2 Pheexiroosi 3:1 - Kafa Linguistics Project

^1-2 Ta shunechinaꞌote! And ittoshich ta kooraa beeti wocho hini guttinnee wochoone. Ebiyee aaf yaafe keemechinaꞌo gettiti qaaroon, wotta mishiraachechinaꞌo ittoshich dojjiti no Doononaa noon Wodiyechonochi getoon ittoshich shalligichaabee, ebi gutte ta wochoona tate gaboon ittoshi gabemmoyich ittoshin shuurikkiya koorito taane.

2 Pheexiroosi 3:1 ပူးပေါင်းရင်းမြစ်များ

Shoddo 24:4

Bi kishoo, bi mulloo xalloo tuneto, shahalloyich goyinneyaanoonaa kootoon wogeyaanoonane.

Shoddo 73:1

Boonoshi mullo xalloo tuneti Israꞌeeleenaꞌoyich, iberoochaa Yeeri gaawetone.

Maatiyoosi 5:8

Mulli xalleenaꞌo diireetinaꞌone; Yeerin boonoshi aafoona beeggemminaꞌone.

2 Qorontoosi 13:2

Guttinnoon hammaꞌa ittoshina tookkaa ta beehooba ta gettetoommon, andoo wotta ittoshiyee wokkaꞌa beechaa gettaabeeto taane; ittoshi waan wottaa ta waahooba, ebiyee aaf axaaxoon shuunetinaꞌonaa echeti asheenaꞌo bullinoyich ariqqeyaachemmo taane.

1 Ximootiyoosi 5:22

Ne kishoon ashi toommooch kotiiree koninolla afaafinoona ukkiriyaahine. Bareenaꞌo shuuneebeeti axaaxooch giyiree guuphiyaahine; kiinaalli xallittinoona ne qelloon quyebe.

2 Ximootiyoosi 1:6

Ebich neech ta shalligichaabeeto, ta kishoon ne toommooch ta kotiihooba ne daneti Yeerichi wojjoon qaaqqoon shoohoommon ne shookkemmoyichiye.

Hibireena'o 6:9

Tunebaani ta shunechinaꞌote! Ittoshich ebiyoommi magge qaaroona ta gettetaanona, Yeerina wodiꞌi ittoshi daneti wojjoo beshaa beshoo bi tunoon xiishito taane.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 2:11

Ta shunechinaꞌote! Kashoona koyeebeeti meechi qaatoochee ittoshi wokkemmoyich, hini showee toommooch iibboonaa shiqqoona tuneti ittoshin qollaabeeto taane.

2 Pheexiroosi 3:14

Ebich ta shunechinaꞌote! Ebi mooyinaꞌon quyebee, Yeeri aafooch kiinaallo, bachaallo, tuneree mullee diggoona beebee ittoshi danemmoyich kupphebote.

2 Pheexiroosi 3:17

Illa ta shunechinaꞌote! Ebin shiichiꞌi ariito ittoshine; ebich ittoshi qelloona ebi are hukkechinaꞌochi muricoon dabbiree Yeeri toommooch beeti ittoshi mullee tooꞌiyee manjoochee ittoshi dihaachemmoyich, ittoshi qelloon ariibote!

2 Pheexiroosi 3:8

Ta shunechinaꞌote! Ittoshi hini ikke mooyon batteyaahote: Doono Yeer waanaa ikke qemo hume natoommo, hume natoo ikke qemoommone.

Yihudi 1:5

Ebiyee aaf ebi bullin ittoshi ariitaanolla, Doono Yeeri Gibitsee Israꞌeeleenaꞌon kichii wodiichii, bi toommooch mulloon tooꞌiyaaneenaꞌon gubb bi aalliyoon ittoshich shalligichoon shunnaabeeto taane.