2 Kiinoo 5:2 - Kafa Linguistics Project

² Aroochee Solomooni, Doono Yeerichi wogee taabootoon Daawiti Katemoo Tsiyoonee boonoshi deebemmoyich, Israꞌeelee geeneenaꞌon, yoodee ukkireenaꞌo bullinaa Israꞌeelee asheenaꞌochi yaree ukkireenaꞌonon Yerusaalem ceeggiye.

2 Kiinoo 5:2 ပူးပေါင်းရင်းမြစ်များ

2 Saameeli 5:7

Tunebaani Daawiti kochiꞌi, Tsiyooni mishigoon yechiye. Ebiyoo Daawiti Katemoo getaa ceekkehe.

2 Saameeli 6:12

Arooba ebi Yeerichi taabootee naboona Doono Yeeri Obeed Edoominaa bi kechi asheenaꞌonon, biich beeto bullinoo bi diiroon taatoo Daawiti waayehe. Ebich Daawiti hammiꞌi, Yeerichi taabootoon Obeed Edoomi kexoochee Daawiti Katemooch oogeti emiroona deebiye.

1 Kiinoo 15:1

Daawiti bi qellich kexinaꞌon Daawiti Katemooch bi shuunetoyee gubb, Yeerichi taabootoyich xaaꞌoon qanniiꞌi, duukkaanoon xogiye.

1 Kiinoo 15:12

boonoshich ishichiye: “Ittoshi, Lewee yoodee yareenaꞌochi ukkiroo ittoshi tunetoyich, ittoshinaa Leweenaꞌo tuneti ittoshi maneenaꞌona ittoshi qelloon yaafibote. Ebiyee gubb, Israꞌeelee Nuggishoo Doono Yeerichi taabootoon biich ta qanniiti xaaꞌooch deebote.

1 Kiinoo 15:25

Ebich Daawiti, Israꞌeelee ogoogeenaꞌonaa humee iraasheenaꞌona Doono Yeerichi wogee taabootoon Obeed Edoomi kexoochee deeba emiroona hammiyeete.

1 Kiinoo 15:3

Biyoo Doono Yeerichi taabootoon, ebi aroyich bi qanniiti xaaꞌooch boonoshi deebemmoyich Israꞌeeleenaꞌo bullin Yerusaalem kiciye.

1 Kiinoo 16:1

Aroochee Yeerichi taabootoon deebii, Daawiti xogiti duukkaanooch giijjiꞌi, kotiiheete; micciibeeti deejjoonaa ikkittinee deejjoonon Yeerich deejjiyeete.

1 Kiinoo 24:31

Boonoshi maneenaꞌo tuneti Harooni bushiisheenaꞌo tuniitoommon, taatoo Daawiti, Sadooqi, Ahimeleeki, qeesheenaꞌochi yaree ukkireenaꞌonaa Leweenaꞌochi yaree ukkireenaꞌona beetoochaa ixoon duppiyeete. Qaabbe manoochi kechi asheenaꞌonaa guuche manoochi kechi asheenaꞌona tate ixoon duppiyeete.

1 Kiinoo 24:6

Lewee asho, Netaaneli bushoo koorechi Shemayaahi, taatoo aafoochaa, iraasheenaꞌo, qeeshoo Sadooqinaa Abiyataari bushoo Ahimeleekina aafoochaa, wottoo qeesheenaꞌonaa Lewee yoodee yaree ukkireenaꞌo aafoochaa boonoshi shigoon kooriye. Bi kooritoo ikke yaroon Elazaarichoochee baroon wotta Itamaarichoochee ixoona tiijjiibeeniye.

1 Kiinoo 26:26

Shelomotinaa bi maneenaꞌona, taatoo Daawiti, yaree ukkireenaꞌo, humee iraasheenaꞌo, ballee iraasheenaꞌonaa bi ginee iraasheenaꞌona kichiꞌi giddiiti yaafeeti qiiceenaꞌochi ukkireenaꞌone.

1 Kiinoo 28:1

Daawiti Israꞌeelee iraashoo bullin, Yerusaalem kiciye. Eboshiyoo: Yoodee iraasheenaꞌo, taatee showee shuunoon shuuneebeeti iraasheenaꞌo, humee iraasheenaꞌo, ballee iraasheenaꞌo, taatoonaa bi bushiisheenaꞌonochi yaaphoonaa gijjoonochi toommooch iraasheti iraasheenaꞌo, taatee kechi iraasheenaꞌonaa giidechi beelle ginee naayinaꞌonone.

2 Kiinoo 1:4

Tunebaani Daawiti Doono Yeerichi taabootoon Qiriyaat Yeꞌariimi katemoochee deebiꞌi, Yerusaalem, taabootoyich bi qanniiti duukkaanooch kotiitone.

2 Kiinoo 5:1

Ebiyoommi gommona Solomooni Doono Yeerichi yaafee kexooch bi shuuneti shuunoo bulli ciirehe. Biyoo bi nihoo Daawiti Yeerich kichiti birewoon, aachoonaa qiico bullinon deebiꞌi yaafee kechi ginjabeetooch kotiihe.

2 Kiinoo 5:12

Shoddechi Leweenaꞌo bulli, eboshiyoo Asaafi, Hemaani, Yedutuuni, boonoshi anaami bushiisheenaꞌonaa boonoshi maneenaꞌona muttee tuppoochee cicii yokketaa shippeti tahoon tahee, qaaxilloon, ooge ximboonaa giishi ximboonon yexxii kaachiibee, deejjee gudee gaꞌooch, aabi-keyo waanaa neexee beeheete. Boonoshina tookkiinoo balli hiye qeesheenaꞌo tiroon (waaringoon) huggii beeheete.

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 87:2

Ebi Tsiyooni katemoon Yaaqobichi beeyi xaaꞌoo bulliyee beshoon shunnitone.

Leweenaꞌo 9:5

Asheenaꞌoo Muusi boonoshich gettito bullin danee duukkaanee kellooch deebiyeete. Boonoshi bulliyoo giddeꞌi Doono Yeeri aafooch neexeheete.

Haddoo 10:33

Asheenaꞌo Doono Yeeri guudoochee tiyii keejje qemi gommon qaxiriyeete. Doono Yeeri wogee taabooto boonoshi kashemmi xaaꞌoon qaawiibee, ebi keejje qemi gommon boonoshi aafooch shiichiye.

Haddoo 10:36

Taabooto kashemmona, “Doono Yeero, humaa xume Israꞌeeleenaꞌo waan wottebe” ii beehe.