2 Pheexiroosi 3:7 - Kafa Linguistics Project

⁷ Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.

2 Pheexiroosi 3:7 ပူးပေါင်းရင်းမြစ်များ

Shoddo 102:26

Boonoshi bulliyoo aallemminaꞌone; tunebaani ne beeyemmo neene; boonoshi bulliyoo qoreddoochoommon geenemminaꞌone; geeneti tahoochoommon shaddemmo neene; boonoshiyoo aallemminaꞌone.

Shoddo 50:3

No Nuggishoo woyemmone; cikki qayaachemmone; michiibeeti qaaqqoo bi aafooch beetone; giidechi yuboo bi guudoona beetone.

Isiyaasi 51:6

Ittoshi aafoon kaachiree shimaayooch ciinote; dugilla showoochoo ciinote. Shimaayoo cufoochoommon naayi aallemmone; showoo qoreddoochoommon geenemmone; arooch beetinaꞌoo mattoochoommon qiti ciiremminaꞌone; tunebaani ta wodiyoo bulli yemeeneechone; ta wodiyoyich ciiro aalloone.

Isiyaasi 66:15

“Ebiyoche, Doono Yeeri qaaqqoona woyemmone; bi gaarinaꞌoo yubee yongoomminaꞌone; bi ippoon kupphe bi kaaroona, bi noggoonoo aaxxeebeeti qaaqqoona bekkiyemmone.

Daaneeli 7:9

Andoo ta ciinnaa beetaa, nallechinaꞌo kotemmi qeeninaꞌon geddiyeete; areexi ikkooch Wonnee Wonneecho kotehe. Bi taho nacce kechoommone; bi qelli eexoo haatteeti huuttoommi naccoone. Bi qeeno qaaqqee conjoommo, bi qeeno koteti gengoommi mooyo aaxxeebeeti qaaqqoommone.

Sofoniyaasi 3:8

Ebich Doono Yeeri ishichiye: “Eke cikki beebote. Aagetee asheenaꞌo toommooch ta nallemmi aabo waatone. Ta kaaree shiixxoon boonoshi toommooch kindiyoyich, aagetee asheenaꞌonaa showee taateenaꞌonon kiciya maacceto taane. Ta kaaree aabooba, qaaqqoo aaxxoommon aaxxeebeeti ta qanaatee kaaroona showoo bulli mici aallemmone.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 10:15

Iberoon ittoshich gettoye: Nallaa gallooba are katemeexi asheenaꞌoyee Sodoomi katemeexi asheenaꞌonaa Gomoori katemeexi asheenaꞌonoyich gaawiye” iye.

Maatiyoosi 11:22

Tunebaani ittoshich gettoye: Nallaa gallooba ittoshiyee Xiroosinaa Sidooninoyich naxo kettemmone.

Maatiyoosi 11:24

Tunebaani neech gettoye: Nallaa gallooba neyee Sodoomich naxo kettemmone” iye.

Maatiyoosi 12:36

Ta ittoshich gettoye: Asheenaꞌo yibbaateebeeti duube mooyo bullich nallaa gallooba Yeerich wochemminaꞌone.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Maariqoosi 6:11

Ittoshin iibbiyoo qajjiꞌi, ‘Ittoshi gettii beeton waayeyaache’ ii beeti xaaꞌeexi asheenaꞌoyich, boonoshi toommooch miixoo bi tunemmoyich gommooch keyiree ittoshi baateexi quttoon tebbeechi aroochee keyote” iye.

Yowannisi 12:48

Taanoo qajje iꞌi ta qaaroon iberiyaano toommooch nallemmo beetone; ciireexi aabooba hini ta getteti qaaro bi toommooch nallemmone.

Roomi 2:5

Tunebaani “Axaaxee gommoochee Yeer waan wotteyaache” ii beeti mulli manjoo ne tunetoommon, Yeeri kaamittinee nalloon bi bekkiyehoobinaa kaaree shiixxoon bi kindiyemmi aaboobinoyich kaaree shiixxoon ne toommooch kicaabeeto neene.

1 Qorontoosi 3:13

bi qelli qelloona hakketo am shaahoo gaata bekkemmone. Doono Yesuusi nalliya wotteree bi woyemmi aabooba, qaaqqoona miixeyemmone; are aabooba ikkikkoochi hago am shaahoo gaata qaaqqoo haattiree bekkiyemmone.

Filipphisiyoosi 1:28

Ittoshi mulloon Kiristoosi toommooch tooꞌiyoyich baach tuneyaanoon, biicha getiree duꞌoon wotta ittoshi beeggemmoyich ittoshich ichetone; ebich ittoshin shixxiꞌi duꞌii beetinaꞌoyich ikke mooyonona keqqiyaahote. Ebi ittoshi keqqee qayo boonoshich aallee malletoo, ittoshich wotta wodee malletoone. Ebi ittoshi wodoo bi daneto Yeer waaneeniye.

2 Tasaloonqi 2:3

Tunebaani asho koniyoona amee gommonolla ittoshin muriciyaaye; shiichiree meetinaꞌo Yeeri toommooch tiyiree hukkoon boonoshi shuunemmi wottoon, hukkechi uro, aalloyich kaacheti are uro, bekkemmi wottoon, ebi are aabo tuneyaachemmone.

1 Ximootiyoosi 6:9

Tunebaani “Gaannechon tunebone” iꞌi gabii beetinaꞌo gondoochi nihoona dacheeree, bi shaachiti ollooch yeche dihemminaꞌone; yeche boonoshi dihemmi ollo, mulloon muccii beetonaa qaakkiibeeti meeti qaatoonane; ebi qaatoo keyo hakkeyaani aalloochiye bi shakkiyemmo.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.

2 Pheexiroosi 3:10

Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.

1 Yowannisi 4:17

Kiristoosi beemoommon, no wotta hini alemooch beeto noone. Ebich nallaa gallooba aafee kuppho nooch bi beeyemmoyich, shuno ebina no daggoochaa ceeno tunetone.

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.

Yaaꞌoo 17:11

Ebiyee aaf beebee echeti, and aalli cooxo bi qelloona wotta shimittinnee taatoone; shabaatteexi ikkoone; ebi aroo aallemmone.

Yaaꞌoo 17:8

Ne beeggeti cooxo ebiyee aaf beetone; and aalloone; oppee hoonoochee kechaniye bi ii beeto; aalleshoo gettemmone. Showoo halleetoochee tiijjiꞌi boonoshi shigo kashee macaafooch kooreyaani, hini showee toommooch beeti asheenaꞌo, ebi cooxo ebiyee aaf beeto, and aallo, tunebaani gubb woyemmo bi tunoon boonoshi beegiyooba worganemminaꞌone.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.

Yaaꞌoo 21:1

Andire showoonaa andire shimaayoonon beeggeho. Aafi showoonaa aafi shimaayoona beshetone; baharoo ebiyee bekk aalloone.