2 Pheexiroosi 2:3 - Kafa Linguistics Project

³ Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

2 Pheexiroosi 2:3 ပူးပေါင်းရင်းမြစ်များ

Iyoobi 6:27

Nihaalleenaꞌo toommooch ixoon duppiyote? Ittoshi nuuchoon kemma gatiyoon yexxiyote?

Shoddo 18:44

Ashi showee asheenaꞌo waaꞌi, ta aafooch yittiyeete; ta gettaahaa, bekkech ta getoon waayeheete.

Shoddo 66:3

Yeerin “Ne shuunoo am shaahoon worganikkitone! Ne hakkoo oogeto bi tunetoyich, ne etteenaꞌo ne aafooch waagwaagiyemminaꞌone.

Shoddo 81:15

Taan shixxii beetinaꞌo taan shati yitteshinaꞌone; bulli yemeenoon naxeyeshinaꞌone.

Isiyaasi 5:19

“No beeggemmoyich Doono Yeeri tuniiya bi gabiton kaate tuniibe; no ariyemmoyich Israꞌeelee Yaafoo yameti yamo kaate wobe” ii beetinaꞌoyich woowo!

Isiyaasi 56:11

Boonoshiyoo bi maataa miyani, woddelle kunaanoomminaꞌone; shalligaalli qiddeenaꞌone; boonoshi kaatti kaatta wottetinaꞌone; bulliyona boonoshi gaacoon qaawiyeete.

Isiyaasi 60:22

Giisheche ittoshi asheenaꞌo humoon, meetaani asheenaꞌoo giidechi aagetoon, tunemminaꞌone. Ta, Doono Yeeri taane; bi aabooba ebin kaate tuniyemmo taane” iye.

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Erimiyaasi 8:10

Girechoochee tiijjii gaannechooch beddaahaa gijjoyich boonoshi hiriggii beetoyich, keemechoochee tiijjii qeeshooch beddaahaa bulliyona dawushoona boonoshi tunii beetoyich, boonoshi mecheenaꞌon bareenaꞌo shaaggemmonaa boonoshi goyoon bareenaꞌo iristo tuniiree hajjemmonoyich immemmo taane.

Hiziqeeli 13:19

Ittoshi kootoon waayaabeeti ta asheenaꞌoyich koottiibee, qita bedaani kasheen wuxoona, woda bedaani kasheenoo wodiyoona ikke ushi sheqoonaa ikke tiishi koshonoyicha iꞌi ta shigoon eeꞌiito ittoshine.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Imbaaqoomi 3:3

Yeeri wochinnoon Temaanee showoochee, Yaafe Yeeri, Faraani geppoochee waa beetone. Bi oogee yiiroo shimaayoon kaappitone; biin naadoo showoo bulliich ceennitone.

Milikiyaasi 1:10

“Ta deejjee gudooch duube qaaqqoon ittoshi shoohaachemmoyich yaafee kechi shaaqqoon hiccemmi asho ittoshi daggoocheenoo daneba! Ittoshina emiraano taane; deejjoonoo ittoshi kishoochee deꞌaachemmo taane” iye Beshe Mawe Doono Yeeri.

Maatiyoosi 23:14

[Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Xuumeenaꞌo kexon tiichiibee ittoshi shuunoon qeroyich corootoon geechii genjiihote. Ebich Yeeri beshe shattii giiriiti nalloon ittoshi toommooch kindiyemmone.]

Luqaasi 18:8

Ittoshich gettoye: Boonoshich kaateree nallemmone. Tunebaani Ashi Bushoo waahooba, showee toommoochee boonoshi mulloon bi toommooch tooꞌiiꞌi biin quyee beetinaꞌon danehe?” iye.

Luqaasi 20:20

Hini are qeeshee ukkireenaꞌonaa Muusichi Sheeree dojjechinaꞌona Yesuusi toommooch nallemmi Yihudee iraashoo kishooch beshiiꞌi imoyicha iꞌi holloon quyeebee, iberoon shaahiibee, bi noonoochee hollimmi gonde mooyon macemminaꞌon bi waan daachiiheete.

Luqaasi 22:47

Yesuusi ishin gettii bi beetaa bekkech aaraa gutteexi ikkoo Yihudi meeti asheenaꞌon dabbiiꞌi shaggiye; aroochee shumma iꞌi Yesuus waan giddehe.

Yowannisi 2:16

Uggoon kemmii beetinaꞌon “Ittoshi uggoon hiniichee kichibote! Ta Nihoo kexon giixee kexon tuniyaahote!” iye.

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

2 Qorontoosi 2:17

Yeerichi qaaroon giixeebeeti, bare meeti asheenaꞌoommo toono noone; tunebaani Yeerina wocheeto noone; Kiristoosina tunaꞌa Yeeri aafooch xalle mulloona yibbaataabeeto noone.

Yibbaatoo 24:17

“Shiqqeenaꞌonaa nihaalleenaꞌonochi dayinnetoon dabiiyaahine. Xuumeechi tahoonoo yechiyoon tunii deqqaahine.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

1 Tasaloonqi 2:5

Maree yibbaatoon no yibbaatee qayon woyee gijjoon hiriggoona no getti qayon arii beeto ittoshine; ebichoo Yeeri miixoone.

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Ximootiyoosi 3:8

Ebiyoommon wotta daaquuneenaꞌo asho bulli oogii beetinaꞌo, heciyoon shaddaaneenaꞌo, wodde woyinee uyoon wotaaneenaꞌo, gijjoyich dakaaneenaꞌo,

1 Ximootiyoosi 6:5

kuxeyaani kaaree tiijjoo, eboshi kechemminaꞌone. Gaboon hakkaaneenaꞌo tuneꞌi dacheebee, “Yeerin oogiibeeti beemon beemo gaanniyemmone” ii gabiꞌi iberoon muccetinaꞌone.

Titoosi 1:11

Eboshi cikki qajjemmoyich tuniyoo qaawiihee; ebiyoo yeelliibeeti gaboona gaacoon danoyich tuneyaani mooyon ashich dojjiibee kechi asheenaꞌo bullin boonoshi shuurikkii beetoyichiye.

Titoosi 1:7

Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.

1 Pheexiroosi 2:8

wotta, “Asheenaꞌon tephemmi xaqqoon, yexi dichemmi xaqqoon tunehe” getaa bi kooreetoommone. Yeerichi qaaroyich deꞌa geto boonoshi qajjitoyich, tepheeꞌi dihii beetinaꞌone; ebiyoo shiichiꞌi Yeeri boonoshich gabitoommoniye.

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.

2 Pheexiroosi 1:16

“No Doono Yesuus Kiristoosi oogeti giidoona woyemmone” iyaꞌa no gettaa beegaata, ittoshich no arichiito, bi oogee yiiroon no hajjee aafoona beeggaꞌaanalli, maroona asho yibbaateti tochoon waayaꞌa toonoone.

2 Pheexiroosi 2:1

Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.