2 Kiinoo 8:6 - Kafa Linguistics Project

⁶ Baalaati katemoon, biich beeti, maayoonaa baribare mooyona kiceyemmi katemeenaꞌo bullin, gaarinaꞌochi katemeenaꞌo bullinaa hareshechinaꞌochi katemeenaꞌonon shuunehe; shuuno bi qaawito bullin Yerusaalem, Libanoosee showoonaa bi taatee showoo bullinooch shuunehe.

2 Kiinoo 8:6 ပူးပေါင်းရင်းမြစ်များ

1 Taateenaꞌo 10:26

Solomooni gaarinaꞌonaa hareshechinaꞌonon kiciye. Ikke humaa awudde balle gaarinaꞌonaa aaraa gutte hume hareshechinaꞌona biich beetinaꞌone. Eboshinoo gaarinaꞌochi katemoonaa bi beeti Yerusaaleminooch boonoshi beeyemmoyich tuniihe.

1 Taateenaꞌo 7:2

Libanoosi Shaaroo getteebeeti taatee kexon haggiye; ebi kexo, bi gidoo balle hiroo, bi maaco aache hiroo, bi neexo shaashe hiroone. Ebi kexooch awudde yaaroona neexeti, yigee giimbeenaꞌo beetinaꞌone. Giimbeenaꞌo toommooch qojjeeti, yigee mixoochee shuuneeti maammeenaꞌo beetinaꞌone.

1 Taateenaꞌo 9:1

Solomooni Doono Yeerichi yaafee kexonaa bi taatee kexonon, bi qaawiti kexo bullinoo haggii bi ciichitoyee gubb,

2 Kiinoo 1:14

Solomooni, gaarinaꞌonaa hareshechinaꞌonon kiciye. Ikke humaa awudde balle gaarinaꞌonaa aaraa gutte hume hareshechinaꞌona biich beetinaꞌone. Eboshinoo gaarinaꞌochi katemoonaa bi beeti Yerusaaleminooch boonoshi beeyemmon tuniihe.

2 Kiinoo 17:12

Yoshafaaxiyoo beshii beshii qeyiye. Yihudee showoochoo mishigeenaꞌonaa maayoonaa baribare mooyona kiceyemmi katemeenaꞌonon shuuniihe.

2 Kiinoo 8:4

Barahooch beeti Tadimoori katemoon shuuniihe; Hamaatee showooch maayoonaa baribare mooyona kiceyemmi katemeenaꞌon shuuniihe.

2 Kiinoo 8:5

Wotta Dambee Beet Horooninaa Deshi Beet Horooninooch uxeroo, shaaqqoonaa tuggoona beeti manje katemeenaꞌon shuuniihe.

2 Kiinoo 8:7

Israꞌeeleenaꞌo boonoshin wuxii aalliyaanoon qayaa are showooch echeti, Israꞌeeleenaꞌo tuneyaani asheenaꞌochi shiijjereenaꞌon, eboshiyoo Hiteenaꞌon, Amooreenaꞌon, Ferizeenaꞌon, Hiweenaꞌonaa Yebuseenaꞌonon Solomooni guuno tuniiꞌi maddiihe; hanaach beddaahaa guuninaꞌone.

Dojjecho 2:4

Aricheti meeti mooyinaꞌon tuniiho; ta qellich kexinaꞌon haggeho; woyinoonoo bechiyo.

Solomooni 4:8

Ta woꞌeene, Libanoosee taanna tookki hambone; Libanoosee taanna tookki hambone. Daahereenaꞌochi gofo, maaheenaꞌochi guudo tuneti, Amaani guudoochee, Seniiri guudonaa Hermooni guudi cullulloonoochee, kindibe.

Yaasi 19:44

Eliteqeehi, Gibetooni, Baalaati,