2 Kiinoo 8:7 - Kafa Linguistics Project

^7-8 Israꞌeeleenaꞌo boonoshin wuxii aalliyaanoon qayaa are showooch echeti, Israꞌeeleenaꞌo tuneyaani asheenaꞌochi shiijjereenaꞌon, eboshiyoo Hiteenaꞌon, Amooreenaꞌon, Ferizeenaꞌon, Hiweenaꞌonaa Yebuseenaꞌonon Solomooni guuno tuniiꞌi maddiihe; hanaach beddaahaa guuninaꞌone.

2 Kiinoo 8:7 ပူးပေါင်းရင်းမြစ်များ

Halloo 13:7

Abraaminaa Looxinochi gijjeenaꞌon quyeebeeti qiddeenaꞌo daggooch kaaro giyiye. Ebi yemeenooba Kanaaneenaꞌonaa Ferizeenaꞌona ebi are showooch beetinaꞌone.

2 Kiinoo 2:16

Nowoo ne qaawimmi wottoon mixon Libanoosi guudoochee kuxi cuyiree, baharee toommona deebi, Yoopphi katemooch beddaahaa bi shaggemmoyich tuniyemmo noone. Ebina newoo Yerusaalem bi hammemmoyich tuniyemmo neene” iye.

2 Kiinoo 8:6

Baalaati katemoon, biich beeti, maayoonaa baribare mooyona kiceyemmi katemeenaꞌo bullin, gaarinaꞌochi katemeenaꞌo bullinaa hareshechinaꞌochi katemeenaꞌonon shuunehe; shuuno bi qaawito bullin Yerusaalem, Libanoosee showoonaa bi taatee showoo bullinooch shuunehe.

Iziri 9:1

Ebi mooyo tunetoyee gubb, ukkireenaꞌo ta waan waaꞌi, “Israꞌeeleenaꞌo, qeesheenaꞌo, Leweenaꞌonooch beddaahaa, Kanaaneenaꞌo, Hiteenaꞌo, Ferizeenaꞌo, Yebuseenaꞌo, Amooneenaꞌo, Moꞌabeenaꞌo, Gibitseenaꞌonaa Amooreenaꞌona tunii beetoommi eeꞌe mooyon tuniiheetani, showee toommeexi aageteenaꞌoyee baraaneenaꞌone.

Yibbaatoo 7:1

Muusiyoo Israꞌeeleenaꞌoyich ishichiye: “Ne Nuggishoo Doono Yeeri ne woraashemmi showooch neen giijjemmone. Ebi are showooch neyee beshe giidechinaꞌonaa meetinaꞌona tuneti shabaatte aageteenaꞌo beetinaꞌone. Eboshiyoo: Hiteenaꞌo, Girigaasheenaꞌo, Amooreenaꞌo, Kanaaneenaꞌo, Ferizeenaꞌo, Hiweenaꞌonaa Yebuseenaꞌonane. Biyoo boonoshi bullin ne aafoochee yoohi kichemmone.