2 Kiinoo 36:16 - Kafa Linguistics Project

¹⁶ Tunebaani boonoshi, Doono Yeerichi wocheyechinaꞌon cooneheete; bi qaaroonoo hoxeheete; bi keemechinaꞌonoo qallayiyeete. Ebich Doono Yeeri kaaro bi maccee toommooch kindiye; ebi shaahe kaaroochee muricon hakkaaneenaꞌone.

2 Kiinoo 36:16 ပူးပေါင်းရင်းမြစ်များ

2 Taateenaꞌo 2:23

Elisayiyoo aroochee tiyii, Beeteel hammiye. Gommo hammii bi beetaa, bushiisheenaꞌo katemoochee kechiꞌi, “Hini xoroocho, hiniichee hambe; hini xoroocho, hiniichee hambe” iibee cooqqiriyeete.

1 Kiinoo 19:4

Ebich Hanuuni Daawiti asheenaꞌon yechiꞌi, boonoshi ishaanoon caggiye. Boonoshi tahoon shimetoochaa maaccii, shokkaachoon echiiꞌi daachiihe.

2 Kiinoo 24:19

Bi waan boonoshin wochoyich Doono Yeerichi keemechinaꞌon boonoshi waan deejjii beehe. Keemechinaꞌoo boonoshich miixeheete. Tunebaani waayemmon qajjiyeete.

2 Kiinoo 30:10

Wocheyechinaꞌo Efreemee showoonaa Minaasee showoonooch beeti ikke katemoochee bare katemooch guuddiꞌi Zebuloonee showooch beddaahaa hammiyeete. Tunetaa asheenaꞌo boonoshin hoxeꞌi miiceheete; cooqqiriinoo iyeete.

Iziri 5:12

Tunebaani no qaabbechinaꞌo shimaajji Nuggishoon boonoshi ippiitoyich, Kalidee asho tuneti, Baabloonee taatoo Nabukadinatsori kishooch boonoshin beshiiꞌi immiye. Biyoo hini kexon happiꞌi, asheenaꞌon Baabloonee showooch keccii daammiye.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Nehimi 9:30

Wodde yemeenoon boonoshin haaꞌiihine; ne keemechinaꞌona tunaꞌa ne Ayaanoona boonoshin kupphiyaꞌa meeqqeqqiihine; tunebaani ellee waayeyaaneenaꞌone. Ebich boonoshi guudoona beeti aageteenaꞌo kishooch beshiyaꞌa boonoshin immehine.

Shoddo 35:16

Shotaani asheenaꞌo taan cooneheete; taach gashoon shaacciyeete.

Shoddo 74:1

Yeero, bulli yemeenoon amoyich noon duppenne? Gaddooch beeti bagoommi ne asho no toommooch ne kaaro amoyich cufiye?

Shaahiyoo 29:1

Meeti aaboon getaa giyaani gajjechi asho, diqqoona tiishemmone; wodoonoo hakkaachemmone.

Shaahiyoo 6:15

Ebich aallo diqqoona bi toommooch shaggemmone; diqqoonoo tiishemmone; wodoonoo hakkaachemmoone.

Isiyaasi 28:22

Beshe Mawe Nuggishoo Doono Yeeri no showoo bullin aalliiya maaccito bi tunoon ta waayetoyich, cooqqiroon qayote; ebi tuno qayigaata ittoshi cucheti cuyo manjemmone.

Isiyaasi 5:4

Ta woyinee goyoyich ta tuniyaani, ta tuniiya bede mooyo amoone? Gaawe woyinee aafoon aafemmone iyaꞌa ta quyaa beetaa, amoyich kiikkeroon aafehe?

Isiyaasi 57:4

Halla ittoshi cooqqiriibeeto koni toommoochiye? Noonoon wochii, heciyoonoo kaaccii ittoshi beeto koni toommoochiye? Ittoshi, hukkechinaꞌonaa dachechinaꞌonochi bushiishoo toono ittoshine?

Isiyaasi 65:12

goraadoyich beshiiree immemmo taane; ittoshi bulliyona guureyoyich yittemmo ittoshine. Ta ceegaa, ittoshich ta yibbaatetaanoo waayo qajjito ittoshine; ta aafooch gonde mooyon tuniihote; taan emirikkaani mooyonoo shunniyote” iye.

Erimiyaasi 20:7

Doono Yeero, taan dawushihine; tawoo dawusheeto taane; ne tayee kuppho neene; ta toommoochoo giidehine; heeyo bullin cooneehoye; bulliyona taan coonehe.

Erimiyaasi 20:8

Ta gettemmi haddoona cookiyoye; “Hukkoonaa aalloona!” iyaꞌa cookiyoye; Doono Yeerichi qaaro heeyo bulliich ta naaggeyemmonaa ta cooneyemmonoyich tunetone.

Erimiyaasi 30:12

“Doono Yeeri ishichiye: Ne tiisho dogaano, ne mayo wodaanoone.

Erimiyaasi 32:3

Yihudee taatoo Sedeqiyaasi ishichiꞌi biin cuchiihe: “ ‘Doono Yeeri ishichiye: Hini katemoon Baabloonee taatoo kishooch beshiiree immemmo taane; biyoo yechemmone’, iyaꞌa keemoon ne keemmeto amoyichiye?

