2 Kiinoo 9:8 - Kafa Linguistics Project

⁸ Neenna emiriꞌi, bi shigoona ne taatemmoyich tuniiti, ne Nuggishoo Doono Yeeri diireebe. Ne Nuggishoo Israꞌeeleenaꞌon shunniꞌi, bulli yemeenoon manjiree boonoshi beeyemmoyich bi qaawitoyich, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.

2 Kiinoo 9:8 ပူးပေါင်းရင်းမြစ်များ

2 Saameeli 23:3

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

2 Saameeli 8:15

Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.

1 Taateenaꞌo 10:9

Neenna emiriꞌi, Israꞌeelee taatee qeenooch neen kotiiti, ne Nuggishoo Doono Yeeri diireebe. Doono Yeeri Israꞌeeleenaꞌon bulli yemeenoon shunniꞌi, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.

1 Taateenaꞌo 3:28

Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.

1 Kiinoo 17:22

Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo tuniito neene. Doono Yeero, newoo boonoshich Nuggishoon tunehine.

1 Kiinoo 28:5

Doono Yeeri meeti bushiishoon taach immitone; ta bushiishoo bulliichee Israꞌeelee showooch taateree Doono Yeerichi taatittinee showoon bi qeejjemmoyich Solomoonin kaaccitone.

1 Kiinoo 29:10

Daawiti iitoo bulli aafoochaa Doono Yeerin ishichiꞌi galletehe: “No qaabbechi Israꞌeelichi Nuggishoo Doono Yeero, bulli yemeenoochee bulli yemeenooch, galleto neech bede.

1 Kiinoo 29:20

Aroochee Daawiti iitoo bullin, “Ittoshi Nuggishoo Doono Yeerin galletebote” iye. Ebina iitoo bulli boonoshi qaabbechinaꞌochi Nuggishoo Doono Yeerin galleteheete; Doono Yeerinaa taatoonochi aafooch guufeꞌi goyinneheete.

1 Kiinoo 29:23

Solomooniyoo bi nihoo Daawitichi keroon Doono Yeeri manjiiti taatee qeenooch kotehe. Biichoo mooyo kaamehe; Israꞌeeleenaꞌo bulliyoo biich deꞌa iꞌi hajjeeheete.

2 Kiinoo 13:8

“Andoo ittoshi, Doono Yeeri Daawitichi yareenaꞌoyich immiti taatittinee toommooch tiya gabiibeeto ittoshine. Ebiyoo mattiqutte ginee naayo ittoshi tunoonaa ittoshi nuggisheenaꞌo boonoshi tunemmoyich Yeroboꞌami shuuneti maaminaꞌochi misiloon ittoshi yeshonoyichiye.

2 Kiinoo 2:10

Shuunoon shuuneebeeti ne asheenaꞌoyich hiye hume xaanee teepphoon, hiye hume xaanee sheqoon, awudde balle hume neetiree woyinee uyoonaa awudde balle hume neetiree zayitoonon immemmo taane” iye.

2 Kiinoo 2:11

Aroochee Xiroosi taatoo Kiraami koorichoon kooriꞌi Solomoonich ishichiꞌi daachiihe: “Doono Yeeri bi asheenaꞌon bi shunnitoyich, boonoshi toommooch neen taatiitone” iye.

2 Kiinoo 9:7

Ne asheenaꞌo am shaahoon diireetinaꞌone! Bulli aaboon ne aafooch neexeꞌi, ariyoona ceenniti ne yibbaatoon waayeebeeti ne maddechinaꞌo am shaahoon diireetinaꞌone!

2 Kiinoo 9:9

Aroochee taatoyich awudde hume kiilo giraam bede aachoon, dofee qimaamoonaa aaxxe xaqqoonon immahan. Sheebee taatee, taatoo Solomoonich immetoommi gaawe qimaamo ciroona aalloone.

Shoddo 18:19

Biyoo gamini xaaꞌooch taan daammiye; taanna bi emiritoyich, taan wodiihe.

Shoddo 22:8

“Doono Yeerin gibenetone; eke biin wodiibe; biin shunniibeeto bi tunegaata, eke biin shiwebe” iyeete.

Shoddo 72:2

Biyoo ne asheenaꞌon tatoona qeejjemmone; xukketi ne asheenaꞌoyichoo tachi nallemmone.

Shoddo 99:4

Dayinnetoon shunnaabeeti Hakkechi Taatoocho, kaamittinoon heccehine; dayinnetoonaa cadiqoonon Israꞌeelee daggooch tuniihine.

Shaahiyoo 21:3

Kaamoonaa tatoona tuneti mooyon tuniyoo, deejjoon deejjoyee beshoon Doono Yeerin emirikkiye.

Shaahiyoo 29:4

Dayinnetoona qeejjoona taatoo showoon tooꞌiihe; tunebaani xuccoon shunniibeeto showoon aalliihe.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 62:4

Illa ebiyee bekk Duppeti getaa ceekkeyaachemmi neene; ne showoo Shokkaachoo Echeto getteyaachemmone; tunebaani Ta Emiroo Arooch Beeti getteyemmi neene; ne showee kenechi tunemmine; Doono Yeeri neenna bi emiritoyich, ne showeyoo Kenechi getteyemmine.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Yibbaatoo 7:8

Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.