2 Kiinoo 36:23 - Kafa Linguistics Project

²³ “Faariisee taatoo Qiroosi ishichiye: Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone. Bi asheenaꞌoochee ittoshi daggooch beeti asho koniyoona bi Nuggishoo Doono Yeeri biinna tookki tunebe; tiyiree Yerusaalem hambe” iye.

2 Kiinoo 36:23 ပူးပေါင်းရင်းမြစ်များ

1 Kiinoo 22:16

Aachoon, birewoon, gooshoonaa xuuroonon shuunoona aricheti asheenaꞌo neech beetinaꞌone; tiyiree shuunebe; Doono Yeeri neenna tookki tunebe” iye.

1 Kiinoo 29:5

shuunee ariyechinaꞌo shuunemmi qiiceenaꞌo bullinoyich immeto taane; and illa ittoshi daggoochee bi qelloon Doono Yeerich yaafemmo konine?” iye.

2 Kiinoo 36:22

Qiroosi Faariisee showooch bi taateti, batti batti natooba, Erimiyaasi noonoona getteeti, Doono Yeerichi qaaro bi ceennemmoyich, Doono Yeeri Faariisee taatoo Qiroosichi mullo bi tiyemmoyich tuniihe. Biyoo bi taatee showoo bulliich awaajjoon gettiihe; ebi awaajjoo ishichaa bi kooreyemmoyich tuniihe:

Iziri 1:1

Qiroosi Faariisee showooch bi taateti, batti batti natooba, Erimiyaasi noonoona getteeti, Doono Yeerichi qaaro bi ceennemmoyich, Doono Yeeri Faariisee taatoo Qiroosi mullo tiyemmoyich tuniihe. Biyoo bi taatee showoo bulliich awaajjoon gettiihe; ebi awaajjoo ishichaa bi kooreyemmoyich tuniihe:

Iziri 7:13

“Ta taatittinee daggooch beeti Israꞌeeleenaꞌoochee, qeesheenaꞌonaa Leweenaꞌonoochee Yerusaalem hamma qaawiibeeto koniyoona neenna tookki bi hammemmoyich awaajjoon kichito taane.

Shoddo 136:26

Shimaajji Nuggishoyich galletoon giddiibote; bulli yemeenoon shoodechone.

Isiyaasi 41:2

“Aabi-keyo waanee ikkoon tiijjito, bi hammito bulliichaa wudoon daniito konine? Aageteenaꞌon bi aafooch beshiiꞌi immiye; taateenaꞌoo biich hajjeyemmoyich tuniihe; bi goraadoona boonoshin quttoon tuniihe; bi maꞌoonoo yongo daammiibeeti maaxxoon tuniihe.

Isiyaasi 44:5

Ikkoo ‘Ta, Doono Yeericho taane’ gettemmone; baroo Yaaqobichi shigoona ceekkemmone; baroo wotta ‘Doono Yeericho’ geti bi kishooch kooremmone; Israꞌeeli shigoona shigemmone” iye.

Isiyaasi 45:13

Cadiqittinee shuunoyich Qiroosin shuurikkito taane; bi gommo bullin tachemmo taane; biyoo ta katemoon shuunemmone; ta asheenaꞌon kecoochee kichemmone; ebin bi tuniyemmo, gatiyoo qochemmoyich, woyee gaaco bi danemmoyich toonoone” iye Beshe Mawe Doono Yeeri.

Erimiyaasi 27:6

Andoo ebi showoo bullin ta maddecho tuneti Baabloonee taatoo Nabukadinatsorich immeto taane; biich boonoshi hajjeyemmoyich, kubbi cooxinaꞌonoo immeto taane.

Daaneeli 2:21

Yeeri yemeenoonaa gooroonon shaddiye; taatoon taatiihe; bi taatittinoonoo shoottiye. Asheenaꞌoyich shalligoonaa ariyoonon immiibeeto, Yeerine.

Daaneeli 2:37

Taatoocho, ne, taateenaꞌo taatoo neene. Shimaajji Nuggishoo ne taatemmoyich tuniitone; giidoon, hakkoonaa oogee yiiroonon neech immitone.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Daaneeli 5:18

“Taatoocho, Beshe Nuggishoo Yeeri ne nihoo Nabukadinatsorin taatiiꞌi, oogoon, giidoonaa oogee yiiroonon biich immitone.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Daaneeli 5:28

‘FARISINI’ geto, ‘Ne taatittino qoodeete; Meedee asheenaꞌonaa Faariisee asheenaꞌonoyich ichete’ getone” iye.

Daaneeli 6:28

Ebich Daaneeli Daariyoosichi taatittinee yemeenooba, Faariisee asho Qiroosichi taatittinee yemeenooboo mooyo biich mashaamaa beehe.

Mikiyaasi 4:10

Yerusaalemi asheenaꞌote, maaxoo manjeti ureechoommon gaashiribee maacerebote; katemoochee keyiree xalle gaddooch kotemmo ittoshine; Baabloonee showooch hammemmo ittoshine. Tunebaani Doono Yeeri aroochaa ittoshi etteenaꞌo kishoochee ittoshin shiwe wodiyemmone.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?