2 Kiinoo 8:14 - Kafa Linguistics Project

¹⁴ Bi nihoo Daawiti dojjiti doyoommon qeesheenaꞌon boonoshi maddi maddooch, Leweenaꞌon wotta shoddoona boonoshi galletemmonaa qeesheenaꞌon boonoshi gaachemmonon tuniihe. Yeer asho Daawiti gettitoommon, kellechinaꞌon boonoshi kaalli kaalloona kelleenaꞌo bullin boonoshi quyemmoyich tuniihe.

2 Kiinoo 8:14 ပူးပေါင်းရင်းမြစ်များ

2 Saameeli 23:2

“Doono Yeerichi Ayaano ta gettemmon taach gettiye; bi qaaro ta noonooch tunehe.

1 Taateenaꞌo 13:1

Yeroboꞌami ixaanoon shookka deejjee gudee gaꞌooch neexee bi beetaa, ikke Yeer asho Doono Yeeri gettiti qaaroona Yihudee showoochee Beeteel waahe.

1 Kiinoo 16:37

Qemi qemoyich bi qoceetoommon, Asaafinaa bi maneenaꞌona Doono Yeerichi taabootee aafoochaa bulli aaboon boonoshi maddemmoyich Daawiti tuniihe.

1 Kiinoo 16:42

Hemaaninaa Yedutuunina shumbureenaꞌochi, qaaxilleenaꞌonaa galletee shoddee beegaata kaacheebeeti shoddee qiiceenaꞌonochi toommooch ukkireheete. Yedutuuni bushiisheenaꞌoo kellechinaꞌo tuneheete.

1 Kiinoo 23:1

Daawiti geenee bi baayehooba, bi bushoo Solomoonin Israꞌeeleenaꞌo toommooch taatiihe.

1 Kiinoo 24:1

Harooni bushiisheenaꞌo qoodeeto eechenane: Harooni bushiisheenaꞌoo, Nadaabi, Abiihi, Elazaarinaa Itamaarinane.

1 Kiinoo 24:3

Elazaari bushoo Sadooqinaa Itamaari bushoo Ahimeleekina biin gaachetaa, Daawiti boonoshin, boonoshi maddoommona qoodii qoodiꞌi shuunooch neechiye.

1 Kiinoo 25:1

Daawitinaa bi ginee iraasheenaꞌona giishi ximboona, ooge ximboonaa qaaxilloona degeebee keemoon keemmemminaꞌon Asaafichi, Hemaaninaa Yedutuuninochi yaroochee kaacciꞌi shuunoon yechiiheete. Ebi maddoon maddemmi asheenaꞌochi shigo:

1 Kiinoo 26:1

Yaafee kechi kellechinaꞌo shuunooch qoodeeto eechenane: Qoraahi gumbo Asaafichi kechi asheenaꞌoochee: Qoori bushoo Meshelemiyi;

1 Kiinoo 28:19

Daawitiyoo, “Shuunoo aabichaa bi shuuneyemmo gaata ta ariyemmoyich, ebi bulli Doono Yeerichi kishoona kooreeꞌi taach icheehe” iye.

1 Kiinoo 9:17

Kellechinaꞌoochee Yerusaalem kotetinaꞌo: Shaluumi, Aquubi, Xalimooni, Ahimaaninaa boonoshi xibeenaꞌonane. Boonoshi iraashoo Shaluumine.

1 Kiinoo 9:24

Kellechinaꞌo awudde badd, ebi geto aabi-keyo waan, aabi-gimo waan, dambi-waaninaa deshi-waaninooch beetinaꞌone.

2 Kiinoo 23:19

Yoyaadi amee mooyonona eeꞌeti asho Doono Yeerichi yaafee kexooch bi giyaachemmoyich, kechi kellooch kellechinaꞌon neechiye.

2 Kiinoo 23:4

Ittoshi tuniyemmo ebiniye: Shambetooba kelloon quyooch giyiibeeti qeesheenaꞌonaa Leweenaꞌoochee, keejje beereexi ikkoo uxeree kelloon quyebe;

2 Kiinoo 29:25

Taatoo Hiziqiyaasi, Daawitichi qociyoommon, yaaꞌechi Gaadinaa keemechi Naataaninochi qociyoommonoo, Leweenaꞌoyich qaaxilloon, ooge ximboonaa giishi ximboonon yechiiꞌi, Doono Yeerichi yaafee kexooch neechiye. Ebiyoo keemechinaꞌona Doono Yeer waanee icheti getoone.

