2 Pheexiroosi 1:1 - Kafa Linguistics Project

¹ Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

2 Pheexiroosi 1:1 ပူးပေါင်းရင်းမြစ်များ

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Maatiyoosi 10:2

Hini are aaraa gutte mishiraachechinaꞌochi shigo, batti batt Pheexiroosi getteebeeti Simooni, bi manoo Indiriyaasi, Zebidiyoosi bushiisheenaꞌo Yaaqobinaa Yowannisina,

Maatiyoosi 4:18

Yesuusi Galiilee baharee gashoona besheebee gutte maneenaꞌo Pheexiroosi getteebeeti Simooninaa Indiriyaasinon ciinniye; boonoshi shuunoo haashee yesho bi tunetoyich dabboon baharooch duppii beeheete.

Luqaasi 1:47

taan wodiyechi Yeeri hoxeeti bi gonnee taan ciinniꞌi ta ayaanoon oogichiꞌi emirikkitone. Ooge Giidecho ta toommooch worganikkiti shuunoon tuniitone; bi shigoo yaafoone. Ebich hanaachina ikka getiree shiijjeroo bulli taan, ‘Yeeri diiritine’ gettemmone.

Luqaasi 11:49

Ebich Yeerichi shalligoo ishichiye: ‘Boonoshi waan keemechinaꞌonaa mishiraachechinaꞌonon daachiyemmo taane; boonoshi daggoochee ikkikkeenaꞌon wuxemminaꞌone; ikkikkeenaꞌon duꞌiyemminaꞌone’ itone.

Yowannisi 1:42

Aroochee Indiriyaasi Simoonin Yesuus waan deebiye. Yesuusiyoo beeggiꞌi, “Ne Yooni bushoo Simooni neene; and Keefi getaa ceekkemmo neene” iye. Keefi geto “Pheexiroosi” woyee “Xaqqo” getone.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Yowannisi 20:21

Yesuusi wochinnoon “Diggoo ittoshich tunebe. Nihoo Yeeri taan bi wochetoommon ta wotta ittoshin wochaabeeto taane” iye.

Mishiraachechinaꞌo 15:14

Yeeri shiichiꞌi Aageteenaꞌo daggoochee bi hajjoo tunemmi asheenaꞌon bi kichoona boonoshin bi shunon aabichiꞌi bi bekkiito gaata, Simooni and gettitone.

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Roomi 1:12

Ebiyoo Kiristoosi toommooch mulloon ta tooꞌiyoon beegiree ittoshi kupphemmoyich, wotta tawoo ittoshi mullee tooꞌiyoon beegiree ta kupphemmoyichiye.

Roomi 1:17

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

1 Qorontoosi 15:9

Ishichii ta ii beeto, Yeerichi kittinnee guuphinaꞌon yookkaa ta duꞌitoyich, mishiraachechinaꞌo bulliyee desho ta tunetoyichiye; mishiraachecho getenoo ceekkeya bedaano taane.

1 Qorontoosi 9:1

Konichona hajjeyaani xalle asho toono taane? Mishiraachecho toono taane? No Doono Yesuusin ta hajjee aafoona beegaano taane? Ittoshi wotta Doono Yesuusi taanna bi shuuneti shuunee aafo ittoshi toone?

2 Qorontoosi 4:13

Tunebaani “Gibenehoye; ebich gettehoye” getaa bi kooreetoommon, ebi are iberiyee ayaano nooch beetoyich, nowoo wotta iberiibeeto noone; ebichoo gettaabeeto noone.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 2:8

Ebiyoo, Yeeri Pheexiroosin Ayihudeenaꞌoyich mishiraachecho tuniiꞌi biinna bi shuunoommon, ebiyoommon taan wotta Aageteenaꞌoyich mishiraachechon tuniiꞌi taanna bi shuunooniye.

