2 Kiinoo 9:23 - Kafa Linguistics Project

²³ Yeeri Solomoonich immiti shalligoon waayoyich, showoo bulliich beeti taateenaꞌo bi aafooch shagoyich qaawii beeheete.

2 Kiinoo 9:23 ပူးပေါင်းရင်းမြစ်များ

1 Taateenaꞌo 3:28

Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.

1 Taateenaꞌo 4:34

Solomoonichi ariyoon waayeti, showee toommo bulliich beeti taateenaꞌo waanee wocheyechinaꞌo bi ariyoon waayoyich waa beeheete.

2 Kiinoo 9:22

Taatoo Solomooni, showee toommeexi taateenaꞌo bulliyee beshiti gaannechonaa shalligechona tunehe.

2 Kiinoo 9:24

Boonoshiyoo boonoshi ikkikkoona nati natooch, birewee qiicoonaa aachee qiicoonon, tahoon, ginee qiicoon, qimaamoon, haresheenaꞌonaa bicereenaꞌonon wojjoon biich yechii waa beeheete.

Shaahiyoo 2:6

Shalligoon immiibeeto Doono Yeerine; ariyoonaa goommii deꞌona daneebeeto bi waaneeniye.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 11:2

Doono Yeerichi Ayaano, shalligoonaa gabii deꞌonochi Ayaano, ciicoonaa hakkoonochi Ayaano, ariyoonaa Doono Yeerin shatonochi Ayaano, bi toommooch kotemmone.

Daaneeli 1:17

Yeeri ebi awudde gurimaasheenaꞌoyich kooreeti mooyon boonoshi ariyemmonaa doyemmonoyich, ariyoonaa shalligoonon immiye; Daaneelich wotta daakkiꞌi yaaꞌoonaa gumonon bi biichemmi hakkoon immiye.

Daaneeli 5:11

Ne taatee showee daggooch yaafe nuggisheenaꞌochi ayaano bi toommooch beeti ikke uro beetone. Ebi uro, ne nihoo taatittinee yemeenooba, yaaꞌecho, ariyechonaa nuggisheenaꞌochi shalligoommi shalligechona tuneꞌi daneti uroone. Ebich ne nihoo, taatoo Nabukadinatsori biin kaayechinaꞌo toommooch, yiiteenaꞌo toommooch, allaameenaꞌonaa xojjenee hiddechinaꞌonochi toommooch ukkiriihe.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

1 Qorontoosi 12:8

Yaafe Ayaano ikke kittinnoyich shalligee yibbaatee hakkoon immiye; wotta are Yaafe Ayaano ariyee yibbaatee hakkoon baroyich immiye.

Efesooni 1:17

Oogee yiirecho tuneti Nihoo, biyoo no Doono Yesuus Kiristoosichi Nuggishoo biin ariyoona shalligechon ittoshin tuniyemmi, biin ittoshich bekkiyemmi Yaafe Ayaanoon ittoshich bi immemmoyich qollaabeeto taane.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.