2 Kiinoo 5:4 - Kafa Linguistics Project

⁴ Israꞌeelee geeneenaꞌo bulli waammona Leweenaꞌo taabootoon tiijjiyeete.

2 Kiinoo 5:4 ပူးပေါင်းရင်းမြစ်များ

1 Taateenaꞌo 8:3

Israꞌeelee geeneenaꞌo bulli waammona, qeesheenaꞌo taabootoon tiijjiyeete.

1 Kiinoo 15:2

Aroochee Daawiti ishichiye: “Bulli yemeenoon taabootoon boonoshi shaaggemmonaa bi aafoochaa boonoshi maddemmonoyich, Doono Yeeri boonoshin bi kaaccitoyich, Leweenaꞌoyee besh Doono Yeerichi taabootoon koniyoona shaaggaaye” iye.

2 Kiinoo 5:5

Taabootoon, danee duukkaanoon, danee duukkaanee daggooch beeti yaafeeti qiico bullinoo deebiyeete. Ebi qiiceenaꞌon qeesheenaꞌonaa Leweenaꞌona deebiyeete.

2 Kiinoo 5:7

Qeesheenaꞌo Doono Yeerichi wogee taabootoon yaafee kexooch beeti, bi xaaꞌooch, Yaafe Xaaꞌeexi Yaafooch giijjiꞌi, kiruubeenaꞌochi qoshee dechiich kotiiheete.

Haddoo 4:15

“Kaamboon waaxxii hamma ittoshi tiyiyooba, Harooninaa bi bushiisheenaꞌona yaafee duukkaanee qiicoonaa baribare bi qiico bullinon kaappii boonoshi ciichitoyee gubb, ebi qiicoon shaagoyich Qohaateenaꞌo wobeete. Tunebaani boonoshi qitaachemmoyich, ebi yaafeeti qiicoon ciroona yechaayeete. Illa danee duukkaanoo tiyimmi haddoona Qohaati yareenaꞌo shuunoo ebine.

Yaasi 3:6

Ebichi hillooch Yaasi qeesheenaꞌoyich, “Wogee taabootoon shaagiree, asheenaꞌoyee shiichi aaf beshebote” iye. Boonoshiyoo wogee taabootoon shaaggiꞌi, asheenaꞌoyee aaf shiichii qaxiriyeete.

Yaasi 6:6

Ebich Nuuni bushoo Yaasi qeesheenaꞌon ceeggiꞌi, “Wogee taabootoon shaagote; shabaatte qeesheenaꞌo shabaatte tiroon yeshiree, Doono Yeerichi taabootee aafooch shiichibeete” iye.