2 Pheexiroosi 3:15 - Kafa Linguistics Project

¹⁵ No Doono Yeeri haaꞌii bi beeto ittoshi wodoyich bi tunoon shalligibote. No shunnaabeeti no manoo Phawuloosi Yeeri biich immiti ariyoona ittoshich bi koorito ebiniye.

2 Pheexiroosi 3:15 ပူးပေါင်းရင်းမြစ်များ

1 Taateenaꞌo 3:12

ne echetoommon tuniyemmo taane. Ebiyee aaf konichona aalli, wotta ebiyee gubb koniyoona daneyaachemmi ariyoonaa shalligechi mulloonon neech immemmo taane.

1 Taateenaꞌo 3:28

Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.

1 Taateenaꞌo 4:29

Yeeri Solomoonich wodde ariyoonaa shalligoonon, wotta baharee gasheexi qacoommi gamini gaboon immitone.

Iziri 7:25

“Iziro, newoo ne waan beeti ne Nuggishoochi shalligoommona Efiraaxisee beqachi woraafooch beeti, ne Nuggishoochi sheeroon ariibeeti asheenaꞌo toommooch ukkireenaꞌonaa nallechinaꞌonon ukkiriibe; ebi sheeroon ariyaaneenaꞌoyichoo dojjibe.

Keyo 31:3

Ta Ayaanoona bi ceennemmoyich tuniito taane; kishee shuunoo tuneti mooyo amoyichona hakkoon, ariyoonaa mulloonon biich immeto taane.

Keyo 31:6

Wotta biinna tookki bi shuunemmoyich, Daani yoodoochee tuneti Ahisamaakichi bushoo Oholiyaabin daakkaꞌa kaacceto taane. Ebiyoommon wotta neech ta getteto bullin boonoshi shuunemmoyich, kishee shuunee ariyechinaꞌo bullich hakkoon immeto taane.

Keyo 35:31

Doono Yeeri bi Ayaanoona bi ceennemmoyich tuniitone; kishee shuunoo tuneti mooyo amoyichona hakkoon, ariyoonaa mulloonon biich immitone.

Keyo 35:35

Kishee shuunee ariyechinaꞌo, shuunee qoppechinaꞌo, shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shashiyechinaꞌonaa shippechinaꞌona tuneree boonoshi shuunemmoyich, hakkoon boonoshich immitone. Boonoshiyoo shuunoo aabinona shuunechinaꞌonaa qoppechinaꞌonane.

Dojjecho 2:26

Biin emirikkiibeeti ashoyich Yeeri shalligoon, ariyoonaa emiroonon immiye; tunebaani Yeeri biin shattii beetoyich bi immemmoyich, aajjiꞌi gaannoon kicoon axaaxechoyich immiye; ebiyoo duubo, yongoon yookkii dabboommone.

Isiyaasi 30:18

Tunebaani Doono Yeeri ittoshin ariqqeya haaꞌiihe; Doono Yeeri dayinnetee Nuggishoo bi tunetoyich, ittoshich ariqqoon shunniye; Doono Yeerin gibenee beetinaꞌo bulli diireetinaꞌone.

Mishiraachechinaꞌo 15:25

Ebichi naboona hini wocheyechinaꞌon kaaccaꞌa no shunnaabeeti Barnabaasinaa Phawuloosina tookkii ittoshi waan daachiyoyich ikke mulloona maacceto noone.

Mishiraachechinaꞌo 7:10

bi xuuxo bulliichee biin shiwee wodiihe. Gibitsee taatoo Farooni aafooch gidoonaa shalligoonon immiye. Hini are taatoo Yooseefin Gibitsee showoonaa bi kexo bullinooch iraashiihe.

Mishiraachechinaꞌo 9:17

Ebich Hanaani hammiꞌi are kexooch giyiye; Sawuli toommooch bi kishoon kotiiꞌi, “Ta manoo Sawulo! Wochinnoon ne aafo ciinnemmonaa Yaafe Ayaanoona ne ceennemmonoyich, ne waan Doono taan deejjitone. Biyoo hiniich ne waa beetaa, gommoochaa neech bekketi Yesuusine” iye.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

1 Qorontoosi 12:8

Yaafe Ayaano ikke kittinnoyich shalligee yibbaatee hakkoon immiye; wotta are Yaafe Ayaano ariyee yibbaatee hakkoon baroyich immiye.

1 Qorontoosi 2:13

Wotta hini wojjeechonoo gettaabeeto noone. Yaafe Ayaano boonoshi toommooch beeti asheenaꞌoyich, Yeerichi Ayaanee mooyon xiishiibee no gettaabeeto, hini showeexi ashi shalligoo arichiibeeti yibbaatoona tuneyaanoon, Yaafe Ayaano nooch bi arichiibeeti yibbaatoonane.

1 Qorontoosi 3:10

Yeeri taach bi immiti wojjoona ariyechi gimbenyoo kexon hagga bi baashoommon baashito taane; baroo aree toommooch echeton ceechiya haggii beetone. Tunebaani haggiibeeto bi qelli qelloona aree toommooch aabichiree bi haggemmo gaata, bi qelloon ariibe.

Efesooni 3:3

Shiichaꞌa ebi mooyichon qaminona ta kooritoommon, Yeeri aricheyaani mooyon gaxxiꞌi taach bekkiihe.

1 Ximootiyoosi 1:16

Tunebaani maaroon danehoye; maaroon ta daneto, Yesuus Kiristoosi ciyaani ooge bi haaꞌiyoon beshe axaaxechi taach bi bekkiyoo, boonoshi mulloon Kiristoosi toommooch tooꞌiiree bulli yemeenee kashoon danemminaꞌoyich shaahiyoo bi tunemmoyichiye.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.

1 Pheexiroosi 3:20

Ebi cuyee kexooch cucheꞌi beeti kasheenaꞌo wonna Noohi yemeenooch markabo shuuneehooba, Yeeri haaꞌiyoona bi quyee beetaa biich deꞌa getaache itinaꞌone; are markabooch giyiꞌi aacona woditinaꞌo giishecheenaꞌo, eboshiyoo shimitte asheenaꞌo baachiye.

2 Pheexiroosi 3:9

Ikkikkeenaꞌoyich bi shaahii beetoommon, Doono bi gibenikkiti qaaroon ceechoyich yagaachemmone; tunebaani koniyoona aalleyaachemmoyich, asho bulli bi axaaxoochee Yeer waan bi wottemmon shunniꞌi, ittoshicha iiniye bi haaꞌiibeeto.