2 Kiinoo 7:20 - Kafa Linguistics Project

²⁰ ittoshich ta immeti showoochee ittoshin waaxxemmo taane; ta shigo arooch bi beeyemmoyich ta yaafiti hini yaafee kexon duppemmo taane; aageteenaꞌo bulli ebi mooyon tochibee cooqqiremmoyich tuniyemmo taane.

2 Kiinoo 7:20 ပူးပေါင်းရင်းမြစ်များ

1 Taateenaꞌo 14:15

Doono Yeeri, shombeqoo aachi daggoochaa qewoommon, boonoshi qewemmoyich tuniiree, Israꞌeeleenaꞌon yexxemmone. Nuggishee Asheeri misiloon neechoona Doono Yeerin boonoshi ippiitoyich, boonoshi qaabbechinaꞌoyich bi immiti, hini gaawe showoochee boonoshin waaxxemmone; Efiraaxisi aacoyee beqach boonoshin shaccemmone.

1 Taateenaꞌo 9:7

Israꞌeeleenaꞌon boonoshich ta immeti showoochee aalliyemmo taane; ta shigo arooch bi beeyemmoyich ta yaafiti, hini yaafee kexon duppemmo taane; Israꞌeeleenaꞌo asho bulli daggooch cooqqiree tocheyemminaꞌone.

2 Taateenaꞌo 17:20

Doono Yeeri Israꞌeelee shiijjeroo bullin qajjiye; boonoshinoo xuuxiihe; bi aafoochee boonoshin bi yookkimmi wottoon, boggechinaꞌo kishooch boonoshin beshiiꞌi immiye.

2 Kiinoo 36:19

Yeerichi yaafee kexon michiye; Yerusaalemi xaqqee uxeroon happiye; taatee kexinaꞌonoo qaaqqoona michiye; arooch beeti aaxxe qiico bullin aalliihe.

Shoddo 44:14

Aageteenaꞌo daggooch no tocheyemmoyich, macceenaꞌo noon qallayoona qelloon qeeqqeriyemmoyich tuniihine.

Shoddo 52:5

Ebich Doono Yeeri bulli yemeenoon neen tiichemmone; ne kexoochee neen shotte kichiree aalliyemmone; kashechinaꞌo beeti hini showoochee neen waaxxemmone.

Erimiyaasi 12:17

Tunebaani ta getoon waayeyaache boonoshi getigaata are aageteenaꞌon waaxi aalliyemmo taane” iye Doono Yeeri.

Erimiyaasi 16:13

Ebich hini showoochee ittoshinaa ittoshi qaabbechinaꞌona ariyaani showooch ittoshin yugemmo taane; ittoshich ariqqeyaachemmo ta tunetoyich, aroochaa bare nuggisheenaꞌoyich areddoonaa xumoonon maddemmo ittoshine’ gete” iye.

Erimiyaasi 18:7

Ikke aagetee showoon woyee taatittinoon waaxxemmo, happi aalliyemmo ta tunoon ta awaajjiichaa,

Erimiyaasi 22:8

“Meeti aageteenaꞌo ebi katemee gaꞌoona beshebee, boonoshinaa boonoshina ‘Doono Yeeri ebi ooge katemooch ebiyoommon amoyich tuniihe?’ gettemminaꞌone.

Erimiyaasi 24:9

Showee taatittino bulliichaa, wuche getteetinaꞌo tuniyemmo taane; boonoshin ta yookketi xaaꞌoo bulliichaa tocheyoyich, shixxeyoonaa ufonoyich tuniyemmo taane.

Erimiyaasi 31:28

Boonoshin waaxonaa happoonoyich, guufonaa aalliyoonoyich, iritoonoo boonoshi toommooch deeboyich ta kupphoommon, boonoshin manjiyoonaa bechoonoyich kupphemmo taane” iye Doono Yeeri.

Erimiyaasi 44:8

Ittoshin aalliyoyich, showee toommeexi aageteenaꞌo daggoochaa wuche, ittoshi getteyemmonaa naaggeyemmonoyich, beeya ittoshi waati Gibitsaa bare nuggisheenaꞌoyich ixaanoon shoohona, ittoshi kishee shuunoona ta kaaremmoyich ittoshi tuniibeeto amoyichiye?

Erimiyaasi 45:4

“Baaruukich Doono Yeeri ishichiye: ‘Ebiyoche ta haggeton happemmo taane; ta bechiton waaxxemmo taane; ebinoo showee toommo bulliich tuniyemmo taane.

Hiziqeeli 7:24

Aageteenaꞌo daggoochee oogeti gondeenaꞌon deebiree boonoshi kexon bogi boonoshi deqqemmoyich tuniyemmo taane. Giidechinaꞌochi geecoon shoottemmo taane; boonoshi yaafe xaaꞌeenaꞌoo eeꞌemminaꞌone.

Haddoo 32:15

Biin dabboochee gubb ittoshi wotta gaata, andoo hini asheenaꞌo bullin barahooch duppemmone. Boonoshi aallee naboo tunemmo ittoshine” iye.

Yibbaatoo 28:37

Doono Yeeri neen bi shacciibeeti showooch beeti aageteenaꞌo bulli ebi ne toommooch shaggiti mooyon beegiree keqqemminaꞌone. Boonoshiyoo ne mooyon tochibee ne toommooch cooqqiremminaꞌone.

Yibbaatoo 29:28

And ebi bi tunetoommon, Doono Yeeri boonoshin shinee kaaree, naxoon boonoshi toommooch kindiiꞌi boonoshi showoochee boonoshin cammona waaxxiye; bare showoochoo daammiꞌi duppiye’ getaa getteyemmone.

Yihudi 1:12

Eboshi yeelleyaanoon woddiiꞌi uchii maa boonoshi beegaata, ittoshi ikkittinee madoochaa kiinoomminaꞌone; boonoshi qellichon baachiye boonoshi gabiibeeto; yongo shaccii aalliibeeti, amiyo deebaani quboomminaꞌone; bi gooroona aafeyaani, cammona waaxaa ciroona shuuqqiti mixoomminaꞌone.