2 Pheexiroosi 2:7 - Kafa Linguistics Project

^7-8 cadiqo tuneti Looxiyoo boonoshi daggooch beebee boonoshi hukkee shuunoon beegonaa waayoona qemi qemona oogeton xuuxeebee ebi are hukkechinaꞌochi yeelliibeeti qocoona oogeton iriteeti are cadiqe uro Looxin bi wodiitoyee;

2 Pheexiroosi 2:7 ပူးပေါင်းရင်းမြစ်များ

Halloo 13:13

Tunebaani Sodoomee asheenaꞌo oogeti gonde asheenaꞌone; Doono Yeeri aafooch magge axaaxoon shuunee beeheete.

Halloo 19:16

Tunebaani Looxi nibbehe. Doono Yeeriyoo Looxich bi ariqqetoyich, hini are maraakeenaꞌo bi kishoon, bi mechee kishoonaa bi gutte bushiisheenaꞌo kishoonon yechiꞌi, katemoyee maach kichiyeete.

Halloo 19:22

Kaateree arooch woci murice. Arooch ne shaggemmi wottoon, amoonolla hallaachemmo taane” iye. Looxi giisheche ii bi ceeggitoyich, ebi are katemeechi shigo, Tsoꞌari getteehe.

Halloo 19:29

Eechiꞌi Yeeri ebi Yoordaanoosi bakkooch beeti katemeenaꞌon bi aalliihooba, Abrahamin gabiye. Looxi beebee echeti katemoon hidii bi aalliihooba, ebi are naxoochee Looxin kichiye.

Halloo 19:5

Looxin ceeggiꞌi ishichiyeete: “Hanaachi xum ne kexooch giyiti asheenaꞌo aayeete? Boonoshin no qeyemmoyich hach maaxooch nooch kichibe” iyeete.

Shoddo 120:5

Mesheek ta beetoyich, Qedaari duukkaanee daggooch ta kotetoyich, taach woowo!

Erimiyaasi 23:9

Keemechinaꞌochi naboona ta mullo ta maacaa tiishetone; ta shaawusho wotwotiitone; Doono Yeerichi naboona, yaafoo tuneti bi qaaree naboona woyinee uyo yexxiti, masheti uroommon tuneto taane.

1 Qorontoosi 10:13

Ashi toommooch waabeeti qiiccoyee damba bare qiicco ittoshi toommooch waataanoone; ittoshi hakkoyee beshiti qiicco ittoshi toommooch bi woyemmoyich daaggaani Yeeri gibeneetone; qiiccee toommooch beebee qiiccoocheenoo ittoshi muriccemmi kelloon ittoshich qanniyemmone.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

2 Pheexiroosi 2:2

Meetinaꞌo yeelliibeeti boonoshi gonde qocoon dabbemminaꞌone; eboshi naboona iberee gommo naakkemmone.

2 Pheexiroosi 3:17

Illa ta shunechinaꞌote! Ebin shiichiꞌi ariito ittoshine; ebich ittoshi qelloona ebi are hukkechinaꞌochi muricoon dabbiree Yeeri toommooch beeti ittoshi mullee tooꞌiyee manjoochee ittoshi dihaachemmoyich, ittoshi qelloon ariibote!

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.