2 Kiinoo 36:13 - Kafa Linguistics Project

¹³ Sedeqiyaasi Yeerina biin wogiiti taatoo Nabukadinatsori toommooch hukkoon shuunehe. Israꞌeelee Nuggishoo Doono Yeer waan wottoon qajjii, bi mulloon manjiiꞌi babberoo tunehe.

2 Kiinoo 36:13 ပူးပေါင်းရင်းမြစ်များ

2 Saameeli 21:2

Gibeꞌoonee asheenaꞌo Amooree yaroochee echeti asheenaꞌoani, Israꞌeeleenaꞌo tooneenaꞌone. Israꞌeeleenaꞌo boonoshin wuxaanoon echiyoyich wogetinaꞌone. Tunebaani Saaꞌooli Israꞌeeleenaꞌonaa Yihudee asheenaꞌonoyich qanaatoochee tiyitona, aroyee aaf boonoshin aalliiya qaawitone. Taatoo Daawiti Gibeꞌooneenaꞌon ceeggiꞌi,

2 Taateenaꞌo 17:4

Tunebaani Asooree taatoo, Hosheehi waanee gondoon danehe. Ebiyoo Gibitsee taatoo Sooꞌi biin gaachemmoyich wocheyechinaꞌon bi daachiyoonaa nati natona bi qocciibeeti gibiroon Asooree taatoyich qoco bi qayonane. Ebichi naboona Asooree taatoo biin yechiꞌi cuyee kexooch giijjiye.

2 Taateenaꞌo 24:20

Doono Yeeri kaaro cufii cufii hammiye. Ebich biyoo Yerusaaleminaa Yihudee showoonooch beeti asheenaꞌon bi aafoochee yookkiye. Aroochee Sedeqiyaasi Baabloonee taatoo toommooch hukkoon tiijjiye.

2 Kiinoo 24:19

Bi waan boonoshin wochoyich Doono Yeerichi keemechinaꞌon boonoshi waan deejjii beehe. Keemechinaꞌoo boonoshich miixeheete. Tunebaani waayemmon qajjiyeete.

2 Kiinoo 30:8

Ittoshi qaabbechinaꞌo tunetoommon, babberoo tuneyaahote. Ittoshi qelloon Doono Yeerich hajjiibote; bulli yemeenoon bi yaafiti yaafee kexooch wobote; kupphe bi kaaro ittoshi waanee bi wottemmoyich, ittoshi Nuggishoo Doono Yeerich goyinnebote.

2 Kiinoo 36:14

Ebiyoommon wotta qeesheenaꞌochi wulleenaꞌonaa asheenaꞌona aageteenaꞌochi ciigiiti doyoon dabbiibee, Yerusaalemi beeti, Doono Yeeri yaafiti yaafee kexon eeꞌiibee, aafichoyee beshoon gibeneyee qayona beshii beshii hammiyeete.

Iziri 4:12

“Ne waanee no waan waati Ayihudeenaꞌo Yerusaalem hammiꞌi, ebi hukkechi, oogeti gonde katemoon wochinnoon shuunee beetinaꞌone; bi uxeroo uxereebeeto, bi xaqqee heco shuuneebeeto bi tuno taatoyich arichebe.

Nehimi 9:29

“Ne sheeroo waan boonoshi wottemmoyich kupphiyaꞌa gettehine; tunebaani boonoshi geeciyeetani, ne geteenaꞌon ceechaaneenaꞌone. Asho bi ceechigaata kashoona bi beeyemmoyich tuniibeeti ne getoon shaaddeheete; boonoshi gubboon ne waan wochiyeete; babbereꞌi, ne getoon qajjiyeete.

Shoddo 15:4

Doono Yeeri hoxetinaꞌon qallayiibeeto, tunebaani Doono Yeerin shattii beetinaꞌon oogiibeeto, bi wogeti mooyo bi toommooch iritoon deebemmo bi tunetaanoona, wogeechii shaddaano,

Keyo 7:13

Ebi bulli tunetaanoona, andoo Farooni mullo muumoone. Doono Yeeri gettitoommon, Muusinaa Haroonina gettiton waayeyaanoone.

Keyo 8:15

Tunebaani Farooni iritoo ketteto tunoon beeggiichii, Doono Yeeri gettitoommon, bi mulloon muumiihalli, Muusinaa Haroonina gettiton waayeyaanoone.

Keyo 8:32

Ebiyoobolla Farooni bi mulloon muumiihalli, asheenaꞌon gawukkaanoone.

Keyo 9:17

And beddaahaa ne qelloon yeepphaꞌa, ta asheenaꞌon gawukkoon qajjeto neene.

Isiyaasi 48:4

Getaa giyaani, xuuroommi gajjechonaa gooshoommi barechona, ittoshi tunoon ariyaabeeto taane.

Erimiyaasi 43:2

Hoshaayichi bushoo Azariyaasi, Qareehi bushoo Yohanaaninaa geecechi asheenaꞌo bullina Erimiyaasich ishichiyeete: “Koottaaniye ne beeto; ‘Arooch beemoyich Gibits hammaahote’ gete iꞌi Doono Yeeri neen deejjaanoone.

Daaneeli 5:20

Tunebaani geecechonaa mulli manjoona bi tunehooba, bi taatittinoochee kindiye; bi oogee yiiroonoo muccehe.

Zakaariyaasi 7:12

Boonoshi mulloon xaqqo tuniiꞌi, Beshe Mawe Doono Yeeri ta, ebiyee aafi ta keemechinaꞌona tunaꞌa, ta Ayaanoona ta deejjiti sheeroonaa qaaroonon waayemmon qajjiyeete. Ebich Beshe Mawe Doono Yeeri ta, oogichii kaarehoye.

Haddoo 30:3

“Maache bushee bi bushittinoona bi nihoo kexooch beechaa Doono Yeerich mookkoon bi mookkegaata woyee wogoon bi giyigaata,

Yibbaatoo 29:25

“Boonoshichoo ishichaa getteyemmone: ‘Boonoshi qaabbechinaꞌochi Nuggishoo Doono Yeeri boonoshin Gibitsee kichiyooba, boonoshina tookkii bi giyiti wogoon boonoshi biichitoyichiye.

Hibireena'o 3:13

Tunebaani ittoshi daggoochee kittinnoo koniyoona axaaxoona dacheeree mulli manjoo bi tuneyaachemmoyich, “Hanaacha” getaa bi ceekkee beegaata, qemi qemona ittoshinaa ittoshina ikkoo baroon kupphiibe.

Hibireena'o 3:8

barahoochaa, phiree aabooba, hukkoon tiijjoona tunetoommon, ittoshi mulloon muumiyaahote.

Yaasi 9:15

Yaasiyoo, diggoona boonoshi beeyemmoyich, boonoshina tookkii wogoon giyiye; wotta iitee ukkireenaꞌo ebi mooyon manjiyoyich wogeheete.