2 Kiinoo 9:24 - Kafa Linguistics Project

²⁴ Boonoshiyoo boonoshi ikkikkoona nati natooch, birewee qiicoonaa aachee qiicoonon, tahoon, ginee qiicoon, qimaamoon, haresheenaꞌonaa bicereenaꞌonon wojjoon biich yechii waa beeheete.

2 Kiinoo 9:24 ပူးပေါင်းရင်းမြစ်များ

1 Taateenaꞌo 10:10

Aroochee taatoyich awudde hume kiilo giraam bede aachoon, dofee qimaamoonaa aaxxe xaqqoonon immahan. Sheebee taatee, taatoo Solomoonich immetoommi dofee qimaamo aroyee gubb ciroona waataanoone.

1 Taateenaꞌo 10:25

Boonoshiyoo boonoshi ikkikkoona nati natooch, birewee qiicoonaa aachee qiicoonon, tahoon, ginee qiicoon, qimaamoon, haresheenaꞌonaa bicereenaꞌonon wojjoon biich yechii waa beeheete.

1 Taateenaꞌo 9:14

Kiraami taatoyich awudde hume kiilo giraam bede aachoon deejjitone.

2 Kiinoo 17:11

Filsixeemeenaꞌoochee ikkikkeenaꞌo boonoshi wojjoon deebii beeheete; xure birewee gibiroonoo qoccii beeheete. Arabee asheenaꞌoo shabaatte humaa shabaatte balle bagee baaddoonaa shabaatte humaa shabaatte balle emmishee baaddoonon deebiyeete.

2 Kiinoo 9:23

Yeeri Solomoonich immiti shalligoon waayoyich, showoo bulliich beeti taateenaꞌo bi aafooch shagoyich qaawii beeheete.

2 Kiinoo 9:9

Aroochee taatoyich awudde hume kiilo giraam bede aachoon, dofee qimaamoonaa aaxxe xaqqoonon immahan. Sheebee taatee, taatoo Solomoonich immetoommi gaawe qimaamo ciroona aalloone.

Iyoobi 42:11

Bi anaami maneenaꞌo, maache maneenaꞌonaa bi aricheenaꞌo tuneti asheenaꞌo bullina biin beegga waaheete; bi kexoochaa biinna tookkii maa uchiyeete; Doono Yeeri bi toommooch deebiti xuuxoyich ayiniyeete; biinoo goggiiheete. Boonoshi ikkikkoona xure birewoonaa aachee qalibetoonon biich immiyeete.

Shoddo 68:30

Kohee daggooch beeti cooxoommi showoon noggebe; maaminaꞌonaa gubbeneenaꞌonon shaahiibeeti taatee showeenaꞌon, noggebe. Bulliyona yitiree boonoshi birewoon neech boonoshi giddiyemmoyich tuniibe; koyoona emiriibeeti macceenaꞌon shace.

Shoddo 72:10

Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Woraaferasheenaꞌo 3:15

Israꞌeeleenaꞌo wochinnoon Doono Yeer waan cookiyeete. Doono Yeeriyoo boonoshin wodiyemmi, Geeri bushoo, kisha yoochoo Ehuudin Biiniyaamee yoodoochee tiijjiye. Israꞌeeleenaꞌo ebi Ehuudi kishoona gibiroon Moꞌabee taatoo Egiloon waan daachiiheete.

1 Saameeli 10:27

Tunebaani ikkikke gonde asheenaꞌo “Hini uro aabichireeshiye noon bi wodiyemmo?” iꞌi biin qallayiyeete; biich wojjoon immemmon qajjiyeete. Tunebaani Saaꞌooli cikkii qajjiye.