarecho, ariqqecho, kaaroyich nibbecho, wodde shoodecho, sheeroyich nibbechone.

Mishiraachechinaꞌo 14:14

Tunebaani mishiraachechi Barnabaasinaa Phawuloosina ishin waayeꞌi, boonoshi tahoon keexxiꞌi, asheenaꞌo daggooch wocciyeete; cookiibeenoo ishichiyeete:

Roomi 12:15

Emirii beetinaꞌona tookki emiribote; eeppii beetinaꞌona tookki eefote.

Yaasi 7:6

Ebiyooba Yaasi bi tahoon keexxiye; xumemmi wottoon Doono Yeerichi taabootee aafooch baroona guufehe. Israꞌeelee geeneenaꞌoo ebiyoommon tuniiheete; boonoshi shimboochoo buttoon shakkiyeete.