2 Pheexiroosi 3:10 - Kafa Linguistics Project

¹⁰ Doonochi aabo gaayoochoommon diqqoona shaggemmone; arooba shimaayoo oogeti qaaroona gigebee aallemmone; shimaayooch beeti mooyinaꞌo bulli qaaqqoona miciree aallemminaꞌone; wotta showoonaa bi toommooch beeti mooyinaꞌo bullina miciree aallemminaꞌone.

2 Pheexiroosi 3:10 ပူးပေါင်းရင်းမြစ်များ

Shoddo 102:26

Boonoshi bulliyoo aallemminaꞌone; tunebaani ne beeyemmo neene; boonoshi bulliyoo qoreddoochoommon geenemminaꞌone; geeneti tahoochoommon shaddemmo neene; boonoshiyoo aallemminaꞌone.

Shoddo 46:6

Aageteenaꞌo dulliyeete; taatittineenaꞌo dihiyeete; bi qaaroon bi waayiitaa showoo muujjiye.

Shoddo 97:5

Guudinaꞌo Doono Yeeri aafooch, showoo bullichi Doono aafooch, gippoochoommon wocciyeete.

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 24:19

Showoo tiishee gaahehe; showoo qewehe.

Isiyaasi 34:4

Shimaajji halleenaꞌo bulli muuyi aallemminaꞌone; shimaayoo macaafee qodoommon qodemmone; woyinee waamonaa balaasee waamona ooyoommon boonoshi daggeexi halleenaꞌo oojjemminaꞌone.

Isiyaasi 51:6

Ittoshi aafoon kaachiree shimaayooch ciinote; dugilla showoochoo ciinote. Shimaayoo cufoochoommon naayi aallemmone; showoo qoreddoochoommon geenemmone; arooch beetinaꞌoo mattoochoommon qiti ciiremminaꞌone; tunebaani ta wodiyoo bulli yemeeneechone; ta wodiyoyich ciiro aalloone.

Yoꞌeeli 1:15

Beshe Hakkechi Yeeri aalliyoon deebemmi, Doono Yeerichi aabo shaggitone. Ebi aaboyich woowo!

Yoꞌeeli 2:1

Doono Yeerichi aabo waa beetone; ebiyoo katinnitone. Tsiyoonaa tiroon (waaringoon) hugote! Shametoonoo Doono Yeerichi yaafe geppoochaa hugote! Yihudee showooch beetinaꞌo bulli qewebeete.

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Yoꞌeeli 3:14

Nalloo kindemmi bamboochaa bi nallemmi, Doono Yeerichi aabo shaggitone; ebich mattiqutte asho arooch kiceetone.

Amootsi 9:13

Doono Yeeri ishichiye: “Qeccechinaꞌo maayoon qeci ciichaan beetaa, gochechinaꞌo, woyinee aafoon kotee beetinaꞌo hiici ciichaan beetaa, woyinee qomboon bechechinaꞌo, dabbi shaggemmi yemeeno waa beetone. Shaawi woyinee uyo guudi toommoochee xuupphemmone; geppee toommooch taheyemmone.

Amootsi 9:5

Beshe Mawe Nuggishoo Doono Yeeri showoon bi yeshaa, muujjemmone; showee toommooch beeto bulli eefemmone. Showoo bulli Abbaayi aaco phiceyoommon kaama tiyii kindibee, phiceyemmone.

Mikiyaasi 1:4

Gippoo qaaqqoona wocoommon, guudinaꞌo bi baataa woccemminaꞌone; aaco geppoochee dugilla wocoommon, dugilla wociree bambooch giyemminaꞌone.

Naahoomi 1:5

Bi aafooch guudinaꞌo qeweheete; geppeenaꞌoo muujjiyeete; bi aafooch showoo shuuriye; showoonaa showee toommooch beeto bullina qewehe.

Milikiyaasi 4:5

“Ebiyoche, oogoonaa shattiitona tuneti Doono Yeeri ta aabo waataan beetaa keemechi Eliyaasin ittoshich deejjemmo taane.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

Maariqoosi 13:31

Showoonaa shimaayoona beshemmone; tunebaani ta qaaro besheyaachemmone” iye.

Luqaasi 12:39

Tunebaani ebin ariibote: Kechi doono gaayo woyemmi saatoon bi ariimmo gaata, bi kexon gaayoona iichiyaacheshone.

Roomi 8:20

Ebiyoo halleenaꞌon Yeeri “Duube mooyoyich hajjeebeete” iꞌi bi daaggitoyichalli, halleenaꞌochi daaggoo bi tunetoyich toonoone; tunetaa Yeeri gubbichon gabiꞌi gibenoona hajjiihe.

1 Qorontoosi 1:8

wotta Yeeriyoo no Doono Yesuus Kiristoosi wotteree bi woyemmi aabooba ikke bachaallo ittoshi tunemmoyich, ciirooch beddaahaa ittoshin manjiiree neechemmone.

1 Qorontoosi 5:5

bi meeno aalleechaa Doono Yesuus Kiristoosi woyemmi aabooba bi kasho wodemmoyich, ebiyoommi asho Sheexaanoyich beshiitaa ichebe.

1 Tasaloonqi 5:2

Doonochi aabo bi woyemmo, gaayo xumoona bi womoommon tunoon manjiiꞌi ariibeeto ittoshine.

1 Tasaloonqi 5:4

Tunebaani no maneenaꞌote! Ebi are aabo gaayo xumoona womoommon diqq shagiree ittoshin bi keqqichaachemmoyich, ittoshi manderee asho toono ittoshine;

2 Pheexiroosi 3:11

Ebi bulli ebiyoommon aallemmo bi tunegaata, Yeerichi aabo shagon quyebee, kaate bi woyemmoyichoo afaafinikkibee, yaafeeti qocoonaa Yeerin oogiibeeti beemonon beemo am shaahoon ittoshich qaawiibeeto tunehe? Arooba shimaayoo miciree aallemmone; shimaayooch beeti mooyinaꞌoo oogeti qaaqqee gaamoona muuyi aallemminaꞌone.

2 Pheexiroosi 3:7

Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.

Yihudi 1:6

Ebiyoommon wotta boonoshich icheti ukkirittinoon qajjiꞌi boonoshi beeyi xaaꞌoochee kechiti maraakeenaꞌon dechi manderooch bulli yemeenoon sansalatoona cuchiꞌi, ooge nallee aabooba boonoshi toommooch bi nallimmi wottoon boonoshin quyee beetone.

Yaaꞌoo 16:15

Doono Yesuusi ishichiye: “Ebiyoche, gaayoochoommon diqqoona woyemmo taane; shokkaachoo tuneree bi hamaachemmoyich, shokkaachoo bi beetaa asho biin beegaa bi yeelleyaachemmoyich, qaalliꞌi bi tahoon quyeebeeti asho diireetone” iye.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.

Yaaꞌoo 21:1

Andire showoonaa andire shimaayoonon beeggeho. Aafi showoonaa aafi shimaayoona beshetone; baharoo ebiyee bekk aalloone.

Yaaꞌoo 3:3

Illa waayaa ne ariiti mooyinaꞌon gabibe; ebi are mooyinaꞌonoo quyebe; axaaxee gommoochee Yeer waan wottebe. Qaalloo ne qayigaata, diqqoona ne beetaa gaayo womoommon, neech woyemmo taane; amee saatooch ta woyemmo gaata ariyaano neene.

Yaaꞌoo 6:14

Shimaayoo yeebboochoommon qodeꞌi aallehe; guudinaꞌonaa buure showeenaꞌo bullinoo boonoshi xaaꞌoochee aalleheete.