2 Kiinoo 31:2

Hiziqiyaasi qeesheenaꞌonaa Leweenaꞌonon boonoshi kuxi kuxona, boonoshi maddi maddooch neechiye. Doono Yeerichi kechi kelloochaa micciibeeti deejjoonaa ikkittinee deejjoonon boonoshi giddiyemmoyich, boonoshi maddemmoyich, boonoshi galletemmonaa boonoshi oogiyemmonoyich, qeesheenaꞌonaa Leweenaꞌonon boonoshi maddi maddoommon neechiye.

2 Kiinoo 35:10

Baaroon baaroyich bulli mooyo qannitoyee gubb, taatoo gettitoommon, qeesheenaꞌo boonoshi xaaꞌooch, Leweenaꞌoo boonoshi kuxi kuxooch neexeheete.

2 Kiinoo 35:15

Daawiti, Asaafi, Hemaaninaa taatoochi yaaꞌechi Yedutuunina qociitoommon, Asaafi yareenaꞌo tuneti shoddechinaꞌo boonoshi xaaꞌooch beetinaꞌone. Kello bulliich beeti kellechinaꞌo quyeebeeti xaaꞌoochee baroo boonoshich qaawiyaanoone; ebiyoo boonoshi maneenaꞌo tuneti Leweenaꞌo boonoshich qannii beetoyichiye.

2 Kiinoo 35:4

Israꞌeelee taatoo Daawitinaa bi bushoo Solomoonina dojjiti doyoommon ittoshi yari yara, ittoshi kuxi kuxona qannibote.

2 Kiinoo 5:11

Qeesheenaꞌo Yaafe Xaaꞌoochee kechiyeete. Arooch beeti qeesheenaꞌo boonoshi kaalloon quyeyaanoon boonoshi qelloon yaafitinaꞌone.

2 Kiinoo 8:15

Ginjabeeteenaꞌochonaa baribare mooyinaꞌochonon ciinnii beetona taatoo boonoshich gettiti getoochee qeesheenaꞌonaa Leweenaꞌona okk hach getaaneenaꞌone.

Iziri 6:18

Muusichi macaafooch bi kooreetoommon, Yerusaalem beeti Yeerichi kechi maddoyich, qeesheenaꞌon boonoshi maddee guuphi guuphooch, Leweenaꞌon boonoshi shuunee guuphi guuphooch neechiyeete.

Nehimi 12:24

Leweenaꞌochi ukkireenaꞌo Hashabiyi, Sherebiyi, Qadimeeli bushoo Yaasi, Yeer asho Daawiti gettitoommon, boonoshi maneenaꞌo ciinooch neexeꞌi, kaalli kaalloona Yeerin galletee naadii beeheete.

Nehimi 12:25

Yaafee kechi kellee gaꞌooch beeti qiicee kexinaꞌon quyee beetinaꞌo, Mataniyi, Bakbukiyi, Abidiyi, Meshulaami, Xalimooninaa Aquubinane.

Nehimi 12:36

bi xibeenaꞌo Shemayaahi, Azareli, Milaalayi, Gilaalayi, Maꞌayi, Netaaneli, Yihudinaa Hanaanina Yeer asho Daawitichoommi shoddee qiicoon yechii dabbiyeete. Sheeree dojjechi Iziriyoo boonoshi bulli aafooch shiichii hammiye.

Luqaasi 1:5

Yihudee taatoo Heroodisi taatee beehooba, Yeerich maddeebeeti Abiyi guuphi daggooch Zakaariyaasi getteebeeti ikke qeeshoo beehe; bi mechee Haroonichi yareene; bi shigoo Elsabeexi getteehe.

Luqaasi 1:8

Ikke areddoon Zakaariyaasi beeti guuphoyich Yeerich maddee kaallo shagaa, Zakaariyaasi Yeerich maddee bi beetaa,

Mishiraachechinaꞌo 13:22

Biin bi kindiitoyee gubb, Daawiti boonoshi toommooch bi taatemmoyich kaacciye. Biichon ishichiꞌi miixehe: ‘Ta mullooch giyiti ashoon daneto taane; biyoo ta gaboo bullin ceechemmi, Iseyichi bushoo Daawitine’ iye.

Mishiraachechinaꞌo 13:36

Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.

Yibbaatoo 33:1

Yeer asho Muusi bi qitoyee shiichiꞌi, Israꞌeeleenaꞌon bi diiriti diiroo ebine.