Efesooni 3:5

Ebiyoo wonnee yemeenooch bare shiijjereenaꞌo waan ashi bushiishoyich aricheyaanoone; tunebaani and yaafeeti bi mishiraachechinaꞌonaa keemechinaꞌonoyich bi Ayaanoona gaxxitone.

Efesooni 4:11

Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.

Efesooni 4:5

Ikke Doono, ikke mullee tooꞌiyoo, ikke aacona afaalleyoo beetone;

Filipphisiyoosi 1:1

Kiristoos Yesuusichi guuninaꞌo tuneti Phawuloosinaa Ximootiyoosina waanee, Filipphisiyoos beeti, kittinnee guuphon yaabii qeejjiibeeti geeneenaꞌonaa daaquuneenaꞌona tookkii, Kiristoos Yesuusina yaafeenaꞌo tunetinaꞌo bullich:

2 Ximootiyoosi 1:5

Kiristoosi toommooch ibere ne mullee tooꞌiyoon gabaabeeto taane; shiichiꞌi ne indinde Loyidinaa ne indee Ewuniqina boonoshi mulloon Kiristoosi toommooch tooꞌiitinaꞌone; and ne wotta ebiyoommon Kiristoosi toommooch ne mulloon ne tooꞌiyoonoo xiishito taane.

Titoosi 1:1

Yeeri kaaccitinaꞌo Kiristoosi toommooch mullee tooꞌiyoona boonoshi kupphemmoyich, wotta Yeerin oogiibeeti beemon beemooch bechiibeeti iberoon boonoshi ariyemmoyich tuniyoyich wocheeti, Yeerichi guuno, Yesuus Kiristoosichi mishiraachecho tuneti Phawuloosi waanee:

Titoosi 1:4

Kiristoos Yesuusi toommooch mulloon no tooꞌiyoona ibere ta bushoo tuneti Titoosich: Nihoo Yeerinaa noon Wodiyechi Kiristoos Yesuusina waanee wojjoonaa diggoona neech tunebe.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

1 Pheexiroosi 1:1

Yesuus Kiristoosichi mishiraachechi Pheexiroosi waanee, Faantoosee showooch, Galaatee showooch, Qephadooqee showooch, Isiyee showoonaa Bitaaniyee showoonooch beeti katemoo bulliich shiqqoo tunee shaceꞌi beeti, Yeerina kaacheti asheenaꞌoyich,

1 Pheexiroosi 1:7

Aallemmi aacholla qaaqqooch bi geddeebeeto, amoommo gaata bi tunoon xiishoyichiye; ebiyoommon wotta aachoyee beshe oogeti aaxxoo tuneti, Kiristoosi toommooch ittoshich beeti mullee tooꞌiyoo xuuxee daggoona bi besheebeeto, iberoo bi tuno xiisheyemmoyichiye. Wotta Yesuus Kiristoosi bekkehooba, galleto, oogee yiiroonaa naadoonon ittoshi danemmoyichiye.

1 Pheexiroosi 2:7

Illa ittoshi mulloon bi toommooch tooꞌiiti ittoshich ebi xaqqo aaxxoone; tunebaani bi toommooch mulloon tooꞌiyaaneenaꞌoyich, “Gimbenyeenaꞌo hoxee duppiti xaqqo, aroo kexon deggii neechiibeeti giimbee guummon tunehe,”

1 Pheexiroosi 5:1

Illa boonoshina tookkii geeno, Kiristoosichi xuuxee miixoo, wotta bekkeya ii beeti Kiristoosichi oogee yiiroochee qoodeyecho tuneti ta, ittoshi daggooch beeti geeneenaꞌon ciiccaabeeto taane:

2 Pheexiroosi 1:4

Ebina aaxxoonaa oogetona tuneti gibenoon nooch gibenikkiye; ebi gibenoon bi gibenikkito, hini alemeexi asheenaꞌo toommooch beechii, duubiibeeti gonde qaatoochee muriciree Nuggishoochi shuriyoochee qoodeyechon ittoshi tunemmoyichiye.

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich: