2 Pheexiroosi 1:19 - Kafa Linguistics Project

¹⁹ Ebich keemechinaꞌo keemmiti qaaroon beshoon xiishaꞌa iberiibeeto noone; showoo harimmi wottoon haree xojjeno aaxxoommon Kiristoosichi bekko ittoshi mullooch bi aaxxemmi wottoon, asho mandere xaaꞌooch aaxxeebeeti ceechoon bi yeshoommon hini keemee qaaroon ittoshi yeshigaata, ittoshich gaaweto tunemmone.

2 Pheexiroosi 1:19 ပူးပေါင်းရင်းမြစ်များ

Shoddo 119:105

Ne qaaro ta baatoyich ceechoone; ta gommoyichoo bekkoone.

Shaahiyoo 6:23

Geto ceechoone; doyoo bekkoone; kaaree sheeroo kashee gommone.

Isiyaasi 14:12

“Haree xojjeno, gaargaaree bushoocho, aabichaꞌa shimaayoochee hollinne! Ebiyee aaf aageteenaꞌon cooniitocho, aabichaꞌa showooch duppenne!

Isiyaasi 41:26

No ariyemmoyich, wonnee tiijjiꞌi gettito konine? Iberoone no gettemmoyich, shiichiꞌi keemmito konine? Gettito aalloone; awaajjito aalloone; ittoshi qaaroon waayeto aalloone.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Isiyaasi 9:2

Manderoona shaꞌeebeeti asho oogeti bekkoon beeggiye; qitee yiirechi showooch kotetinaꞌoyichoo, bekko bekkehe.

Maatiyoosi 4:16

manderooch koteti ittoshi oogeti bekkoon beeggito ittoshine; qitee yiiroo beeti showooch koteti ittoshich bekko bekketone” ii beetone.

Yowannisi 5:35

Yowannisi micciibee aaxxeebeeti bekkoone; ittoshiyoo giisheche yemeenoon bi bekkoona emiriya shunnito ittoshine.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Mishiraachechinaꞌo 15:29

Ebiyoo shahalloyich deejjeeton, damoon, guureyaanoon taaqqee qititon ittoshi maataachemmoyichiye; wotta shunee mamoochee ittoshi wokkemmoyichiye. Eboshi bulliichee ittoshi qelloon ittoshi quyegaata, gaawiye. Diggoona beebote” ii beetone.

Mishiraachechinaꞌo 17:11

Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

Hibireena'o 2:2

No qaabbechinaꞌoyich maraakeenaꞌo gettiti qaaro manjoone; are qaaroon shaaddetonaa deꞌa getaache ito bullinochi toommooch tato tuneti bede nalloo nalleetone.

Yaaqobi 2:8

Yaafe Macaafoochaa “Neenoommi ne manoon neenna tachiree shune” ii beeti Taatoo Yeerichi sheeroon ittoshi ceechigaata, gaaweton shuuneebeeto ittoshine.

1 Pheexiroosi 1:10

Yeeri ittoshich immemmi wojjeechon keemmiti keemechinaꞌo ebi wodoon kupphiiꞌi maqqii qaawiibee kichii kindiiꞌi gabiyeete.

1 Yowannisi 5:10

mulloon Yeeri Bushoo toommooch tooꞌii beetoyich Yeerichi miixo bi mullooch beetone; Yeerichon iberiyaano Yeeri bi Bushoochon miixeton bi iberiyoo qajjitoyich, Yeerin kootiitone.

3 Yowannisi 1:6

Boonoshiyoo hiniich kiceeti kittinnee guuphi asheenaꞌo aafooch neexeꞌi boonoshin ne shunon miixetinaꞌone. Andoo Yeerin ne emirikkemmoyich, boonoshi gommoyich shoho tunee ne gaachegaata, gaawe shuunoon shuunemmo neene.

Yaaꞌoo 2:28

biichoo haree xojjenoon immemmo taane.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.