2 Kiinoo 7:17 - Kafa Linguistics Project

¹⁷ “Newoo ne nihoo Daawitichoommon, ta getoon ne waayegaata, ta getteto bullin ceechaa ne tuniigaata, ta qociyoonaa ta doyoonon ne quyegaatoo,

2 Kiinoo 7:17 ပူးပေါင်းရင်းမြစ်များ

1 Taateenaꞌo 11:38

Ta guuno Daawitichoommon ta geto bullin ne waayegaata, ta gommona ne hamigaata, ta qociyoonaa ta getoonon quyoona ta aafooch kaame mooyon ne tuniigaata, neenna tookki tunemmo taane. Daawitichi taatittinoon ta manjiyoommon, ne taatittinoon manjiyemmo taane; Israꞌeeleenaꞌon neech immemmo taane.

1 Taateenaꞌo 2:3

Ne Nuggishoo Doono Yeerichi getoon quyebe. Ne tuniyaabeeti mooyonaa ne hammaabeeti gommo bullina neech bi kaamemmoyich, bi gommona hambe; Muusichi Sheerooch bi kooreetoommon, bi doyeenaꞌon, bi geteenaꞌon, bi sheereenaꞌonaa bi qociyeenaꞌonon quyebe.

1 Taateenaꞌo 3:14

Ne nihoo Daawiti tuniitoommon, ta gommona ne hamigaata, ta qociyoonaa ta getoonon ne quyegaata, ne eenon genjiyemmo taane” iye.

1 Taateenaꞌo 8:25

“Andoo Israꞌeelee Nuggishoo Doono Yeero, ne guuno tuneti, ta nihoo Daawitich ‘Ta getoon ne waayoommon, ne bushiisheenaꞌo baach ta getoon waayebeetani, ta aafooch, Israꞌeelee taatee qeenooch kotemmi asho ne shiijjeroochee mucceyaachemmone’ iyaꞌa ne gibenikkiti gibenoon ceechibe.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 6:16

“Andoo Israꞌeelee Nuggishoo Doono Yeero, ne guuno tuneti, ta nihoo Daawitich ‘Ta sheeroon ne quyoommon, ne bushiisheenaꞌo baach manjii quyebeetani, ta aafooch Israꞌeelee taatee qeenooch kotemmi asho ne shiijjeroochee mucceyaachemmone’ iyaꞌa ne gibenikkiti gibenoon ceechibe.

2 Kiinoo 7:16

Andoo ta shigo aroochaa bulli yemeenoon bi ceekkemmoyich, hini yaafee kexon kaacceto taane; yaafiyanoo ito taane. Ta aafoonaa ta mulloona bulli aabooch arooch tunemmone.

2 Kiinoo 7:18

ne nihoo Daawitich, ‘Israꞌeeleenaꞌon qeejjemmi asho ne yaroochee mucceyaachemmone’ iyaꞌa wogoon ta giyetoommon, ne taatee qeenon manjiyemmo taane.

Shoddo 105:45

Ebiyoo bi qociyeenaꞌon boonoshi quyemmonaa bi sheereenaꞌon boonoshi ceechemmonoyichiye. Haleluya!

Shoddo 119:5

Ne qociyoon quyoona gibeneeto tunoon, am shaahoon shunnehote.

Hiziqeeli 36:27

Ta Ayaanoon ittoshi kashooch kotiyoona ta qociyoona ittoshi shaaddemmoyich, ta getoonoo manjii ittoshi quyemmoyich, tuniyemmo taane.

Zakaariyaasi 3:7

“Beshe Mawe Doono Yeeri ishichiye: ‘Ta gommona ne hamigaata, ta getoonoo ne waayegaata, ta yaafee kexonaa bi addibaaboonooch ukkiroo tunemmo neene. Ebi neexee beetinaꞌona tookki tunee xaaꞌoon neech immemmo taane.

Yowannisi 14:21

‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

Yowannisi 15:10

Ta Nihoo ‘Tuniibe’ iꞌi bi gettiton ta ceechoommon, bi shunoonoo ta beemoommon, ‘Tuniibote’ iyaꞌa ta getteton ittoshi ceechigaata, ta shunoona beeyemmo ittoshine.

Yibbaatoo 4:40

Neennaa ne shiijjeroonoyich mooyo bulli kaamemmoyich, ne Nuggishoo Doono Yeeri bulli yemeenoon ne beeyemmoyich neech bi immiibeeti showoo, neecho tuneree bi beeyemmonaa arooch koteree ne yagemmonoyich, hanaach ta gettaabeeti sheeroonaa getoonon quyebe” iye.