2 Kiinoo 7:10 - Kafa Linguistics Project

¹⁰ Shabaattinnee agenee hiyaa keejjinnee qemooba, taatoo asheenaꞌon boonoshi kexi kexooch daachiihe. Doono Yeeri Daawitich, Solomooninaa bi asheenaꞌo tuneti Israꞌeeleenaꞌonoyich bi tuniiti deꞌe mooyoyich oogichii emiriibee hammiyeete.

2 Kiinoo 7:10 ပူးပေါင်းရင်းမြစ်များ

1 Taateenaꞌo 8:66

Shimittinnee qemooba, asheenaꞌon wochii daachiihe. Boonoshiyoo taatoon diiriyeete. Doono Yeeriyoo bi guuno Daawitinaa bi asheenaꞌo tuneti Israꞌeeleenaꞌonoyich bi tuniiti gaawe mooyo bullich, oogichii emiriibee boonoshi kexi kexooch wotteheete.

2 Kiinoo 29:36

Hiziqiyaasinaa asheenaꞌo bullina, mooyo bulli ebiyoommon kaateree bi qannemmoyich Doono Yeeri boonoshin bi gaachetoyich emiriyeete.

2 Kiinoo 30:26

Israꞌeelee taatoo, Daawiti bushoo Solomooni yemeenoyee hach, Yerusaalem ebiyoommi baaroo baaree ariyaano bi tunetoyich, Yerusaalemaa oogeti emiroo tunehe.

2 Kiinoo 6:41

Nuggishoo Doono Yeero, and tibe; ne giidee malletoo tuneti ne taabootoona tookki ne kashee xaaꞌooch gibe; Nuggishoo Doono Yeero, ne qeesheenaꞌo ne wodiyoon tahebeete; ne yaafeenaꞌo ne deꞌittinoona emiribeete.

2 Kiinoo 7:11

Solomooni Doono Yeerichi yaafee kexonaa bi taatee kexonon haggii qanniihe. Doono Yeerichi yaafee kexonaa bi taatee kexonooch shuuneya bi mulloona bi gabito bullin shuunee ciichiye.

2 Kiinoo 7:9

Shabaatte qemon deejjee gudoon yaafiyeete; wotta shabaatte qemon baaroon boonoshi baaritoyich, shimittinnee qemooba yaafeeti kiceyoon kiceeheete.

Nehimi 8:10

Nehimiyoo boonoshich, “Hambote; gaawe maayoon mamote; shaawi uyoonoo uyote; qanniti mooyo amolla boonoshich aalli asheenaꞌoyich ittoshich beetoochee daachiibote. Hanaachi aabo no Doonoyich yaafeetone. Doono Yeerichi emiroo ittoshich giidoo bi tunetoyich, ayiniyaahote” iye.

Shoddo 100:2

Doono Yeerich emiroona maddebote; shoddoona bi waan giddebote.

Shoddo 105:3

Yaafe bi shigoonoo geecibote; Doono Yeerin qaawiibeeti mullecho emiribe.

Shoddo 106:5

Ebiyoo ne kaaccetinaꞌo gaannoon ta beeggemmoyich, ne asheenaꞌona tookki ta emiremmoyich, ne hajjee asheenaꞌona tookki oogoona ta bekkemmoyichiye.

Shoddo 32:11

Cadiqeenaꞌote, Doono Yeerina emiribote; emiroonoo wucwucote; mulli kaameenaꞌote, ittoshi bulli ililibote.

Shoddo 92:4

Doono Yeero, ebiyoo ne shuunoona taan ne emirikkitoyichiye; ne kishee shuunoyich emiroona shoddemmo taane.

Keyo 18:1

Miidiyamee qeeshoo, Muusichi abboo Yotoori, Yeeri Muusinaa bi asheenaꞌo tuneti Israꞌeeleenaꞌonoyich bi tuniito bullin, ebiyoo Doono Yeeri Israꞌeeleenaꞌon aabichiꞌi Gibitsee bi kichito gaata, waayehe.

Hiziqeeli 45:25

“Shabaattinnee agenee aaraa uuchinnee qemoobee tiijjiꞌi shabaatte qemon baareebeeti baarooba, axaaxee deejjoyich, micciibeeti deejjoyich, zayitoonaa maayi buuroonoyichoo ebiyoommon giddiibe” iye.

Mishiraachechinaꞌo 16:34

Ebiyee gubb, Phawuloosinaa Sillaasinon bi kexooch daammiꞌi, maayoon boonoshich giddiihe. Biinnaa bi kechi asheenaꞌo bullina boonoshi mulloon Yesuusi toommooch boonoshi tooꞌitoyich, emiroona wucwucciyeete.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

Yibbaatoo 12:12

Aroochaa ittoshi anaami bushiishoonaa ittoshi maache bushiishoona tookki, ittoshi guuninaꞌonaa ittoshi gonneenaꞌona tookki, wotta boonoshi qoodeeti woyee woraashiti showoo aallo bi tunetoyich, ittoshi beeti katemeenaꞌooch koteti Lewee asheenaꞌona tookki, Doono Yeeri aafoochaa emiribote.

Yibbaatoo 12:18

Ne Nuggishoo Doono Yeeri kaaccimmi xaaꞌoochaa ne, ne anaami bushiishoonaa ne maache bushiishoona, ne guunonaa ne gonneena, ne beeti katemooch koteti Lewee asheenaꞌoo ne Nuggishoo Doono Yeeri aafoochaa maayemmo ittoshine. Ne kishoona ne shuuneti mooyo bullina ne Nuggishoo Doono Yeeri aafoochaa emiremmo neene.

Yibbaatoo 12:7

Ebi aroochaa, ittoshi Nuggishoo Doono Yeeri aafoochaa ittoshinaa ittoshi kechi asheenaꞌona maayemmo ittoshine. Ittoshi kishoona ittoshi shuuneto bullin Doono Yeeri diiritoyich ittoshi bulli oogichi emiremmo ittoshine.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Yibbaatoo 16:14

Ebi baaroona ne, ne anaami bushiishoonaa ne maache bushiishoona, ne guuninaꞌonaa ne gonneenaꞌona, Lewee asheenaꞌonaa shiqqeenaꞌona, nihaalleenaꞌonaa ne beeti katemeexi xuumeenaꞌona emiribote.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!