2 Pheexiroosi 2:1 - Kafa Linguistics Project

¹ Wonna Israꞌeeleenaꞌo daggooch kootoon keemmiibeeti keemechinaꞌo beetinaꞌone; ebiyoommon wotta koote dojjechinaꞌo ittoshi daggoochee tiyemminaꞌone. Eboshiyoo boonoshin biishee wodiiti Doono Yesuus Kiristoosin nookkeree, kittinneenaꞌochi mullee tooꞌiyoon aalliibeeti koote doyoon shokiibee giijjemminaꞌone; ebina kaatee aalloon boonoshi toommooch deebemminaꞌone.

2 Pheexiroosi 2:1 ပူးပေါင်းရင်းမြစ်များ

1 Taateenaꞌo 22:6

Aroochee Israꞌeelee taatoo keemechi awudde balli bede asheenaꞌon ikkooch kiciꞌi, “Gilaadee showooch beeti Ramootin koyoyich hambote, qayote?” iꞌi boonoshin echehe. Boonoshiyoo, “Hambe; Yeeri ne kishooch beshiiree immemmone” iyeete.

Keyo 15:16

Doono Yeero, ne asheenaꞌo, guuchittinoochee ne biisheti ne asheenaꞌo, boonoshi daggoona boonoshi beshemmi wottoon, keqqoonaa qewoona boonoshi toommooch kindii beetone; ne mochee giidoo shuuraani xaqqoommon boonoshin tuniitone.

Isiyaasi 9:15

Qelleenaꞌo geeneenaꞌonaa moogeeti asheenaꞌona tunemmona ceereenaꞌo kootoon dojjiibeeti keemechinaꞌone.

Erimiyaasi 29:21

Israꞌeelee Nuggishoo Beshe Mawe Doono Yeerichi shigoona koote keemoon ittoshich keemmiibeeti Qolaayichi bushoo Akaabinaa Maseyaahichi bushoo Sedeqiyaasinochon ishichiye: “Boonoshin Baabloonee taatoo Nabukadinatsorichi kishooch beshiiree immemmo taane; ittoshi aafoochaa boonoshin wuxemmone;

Erimiyaasi 37:19

‘Baabloonee taatoo neenoo hini showoonoo koyoyich waataachemmone’ iꞌi keemoon neech keemmiti ne keemechinaꞌo aayeete?

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Shoosho 2:14

Ittoshi keemechinaꞌochi yaaꞌoo kootoonaa maroonane; boonoshiyoo, ittoshi kecoon wochoyich, ittoshi xuꞌoon gaxxii beekkiyaaneenaꞌone; tunebaani muricoonaa kootoona tuneti yaaꞌoon, ittoshich beeggiyeete.

Hosee'i 9:8

Keemecho, ta Nuggishoochi asheenaꞌo tuneti Efreemich qayechone. Tunebaani bi gommo bulliich ollo olleetone. Bi Nuggishoochi yaafee kexoochaa etto biin quyee beetone.

Mikiyaasi 2:11

“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Mikiyaasi 3:5

Doono Yeeri bi asheenaꞌon muriciibeeti keemechinaꞌochon ishichiye: “Boonoshich maayoon maanjiti ashich, ‘Mooyo diggoone’ getona gibenikkiyeete; boonoshich maanjaani ashi toommooch ginoon awaajjiyeete.

Milikiyaasi 3:5

“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Maatiyoosi 10:33

Ashi aafoochaa taacho bi tunoon nookkemmo bullin ta wotta shimaayooch beeti ta Nihoo aafoochaa ‘Taacho toonoone’ getiree nookkemmo taane” iye.

Maatiyoosi 24:11

Meeti koote keemechinaꞌo tiyemminaꞌone; meetinaꞌonoo muriciyemminaꞌone.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maatiyoosi 24:5

Meetinaꞌo ‘Taane Kiristoosi’ getibee ta shigoona waaree meeti asheenaꞌon muriciyemminaꞌone.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Maariqoosi 13:22

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee malletoonaa gaakkechi shuunoonon shuunemminaꞌone.