Erimiyaasi 32:33

Boonoshi aafoon tuneyaanoon boonoshi gubboon ta waan wochiyeete; wochii wochii boonoshin ta dojjaa, ta sheeroon deꞌoyich waayemmon qajjiyeete.

Erimiyaasi 38:6

Ebina Erimiyaasin daammiyeete; kellechinaꞌochi addibaabooch beeti, taatoochi bushoo Malikiyichi aachi oppooch woderoona desh kindiiꞌi duppiyeete; oppooch dengo baachalli beeto aaco aalloone; Erimiyaasiyoo dengoona qoochehe.

Erimiyaasi 42:18

Israꞌeelee Nuggishoo, Beshe Mawe Doono Yeeri ishichiye: ‘Ta kaaroonaa ta neboona Yerusaalem beetinaꞌo toommooch bi kindoommon, Gibits ittoshi giyiyooba ittoshi toommooch kindemmone. Upeyemmo ittoshine; wuche, getteyemmo ittoshine; ufoyich tunemmo ittoshine; cooneyemmo ittoshine; hini showoonoo wochinnoon beegaachemmo ittoshine’ iye.

Daaneeli 9:6

No taateenaꞌoyich, no iraasheenaꞌoyich, no qaabbechinaꞌonaa no showee asheenaꞌo bullinoyich ne guuninaꞌo tuneti keemechinaꞌo ne shigoona boonoshi gettiton waayeyaano noone.

Leweenaꞌo 26:15

Ta qociiti qociyoon, ta dojjiti doyoonoo qajjiꞌi ittoshi tiyaaregaata, ittoshina tookkaa ta giyeti wogoon biishona ta getteti getoon ittoshi qayigaata,

Maatiyoosi 23:34

Ebich keemechinaꞌon, yiiteenaꞌonaa dojjechinaꞌonon ittoshi waan woche daachiyemmo taane. Boonoshi daggoochee ikkikkeenaꞌon wuxemmo ittoshine; ikkikkeenaꞌon yooddemmo ittoshine; boonoshi daggoochee ikkikkeenaꞌon ittoshi kiceebeeti kexoochaa arengoona xoobiree katemoochee katemooch yookkemmo ittoshine.

Maatiyoosi 5:12

Yeeri ooge wojjoon shimaayoochaa ittoshich immemmo bi tunetoyich, emiribote; emiroona wucwucote. Ittoshiyee aaf beeti keemechinaꞌon ebiyoommon duꞌiitinaꞌone” iye.

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Luqaasi 18:32

Aageteenaꞌoyich beshiiree immemminaꞌone; boonoshiyoo coonemminaꞌone; naaggemminaꞌone; bi toommooch cuddemminaꞌone;

Luqaasi 23:11

Wotta Heroodisi bi ginee naayinaꞌona tookkii Yesuusin qallayii coonehe. Malletechi tahoon tajjiꞌi Phelaaxoos waan wochii daachiihe.

Luqaasi 23:36

Ginee naayinaꞌo wotta bi waan katinniꞌi kiikkere woyinee uyoon daammii, “Uye” iꞌi biich giddiichii,

Luqaasi 6:23

“Ebiyee aaf boonoshi qaabbechinaꞌo ebiyoommon keemechinaꞌon duꞌiitinaꞌone; ebich ooge wojjoon shimaayoochaa Yeeri ittoshich immemmo bi tunetoyich, ittoshin boonoshi duꞌiimmi aabooba emiroona wucwucote; caphebote.

Mishiraachechinaꞌo 13:41

‘Hini cooqqirechinaꞌote, beegote! Worganebote! Aallebote! Koniyoona getaa, ittoshi iberiyaani shuunoon ittoshi yemeenooch shuunemmo taane’” iye.

Mishiraachechinaꞌo 17:32

Phawuloosi “Qititinaꞌo tiyemminaꞌone” iꞌi bi getaa, waayetinaꞌo daggoochee qatinaꞌo cooneheete; wotta qatinaꞌo “Hini mooyon wochiree ne getaa waayebone” iyeete.

Mishiraachechinaꞌo 2:13

Tunebaani bareenaꞌo “Uchii masheꞌiniye” iibee cooqqirii cooneheete.

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

Hibireena'o 11:36

Bareenaꞌo cooneetinaꞌo tunoonaa yexxeyoona, ebiyee beshiton wotta qoqqaannoona cucheyoonaa cuyee kexooch xuuxoonon beeggiyeete;

Woraaferasheenaꞌo 2:17

Tunebaani Israꞌeeleenaꞌo boonoshi woraaferasheenaꞌoyich deꞌa gettemmon qajjiyeete; Doono Yeerich gibeneyoon qajjiꞌi bare nuggisheenaꞌoyich goyinneheete. Boonoshi qaabbechinaꞌo Doono Yeerichi getoyich deꞌa iibee echetinaꞌone. Tunebaani ebi boonoshi qaabbechinaꞌochi gommon dabbemmon qajjiyeete.