2 Kiinoo 6:40 - Kafa Linguistics Project

⁴⁰ “Andoo ta Nuggishoo Yeero, no waan ne ciinnemmoyich, hini xaaꞌoochaa corooteebeeti corootoonoo elle ne waayemmoyich neen qollehoye.

2 Kiinoo 6:40 ပူးပေါင်းရင်းမြစ်များ

1 Taateenaꞌo 8:52

“Andoo ne guuno taannaa ne asheenaꞌo tuneti Israꞌeeleenaꞌona qollaabeeti qollo waan ne aafoon wochibe; ne waan boonoshi cookimmi aabo bulliich boonoshi cookoon waayebe.

1 Taateenaꞌo 9:3

Doono Yeeriyoo biich ishichiye: “Ta aafooch ne giddiiti corootoonaa qolloonon waayeto taane. Ta shigo arooch bulli yemeenoon bi beeyemmoyich ne shuuneti hini kexon yaafito taane. Ta mulloonaa ta aafoona bulli yemeenoon arooch tunemmone.

2 Taateenaꞌo 19:16

Doono Yeero, ne waamon no waan gaꞌiiree waayebe. Doono Yeero, ne aafoon gaxxiree ciine. Senakireebi beeyechi Yeeri neen naagoyich bi deejjiti miichee qaaroon waayebe.

2 Kiinoo 16:9

Doono Yeeri boonoshi ceeni mulloona biin gibenee beetinaꞌon kupphiyoyich, bi aafoo showee toommo bulliich ciinnii beetone. Tun bedaani mooyon ne tuniitoyich, ebiyee bekk koyo ne waanee kuxeyaachemmone” iye.

2 Kiinoo 6:20

‘Arooch ta shigo beeyemmone’ ne iti, hini kexo waan xumoonaa areddoonon manjii ciine; ne guuno ta hini xaaꞌoo waan wottaachaa ta corootaabeeti corootoon elle waayebe.

2 Kiinoo 6:39

boonoshi corootoonaa boonoshi qolloonon ne beeyi xaaꞌoo tuneti shimaayoochaa waayebe; boonoshi gommonoo kaachibe; axaaxoon shuuneꞌi neen xuqqiti ne asheenaꞌon maaribe.

2 Kiinoo 7:15

And hini yaafee kexo waan ciinnemmo taane; hini xaaꞌoochaa corooteebeeti corootoonoo elle waayemmo taane.

Nehimi 1:11

Ta Doonocho, ne guuno ta corootoonaa neen oogiyoyich shunniibeeti ne guuninaꞌochi corootoonon elle waayebe; hanaachoo ne guuno taach kaachiree, hini uroo aafooch ne ariqqoon taach bekkiibe” iyo. Arooba tawoo taatoochi xoofecho taane.

Nehimi 1:6

ne guuno ta xumoonaa areddoonon, ne guuno tuneti Israꞌeeleenaꞌochon ne aafooch ta corootaabeeti corootoon elle waayebe; taanoo ciine. Israꞌeelee asho no, axaaxoon shuunoona neen no xuqqeti xuꞌoon aannaabeeto taane. Taannaa ta qaabbechinaꞌochi kechi asheenaꞌona neen xuqqeto noone.

Shoddo 116:2

Bi waamon ta waan bi gaꞌitoyich, ta kashee yemeeno bulliich bi waan corootemmo taane.

Shoddo 13:3

Ta Nuggishoo Doono Yeero, waayeree taach wochibe; qitee tokketoon ta tokketeyaachemmoyich ta aafoon biriibe.

Shoddo 130:2

Ta Doonocho, ta cookoon waayebe; gaachee danoyich ta cookaabeeti cookoon waayebe.

Shoddo 17:1

Doono Yeero, kaamittinoona giddeti ta corootoon waayebe; ta cookoonoo ellebe; marechi noonoochee keyaani ta corootoon ellebe.

Shoddo 31:2

Ne waamon ta waan gaꞌiibe; afaafinoona waaree taan wodiibe; deebe xaqqoon tuneree, manje mishigoonoo tuneree, taan wodiibe.

Shoddo 34:15

Doono Yeeri aafo cadiqeenaꞌo waan ciinnii beetone; bi waamo boonoshi cookoon ellehe.

Shoddo 7:3

Ta Nuggishoo Doono Yeero, ta kishooch gonde mooyo beegaata, ta xiboyich deꞌee kaalloon gondoon wochito ta tunegaata, naboo aalloon ta ettoon boggeto ta tunegaata, ebin tuniito ta tunegaata,

Shoddo 88:1

Taan wodiyechi ta Nuggishoo Doono Yeero, areddoonaa xumoonon ne aafooch cookiyoye.

Isiyaasi 37:17

Doono Yeero, ne waamon no waan gaꞌiiree waayebe. Doono Yeero, ne aafoon gaxxiree ciine. Senakireebi beeyechi Yeeri neen naagoyich bi deejjiti qaaro bullin waayebe.