Luqaasi 12:9

Ashi aafoochaa taacho bi tunoon nookkee beeto, Yeerichi maraakeenaꞌo aafoochaa nookkeyemmone.

Luqaasi 21:8

Yesuusi wochiꞌi boonoshich ishichiye: “Koniyoona ittoshin bi muriciyaachemmoyich ittoshi qelloon quyebote. Meetinaꞌo ‘Ta aroo taane’ wotta ‘Kiristoosi woyemmi yemeeno shaggitone’ getibee ta shigoona woyemminaꞌone; ebiyooba ishichimminaꞌon dabbiyaahote.

Luqaasi 6:26

Asho bulli ittoshin gaawichiꞌi yibbaatetinaꞌote, boonoshi qaabbechinaꞌo ebiyoommon koote keemechinaꞌon gaawichiꞌi yibbaatetinaꞌone. Ebich ittoshich woowo!” iye.

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

1 Qorontoosi 11:19

Ittoshi daggooch gajjiteyoo tiyiibeeto, ittoshi daggoochee ibere moochechi kittinneenaꞌo bekkemmoyichiye.

1 Qorontoosi 7:23

Kiristoosi gatiyoon qocciꞌi ittoshin kemetone; ebich biichalli, ashich guunon tuneyaahote.

Galaati 2:4

Ebi mooyo bi tiyito, “Kittinnee manoo noone” ii beeti koote asheenaꞌo Kiristoos Yesuusina no daneti, guuchittinoochee keyon qiidoyich aashoona no daggooch boonoshi giyitoyichiye; boonoshiyoo guuchittinooch noon wochiya qaawiyeete.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

Galaati 4:17

Mishiraachee qaaroon xummiyoyich qaawiibeeti ebi asheenaꞌo boonoshi waan ittoshin wochiya qiiccee beetinaꞌone; ebin boonoshi tuniibeeto gaawe gaboona toonoone; boonoshich ittoshi qanaatemmoyich noonnaa ittoshinon kaariiree barbariiya shunnii beetinaꞌone.

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Efesooni 1:7

Yeerichi wojjoo woddetoyich, bi Bushoochi damoona biicheto noone; ebi getoo no xuꞌoyich maaroon daneto noone getone.

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

Yibbaatoo 32:6

Hini mullaalli baalle ashoocho! Doono Yeerich ne tuniyemmo ebiniye? Biyoo ne Nihoonaa neen Hallitonane; neen aagetoo tuniiꞌi manjiitone.

Filipphisiyoosi 3:19

Boonoshi ciiro aallooch hamone; boonoshi meechi qaatoo boonoshich nuggishoone; yeelliibeeti mooyo boonoshich oogoone; boonoshi gaboo showee toommeexi mooyoyich baachiye.

Qolaasiyaasi 2:18

Beꞌenee qellee giishiyoonaa maraakeenaꞌoyich goyinnoonon shunibee, “Ta besh taane; yaaꞌoon beeggeto taane” getibee Yeeri aalli gaboona duuboon geecibee koniyoona ittoshi toommooch nallaaye.

Qolaasiyaasi 2:8

Kiristoosi dojjiti doyoommon tuneyaanoon, ashi doyoommonaa hini showeexi ariyoommona, ariyoon shaahiibeeti yibbaatoonaa duube acona koniyoona ittoshin olle yeshiree guunon bi tuniyaachemmoyich ittoshi qelloon ariibote!

1 Ximootiyoosi 5:8

Tunebaani koniyoona bi xibeenaꞌon, ebiyee beshoon bi kechi asheenaꞌon degaano bi tunegaata, Kiristoosichi toommooch mullee tooꞌiyoon qajjiti, mulloon tooꞌiyaani ashoyee beshoon gonde uroone.

