2 Pheexiroosi 1:16 - Kafa Linguistics Project

¹⁶ “No Doono Yesuus Kiristoosi oogeti giidoona woyemmone” iyaꞌa no gettaa beegaata, ittoshich no arichiito, bi oogee yiiroon no hajjee aafoona beeggaꞌaanalli, maroona asho yibbaateti tochoon waayaꞌa toonoone.

2 Pheexiroosi 1:16 ပူးပေါင်းရင်းမြစ်များ

Milikiyaasi 3:2

Tunebaani aroo xuuroon wociibeeti qaaqqoommo, tahoon machii xalliibeeti saamunoommo bi tunetoyich, woyemmi aaboon haaꞌiyoon hakkemmo konine? Bi bekkehoobochi neexoon hakkemmo konine?

Milikiyaasi 4:5

“Ebiyoche, oogoonaa shattiitona tuneti Doono Yeeri ta aabo waataan beetaa keemechi Eliyaasin ittoshich deejjemmo taane.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Maatiyoosi 16:28

Iberoon ittoshich gettoye: Hiniich neexee beetinaꞌoochee ikkikkeenaꞌo Ashi Bushoo taateꞌi bi waataa boonoshi beegimmi wottoon, qitaachemminaꞌo beetinaꞌone” iye.

Maatiyoosi 17:1

Shiritte qemoyee gubb Yesuusi Pheexiroosin, Yaaqobinaa bi manoo Yowannisinon baach yechiꞌi genje guudi toommooch kechiye.

Maatiyoosi 24:27

Xeeyo aabi-keyoochee xeejjiꞌi aabi-gimooch beddaahaa phaqqii bi bekkoommon, Ashi Bushoo womo ebiyoommon tunemmone.

Maatiyoosi 24:3

Wotta Yesuusi Zayitee Michi guudi toommooch kotee bi beetaa, bi dabbeenaꞌo boonoshi ikkeeto bi waan giddeꞌi, “Eke nooch gete: Hini mooyo bi tunemmo aatane? Ne womonaa yemeenee ciiroonon bekkiyemmi malletoo amoone?” iꞌi echeheete.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Maariqoosi 13:26

“Arooba Ashi Bushoo ta wodde giidoonaa oogee yiiroona qubee daggoona ta waataa beeggemminaꞌone.

Maariqoosi 14:62

Yesuusi wochiꞌi, “Eeha, taane. Ashi Bushoo Giidechi Yeerichi qanne badd bi kotetaa, wotta shimaajji qubee daggoona bi waataa beeggemmo ittoshine” iye.

Luqaasi 9:43

Asheenaꞌo bulli Yeerichi ooge giidoon boonoshi beeggitoyich worganeheete. Asheenaꞌo bulli Yesuusi shuuneebeeto bullin worganee boonoshi beetaa, Yesuusi bi dabbeenaꞌoyich,

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 17:2

Ne oogiyemmoo, taach ne immeti asheenaꞌo bullich bulli yemeenee kashoon ta immemmoyich, asho bulli toommooch taan doonjiiꞌa ne ukkiriitoyichiye.

1 Qorontoosi 1:17

Kiristoosi taan bi wocheto, bi mishiraachee qaaroon ta gettemmoyichalli, ashoon aacona ta afaallemmoyich toonoone; Kiristoosichi masqalo duubo bi tuneyaachemmonoyich, ta gettaabeeto yibbaatee acona toonoone.

1 Qorontoosi 1:23

Tunebaani no, masqalooch yooddeti Kiristoosin awaajjaabeeto noone. Ebi Ayihudeenaꞌoyich xugo tunehe; Aageteenaꞌoyichoo tuushittinoon shaahiye.

1 Qorontoosi 1:7

Ebich Yeeri no Doono Yesuus Kiristoosichi womon bi bekkiyemmi aaboon ittoshi quyeebeeti daggooch, Yaafe Ayaano immiibeeti wojjoochee ikkolla ittoshich shappito aalloone;

1 Qorontoosi 2:1

Ta maneenaꞌote! Ittoshi waan ta waahooba, Doono Yeerichi maacee mooyon ittoshich ta getteto, yibbaatee beshoona woyee shalligee beshoona toonoone.

1 Qorontoosi 2:4

Ta yibbaatoonaa ta awaajjaabeeti awaajjoona ta tuniito, Yaafe Ayaanee giidoon bekkiyoonalli, ashi shalligoonaa dachee yibbaatoona toonoone.

2 Qorontoosi 2:17

Yeerichi qaaroon giixeebeeti, bare meeti asheenaꞌoommo toono noone; tunebaani Yeerina wocheeto noone; Kiristoosina tunaꞌa Yeeri aafooch xalle mulloona yibbaataabeeto noone.

2 Qorontoosi 4:2

No, no qelloona yeelliibeeti aashee mooyo bullin shuuneyaachone ito noone; dawushoona shuuneyaachone; Yeerichi qaaroon kootoona baccaachone. Tunebaani iberoon xallayiꞌi getona Yeeri aafooch am shaahe asho gaata no tunoon asho bulli bi mulloona ariyemmoyich tuniihone.

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

Filipphisiyoosi 3:21

Biyoo hini yiingaalli, qitemmi no ashittinoon shaddiree, worganikkiti oogee yiirechi bi ashittinoon shaahiyemmone. Ebin bi tuniyemmo bullin bi oogee dechiich tuniyoon bi hakkemmi giidoonane.

1 Tasaloonqi 2:19

No Doono Yesuus Kiristoosi wottee waahooba, bi aafoochaa no gibeno woyee no emiroo woyee no geecee naboo konine? Ittoshi toone?

2 Tasaloonqi 2:9

Ebi hukkechi uro bi woyemmo, Sheexaanoochi shuunoommon baribare giidoona koote worganikkiti malletoonaa gaakkechi shuunoonon shuunoonane.

1 Ximootiyoosi 1:4

Wotta tochee tochoonaa ciiraalli shiijjereenaꞌochi kiinoon haddoonooch boonoshi qelloon beshiiree boonoshi imaachemmoyich gete. Eboshiyoommi mooyinaꞌo hayoon tiijjeheetalli, gibenoona shuuneebeeti Yeerichi shuunoyich boonoshi gaaccemmi gaaco aalloone.

1 Ximootiyoosi 4:7

Wotta Yeerich oogoon imaani, gaacaalloonoo tuneti geene genneenaꞌochi tochoochee wohe; Yeerin oogiibeeti beemon beemoyich ne qelloon dojjibe.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.

Yihudi 1:14

Addaamiichee tiijjiꞌi shabaattinnee shiijjeroo tuneti Henooki wotta eboshichon ishichii keemmiꞌi, “Ebiyoche, Doono Yeeri asho bulli toommooch nalliya, hukkechinaꞌo tuneꞌi boonoshi shuuneti hukkee shuunoo bullich, hukkechi axaaxechinaꞌoo bi toommooch boonoshi yibbaateti gonde mooyo bullich boonoshi bulli toommooch nalliya, wodde hume yaafeenaꞌona tookkii bi waa beetaa beego” iꞌi gettiye.

Yaaꞌoo 1:7

Ebiyoche, quboona woyemmone; asho bulli, biin kochitinaꞌooch beddaahaa, biin beeggemminaꞌone; showee toommooch beeti yoodeenaꞌo bulliyoo bi naboona woowo, geti eeppemminaꞌone. Tuneba! Ameena.