2 Kiinoo 6:30 - Kafa Linguistics Project

³⁰ ne beeyi xaaꞌoo tuneti shimaayoochaa waayebe; maarishoo gete; ashi mulloon ariyaabeeto ne baach ne tunetoyich, bi mulloon ne ariyaabeeti ashich bi shuuni shuunoommon qoce!

2 Kiinoo 6:30 ပူးပေါင်းရင်းမြစ်များ

1 Taateenaꞌo 8:39

ne beeyi xaaꞌoo tuneti shimaayoochaa waayebe; maarishoo gete. Asho bullichi mulloon ariyaabeeto ne baach ne tunetoyich, bi mulloon ne ariibeeti asho bullich bi shuuni shuunoommon qoce.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

1 Kiinoo 29:19

Ne geteenaꞌon, ne qociyoonaa ne doyoonon bi quyemmoyich, ta qanniiti qiiceenaꞌona yaafee kexon bi haggemmoyichoo ta bushoo Solomoonich ceeni mulloon imbe” iye.

2 Kiinoo 6:29

ne asheenaꞌo tuneti Israꞌeeleenaꞌo bulli woyee boonoshi daggoochee asho koniyoona bi toommooch shaggiti mooyona xuuxeꞌi, bi kishoon hini yaafee kexo waan yaggiꞌi corootii bi qollegaata,

2 Kiinoo 6:31

Ebiyoo no qaabbechinaꞌoyich ne immeti showooch kashoona boonoshi beemmi aabo bulliich, neen boonoshi shattemmonaa ne gommona boonoshi hammemmonoyichiye.

Shoddo 62:12

Ta Doonocho, shoodo neechone; newoo ashich bi shuuni shuunoommon qoccehine.

Shoddo 7:10

Mulli kaameenaꞌon wodiibeeti Yeeri, taach gaachoommone.

Shaahiyoo 15:11

Siꞌooloonaa aallee xaaꞌoona Doono Yeeri aafooch bekkeebeeto bi tunegaata, ashi bushiisheenaꞌo mullo am shaahoon bekkehe!

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Hiziqeeli 18:30

“Israꞌeelee macceenaꞌote, ebich bi gommi gommoommona asho bi ikkikkoochi toommooch nallemmo taane, iye Nuggishoo Doono Yeeri. Gondoochee wottebote; axaaxoo xugoon ittoshich bi tuneyaachemmoyich ittoshi xuꞌo bulliichee wottebote.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Yowannisi 2:25

Biyoo bi qelloona ashi mullooch beeti mooyon bi arii beetoyich, ashi mooyon biich ashi miixo amolla qaawiyaanoone.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.