2 Ximootiyoosi 4:3

Ebin ta gettaabeeto, asho hini gaawe kittinnittinee doyoon qajje bi gettemmi yemeeno woyemmo bi tunetoyichiye. Baribare ariyoon waayeya waamon qaacheree boonoshi qaatoon ceechemmi dofee dojjechinaꞌon boonoshi waan ceegi kicemminaꞌone

Titoosi 1:11

Eboshi cikki qajjemmoyich tuniyoo qaawiihee; ebiyoo yeelliibeeti gaboona gaacoon danoyich tuneyaani mooyon ashich dojjiibee kechi asheenaꞌo bullin boonoshi shuurikkii beetoyichiye.

Titoosi 3:10

Barbarittinoon halliibeeti ashoon ikke wottoon woyee gutte wottoon ne ittibatetaa bi mawigaata, biyee wohe.

Hibireena'o 10:29

Illa Yeerichi Bushoon qallayito, bi axaaxoochee bi yaafeeti, ebi andire Yeerichi wogoon manjiibeeti Yesuusichi damoon hoxeeti mooyoommon tuniiꞌi haddito, Yeerichi wojjoon bi daneti Yaafe Ayaanoon naaggito, amoon tunemmo ittoshich shaahii beete? Am shaahoon beshe shattii, giiriiti naxo bi toommooch kindemmo tunehe?

1 Pheexiroosi 1:8

Biin aafoona beegaano ittoshi tunetaanoona, shunniibeeto ittoshine; and biin beegaano ittoshi tunetaanoona, ittoshi mulloon bi toommooch tooꞌiito ittoshine. Ebich qaaroona ebine getaa getteyoo hakkeyaani, oogichii worganikkiti emiroon emiriibeeto ittoshine.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

1 Yowannisi 2:26

Ittoshin muriciiya qaawiibeeti asheenaꞌochon ittoshich koorito taane.

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.

Yihudi 1:18

Boonoshiyoo ittoshich “Yemeenee ciirooba boonoshi hajjee gonde qaatoon dabbemmi cooqqirechinaꞌo woyemminaꞌone” itinaꞌone.

Yihudi 1:4

Ikkikke asheenaꞌo ittoshi daggooch shokiibee giyitinaꞌone; hukkechinaꞌo tuneꞌi no Nuggishoochi wojjoon boonoshi meechi qaatoona shaddiyeete; bi ikkeeto baach no Taatoonaa no Doonona tuneti Yesuus Kiristoosin nookkeheete; boonoshi toommooch shaggemmi nalloo wodde yemeenoyee aaf Yaafe Macaafooch kooreetone.

Yaaꞌoo 13:14

Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.

Yaaꞌoo 2:13

Ne beeto Sheexaanoo taateꞌi beeti xaaꞌooch bi tunoon ariibeeto taane; tunebaani ta toommooch mulloon tooꞌiyoona manjito neene. Sheexaanoo beeti ittoshi katemoochaa taach gibeneeto tuneꞌi taachon miixeti Antiphaasi wuxeehoobee yemeenoobolla, ta toommooch mulloon tooꞌiyoon nookkeyaano neene.

Yaaꞌoo 2:9

Ne toommooch shaggiti duꞌoon, ne giroonoo ariibeeto taane; tunebaani gaannecho neene. Ayihudo tuneyaanoon ‘Ayihudo noone’ ii beeti, Sheexaanoyichoo maddeebeeti guupho ne shigoon gondiyoon ariibeeto taane.

Yaaꞌoo 3:8

Ne shuunoon ariibeeto taane; ne hakkoo amoommon giishecho bi tunetaanoona, neech ta dojjiti qaaroon quyeto neene; ta shigoonoo nookkeyaano neene. Ebich koniyoona hicon hakkaani kelloon neech qechito taane.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;

Yaaꞌoo 6:10

Ebi are wuxeeti asheenaꞌochi kasho oogeti qaaroona cookiibee, “Yaafoonaa iberoona tuneti Mawe Doono Yeero, nallaanoon ne yagemmo, showooch beetinaꞌo toommooch no damee nichoon ne gaacaachemmo aati wottooniye?” iyeete.