2 Pheexiroosi 3:3 - Kafa Linguistics Project

³ Yemeenee ciirooba boonoshi hajjee gonde qaatoon dabbemmi cooqqirechinaꞌo cooqqiribee woyemminaꞌo tunoon shiichiree ariibote.

2 Pheexiroosi 3:3 ပူးပေါင်းရင်းမြစ်များ

Shaahiyoo 1:22

“Mullaalleenaꞌote, mullee muccoon ittoshi shuni beeyemmo aati wottooniye? Cooqqirechinaꞌoo boonoshi cooqqiroona boonoshi emiri beeyemmo aati wottooniye? Tuusheenaꞌo ariyoon boonoshi shixi beeyemmo aati wottoniye?

Shaahiyoo 14:6

Cooqirecho shalligoon qaawiyalli daneyaache; tunebaani gabechoyich ariyoon dano womaache.

Shaahiyoo 3:34

Coonechinaꞌon coonemmone; tunebaani boonoshi qelloon giishii beetinaꞌoyich wojjoon immemmone.

Isiyaasi 28:14

Ebi asheenaꞌo toommooch iraasheꞌi Yerusaalemin hajjiibeeti, hini cooqqirechinaꞌote, Doono Yeeri gettii beeton waayebote.

Isiyaasi 29:20

Maacmanjeenaꞌonaa cooqqirechinaꞌona aallemminaꞌone; gonde shuunechinaꞌo bulli hidaa aallemminaꞌone.

Isiyaasi 5:19

“No beeggemmoyich Doono Yeeri tuniiya bi gabiton kaate tuniibe; no ariyemmoyich Israꞌeelee Yaafoo yameti yamo kaate wobe” ii beetinaꞌoyich woowo!

Hosee'i 7:5

No taatoochi baaree aabooba ukkireenaꞌo woyinee uyoona gaamee biiyeheete. Biyoo bedaani asheenaꞌona tookkii bi kishoon yaggiye.

Yowannisi 12:48

Taanoo qajje iꞌi ta qaaroon iberiyaano toommooch nallemmo beetone; ciireexi aabooba hini ta getteti qaaro bi toommooch nallemmone.

2 Qorontoosi 4:2

No, no qelloona yeelliibeeti aashee mooyo bullin shuuneyaachone ito noone; dawushoona shuuneyaachone; Yeerichi qaaroon kootoona baccaachone. Tunebaani iberoon xallayiꞌi getona Yeeri aafooch am shaahe asho gaata no tunoon asho bulli bi mulloona ariyemmoyich tuniihone.

2 Ximootiyoosi 3:1

Ebin ariibe! Ciiree aabo katiniyooba, xuuxiyemmi yemeeno woyemmone.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

2 Pheexiroosi 1:20

Bulliyee shiichiree ebin shalligibote: Asheenaꞌo Yaafe Ayaanoona yaabeeꞌi Yeeri boonoshich immiti wochoon gettiyeetalli, keemo ciroona ashi daaggoona waataanoone. Ebich asho koniyoona Yaafe Macaafooch kooreeti keemoon bi hajjee gaboona tachiꞌi biishoon hakkaache.

1 Yowannisi 2:18

Ta shuni bushiisheenaꞌote! Hini yemeenee ciiroone; ebich “Kiristoosina koyecho woyemmone” getaa ittoshi waayetoommon, andolla meeti Kiristoosina koyechinaꞌo tiyitinaꞌone. Ebina yemeenee ciiro bi tunoon ariibeeto noone.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.

Yihudi 1:18

Boonoshiyoo ittoshich “Yemeenee ciirooba boonoshi hajjee gonde qaatoon dabbemmi cooqqirechinaꞌo woyemminaꞌone” itinaꞌone.