2 Kiinoo 36:11 - Kafa Linguistics Project

¹¹ Sedeqiyaasi bi taatehooba, bi eeno hiyaa ikke natone. Yerusaalem beechii aaraa ikke naton qeejjiye.

2 Kiinoo 36:11 ပူးပေါင်းရင်းမြစ်များ

2 Taateenaꞌo 25:1

Sedeqiyaasi taateti yiixiyinnee natooba, aashirinnee agenee aashirinnee qemooba, Baabloonee taatoo Nabukadinatsori bi ginee naayo bullina tookkii waaꞌi, Yerusaalemin kocha giichiye. Bi ginee naayinaꞌoo katemee guudoona showoon gutiyeete.

Erimiyaasi 1:3

Ebiyoommon wotta Yihudee taatoo Yosiyaasichi bushoo Yoyaqiimi yemeenooch, Yihudee taatoo Yosiyaasichi bushoo Sedeqiyaasi taateti aaraa ikkinnee natooch, ebiyoo Yerusaalemee asheenaꞌo kecceti uuchinnee agenooch beddaahaa Doono Yeerichi qaaro biich waa beehe.

Erimiyaasi 27:1

Yihudee taatoo Yosiyaasichi bushoo Sedeqiyaasichi batti batti taatee yemeenooch Doono Yeeri taach ishichiye:

Erimiyaasi 28:1

Aroobee natooch, Yihudee taatoo Sedeqiyaasichi batti batti taatee yemeenooch, awuddinnee natoobee uuchinnee agenooch, Gibeꞌooni katemeexi keemecho, Azuuri bushoo Hanaaniyi Doono Yeerichi yaafee kexoochaa, asho bullinaa qeesheenaꞌona beetoochaa taach ishichiye:

Erimiyaasi 29:16

Tunebaani Daawitichi taatee qeenooch koteti taatoochonaa ittoshina tookkii kecaa hamaani, wottoo hini katemooch koteti ittoshi xibeenaꞌo bullinochon Doono Yeeri gettii beeton waayebote.

Erimiyaasi 34:2

“Israꞌeelee Nuggishoo Doono Yeeri ishichiye: Hamiree Yihudee taatoo Sedeqiyaasich ishichi gete: ‘Doono Yeeri ishichiye: Hini katemoon Baabloonee taatoo kishooch beshiiree immemmo taane; qaaqqoonoo michemmone.

Erimiyaasi 37:2

Biyoo tuneba, bi maddechinaꞌo, showee ashooch beddaahaa keemechi Erimiyaasina getteeti Doono Yeerichi qaaroon waayeyaaneenaꞌone.