2 Pheexiroosi 3:9 - Kafa Linguistics Project

⁹ Ikkikkeenaꞌoyich bi shaahii beetoommon, Doono bi gibenikkiti qaaroon ceechoyich yagaachemmone; tunebaani koniyoona aalleyaachemmoyich, asho bulli bi axaaxoochee Yeer waan bi wottemmon shunniꞌi, ittoshicha iiniye bi haaꞌiibeeto.

2 Pheexiroosi 3:9 ပူးပေါင်းရင်းမြစ်များ

Shoddo 77:8

Bi shoodo bulli yemeenooch aalletone? Bi gibenikkiti gibeno echetone?

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Keyo 18:23

Yeeri neech getaa, ebin ne tuniigaata, maraateyaachemmo neene; asheenaꞌoo kette gommona boonoshi mooyon ciichiree boonoshi kexooch wottemminaꞌone” iye.

Keyo 32:32

Boonoshi axaaxoon ne maaremmoyich neen qollehoye. Ebi tuno qayigaata, ne kobereti macaafoochee ta shigoon hidibe” iye.

Keyo 33:11

Asho bi shunechona tookkii yibbaatoommon, Doono Yeeri Muusina tookkii baroona daneꞌi yibbaatee beehe. Aroochee Muusi bi hilla wottee kaambooch waa beehe; tunebaani Muusichi gaachoo tuneti gurimaashoo, Nuuni bushoo Yaasi duukkaanoochee barii ariyaanoone.

Keyo 34:6

Doono Yeeriyoo ishichii bi shigoon awaajjiibee, Muusi aafoona beshehe: “Ta, Doono Yeeri, Doono Yeeri taane; tawoo ariqqechonaa deꞌoona, kaataa kaareyaano, ta shoodoonaa ta gibeneyoona woddeti Nuggishoo taane.

Dojjecho 8:11

Gondoon shuunee beetinaꞌo toommooch kaatee nalleyoo bi qajjitoyich, asheenaꞌochi mullo gondoon shuunoyich kupphehe.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Daaneeli 4:29

Aaraa gutte ageno beshetoyee gubb, taatoo Baabloon beeti bi taatee kechi toommona shaꞌeebee,

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Roomi 13:11

No wodee aabo, mulloon Kiristoosi toommooch no tooꞌiiti aaboyee beshoon and no waan katinnitone. Ebich tokketoochee no tiyemmi saato and shaggito bi tunoon, yemeenoon ariibote.

Roomi 13:12

Xumo beshetaa areddoo harii bekketoommone. Illa manderee shuunoon shooti dufiichi, bekkee ginee qiicoon cuyebone.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

Roomi 9:22

Tunebaani Yeeri bi kaaree shiixxoon bekkiiya, bi hakkoonoo arichiiya shunniye; ebich aalloyich qanniti bi kaaree shiixxee qiiceenaꞌon woddoon haaꞌiihe.

1 Ximootiyoosi 1:16

Tunebaani maaroon danehoye; maaroon ta daneto, Yesuus Kiristoosi ciyaani ooge bi haaꞌiyoon beshe axaaxechi taach bi bekkiyoo, boonoshi mulloon Kiristoosi toommooch tooꞌiiree bulli yemeenee kashoon danemminaꞌoyich shaahiyoo bi tunemmoyichiye.

Hibireena'o 10:37

Yaafe Macaafooch bi kooreetoommon, “Katinoon tunemmone; woya ii beeto woyemmone; yagaachemmone.

1 Pheexiroosi 3:20

Ebi cuyee kexooch cucheꞌi beeti kasheenaꞌo wonna Noohi yemeenooch markabo shuuneehooba, Yeeri haaꞌiyoona bi quyee beetaa biich deꞌa getaache itinaꞌone; are markabooch giyiꞌi aacona woditinaꞌo giishecheenaꞌo, eboshiyoo shimitte asheenaꞌo baachiye.

2 Pheexiroosi 1:4

Ebina aaxxoonaa oogetona tuneti gibenoon nooch gibenikkiye; ebi gibenoon bi gibenikkito, hini alemeexi asheenaꞌo toommooch beechii, duubiibeeti gonde qaatoochee muriciree Nuggishoochi shuriyoochee qoodeyechon ittoshi tunemmoyichiye.

2 Pheexiroosi 3:15

No Doono Yeeri haaꞌii bi beeto ittoshi wodoyich bi tunoon shalligibote. No shunnaabeeti no manoo Phawuloosi Yeeri biich immiti ariyoona ittoshich bi koorito ebiniye.

Yaaꞌoo 2:21

Ebi ure bi shunee mamon qayiree Yeer waan bi wottemmoyich haaꞌiito taane; tunebaani aree ebin qaawaaneene.