2 Kiinoo 9:20 - Kafa Linguistics Project

²⁰ Taatoo Solomooni uchiibeeti xoofoo bulli shuuneeto, aachoocheeniye. Libanoosi Shaaroo getteebeeti taatee kechi qiico bulli shuuneeto, xalle aachoocheeniye. Solomoonichi taatee yemeenooch birewoo qallayeetone.

2 Kiinoo 9:20 ပူးပေါင်းရင်းမြစ်များ

1 Taateenaꞌo 10:21

Taatoo Solomooni uchiibeeti xoofoo bulli shuuneeto, aachoocheeniye. Libanoosi Shaaroo getteebeeti taatee kechi qiico bulli shuuneeto, xalle aachoocheeniye. Solomoonichi taatee yemeenooch birewoo qallayeeto bi tunetoyich, birewoochee shuuneeti qiico ciroona aalloone.

2 Kiinoo 9:19

Shiritte daqqooch, bi ikkikkoona yoochinaa qanninooch ikkikke daaheree misilo neexetone. Ebiyoommi taatee qeeno amee taatee showoocholla ciroona shuunee ariyaanoone.

2 Kiinoo 9:21

Taatoyich Kiraamichi asheenaꞌona tookkii Tarisheshee showooch hammiibeeti markabeenaꞌo beetinaꞌone. Ebi markabeenaꞌo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.

2 Kiinoo 9:27

Taatoo birewoo xaqqoochoommon Yerusaalem bi woddemmoyich tuniihe. Yigee mixonoo Shefeeli worebe showooch colleebeeti caaroochoommon bi woddemmoyich tuniihe.

Asteeri 1:7

Bi shaahoo ikkoo baroyee bariti aachee xoofoona uyo giddee beehe. Taatoo mulloochee tiijjiꞌi ebin bi tuniitoyich, taatee kexeexi woyinee uyo beddii echetone.

Isiyaasi 2:22

Bi hiinno muddooch beeti ashoon gibeneyaahote; aroo amoyichona gaacaachemmone.

Erimiyaasi 31:5

Wochinnoon Shamaari guudinaꞌo toommooch woyinoon bechemmi neene; bechechinaꞌoo bechemminaꞌone; bi aafoonoo emiremminaꞌone.

Maatiyoosi 6:29

Tunetaa ittoshich gettoye: Taatoo Solomooniyolla ebi wodde bi oogee daggooch ikke mocee bungeechoommon taheyaanoone.