2 Pheexiroosi 2:14 - Kafa Linguistics Project

¹⁴ Maacheen beeggii beshiiyaaneenaꞌone; beddiye iꞌi axaaxee shuunoochee wotteyaaneenaꞌone. Ikke gaboona manjaani asheenaꞌon dawushii beetinaꞌone; hiriggoon doyiti mullo boonoshich beetone; uppeti shiijjereenaꞌone.

2 Pheexiroosi 2:14 ပူးပေါင်းရင်းမြစ်များ

Iyoobi 31:7

Kaame gommoochee qanna yoocha ito ta gaata, ta aafo ciinnito waan ta mullo hammito tunegaata, ta kishoo axaaxoona eeꞌeto bi tunegaata,

Iyoobi 31:9

“Ta mullo ashi mecheen qaawiya qaataa, ta giyoochi kellooch hammaa, ottaa quyeto ta gaata,

Shaahiyoo 5:6

Kashee gommon aaxxiyaaneene; bi gommo xummoone; tunebaani ebi biich aricheyaanoone.

Shaahiyoo 6:25

Bi malletoon ne mulloona qaatiyaahine; aafee xayishoona neen bi yechemmoyich tuniyaahine.

Isiyaasi 1:16

Macheree ittoshi qelloon xalliibote; ittoshi gonde shuunoon ta aafoochee wokkiibote; gondoon shuunoon qayote.

Isiyaasi 34:5

Ta goraado bi digaayemmi wottoon shimaayoochaa uchitone; Edoomeenaꞌo toommooch, aallebeete ta iti asheenaꞌonochi toommoochoo nalliya kindemmone.

Isiyaasi 65:20

Ebiyee bekk giisheche aaboon baach beeyemmi gaggeroo woyee eenon miyaani geeno daneyaachemmone; balle nattiti asho bi qitigaata gooraalloon qititooch haddeyemmone; ikke asho ball nataanoon bi qitigaata bi axaaxoyich uppeto tune haddeyemmone.

Erimiyaasi 13:23

Iberoochaa Topphiyee asho bi malletoon, maahoo bi shashoon shaddoon hakkehe? Ebi tuno hakkeegaata, gondoon shuuno doyiti ittoshi, gaawe mooyon tuniyoon hakkemmo ittoshine.

Hiziqeeli 13:18

Boonoshich ishichibe: ‘Nuggishoo Doono Yeeri ishichiye: Ashi kashoon olloyich mochooch geddeyemmi xifetoon kochiibeeti, baribare qelli kaafoonoo shuuneebeeti maacheenaꞌoyich woowo! Ta asheenaꞌochi kashoon kamboona ittoshi kashoon wodiyehote?

Maatiyoosi 12:34

Hini xekeree bushiisheenaꞌote, ittoshi gondo tuneechi tiyi aabichiree deꞌe yibbaatoon yibbaato hakkehote? Asho bi gettiibeeto bi mullooch ceenniti mooyoocheeniye.

Maatiyoosi 23:14

[Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Xuumeenaꞌo kexon tiichiibee ittoshi shuunoon qeroyich corootoon geechii genjiihote. Ebich Yeeri beshe shattii giiriiti nalloon ittoshi toommooch kindiyemmone.]

Maatiyoosi 25:41

“Arooba yooche badd beetinaꞌoyich ishichemmone: ‘Hini uppeetinaꞌote, daabiloosinaa bi maraakeenaꞌonoyich qanniti bulli yemeenoon tahaani shiweree qaaqqooch ta waanee hambote!

Maatiyoosi 5:28

Tunebaani and ta waanee waayebote! Maacheen ciinniꞌi qaatito bulli bi mulloona biinna tookkii shunoon maatone.

Maariqoosi 13:22

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee malletoonaa gaakkechi shuunoonon shuunemminaꞌone.

Yowannisi 5:44

Ittoshi, ittoshi qelli qelli oogoon daneya qaawiyote; tunebaani bi ikkeeto tuneti Yeer waanee danemmi oogoon qaawaachote. Illa aabichiree taan iberiyoon hakkehote?

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

1 Qorontoosi 11:19

Ittoshi daggooch gajjiteyoo tiyiibeeto, ittoshi daggoochee ibere moochechi kittinneenaꞌo bekkemmoyichiye.

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

Qolaasiyaasi 2:18

Beꞌenee qellee giishiyoonaa maraakeenaꞌoyich goyinnoonon shunibee, “Ta besh taane; yaaꞌoon beeggeto taane” getibee Yeeri aalli gaboona duuboon geecibee koniyoona ittoshi toommooch nallaaye.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

2 Pheexiroosi 3:16

Bi kooriti wocho bulliich wotta ebi mooyon gettitone; ebi are wocheenaꞌo daggooch shalligoyich iritiibeeti ikkikke mooyo beetone; ariyaaneenaꞌonaa ikke gaboona manjaani asheenaꞌona kooreeti bare Yaafe Macaafeexi qaaroon boonoshi wuuqqoommon, Phawuloosi kooriton wotta wuuqqii beetinaꞌone; eboshiyoo boonoshi toommooch aalloon deebii beetinaꞌone.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.