2 Kiinoo 36:10 - Kafa Linguistics Project

¹⁰ Naawooba taatoo Nabukadinatsori Baabloonee showooch biin cuchiꞌi daammiye; Doono Yeerichi yaafee kexeexi aaxxi qiicoonoo biinna tookkii daammiye. Bi manoo Sedeqiyaasin Yihudee showoonaa Yerusaaleminooch taatiihe.

2 Kiinoo 36:10 ပူးပေါင်းရင်းမြစ်များ

2 Saameeli 11:1

Nato shaddeebeeti yemeenooch, taateenaꞌo koyooch hammiibeeti aabooch, Daawiti bi ginee iraasheenaꞌonaa Israꞌeelee ginee naayinaꞌo bullinon Yoꞌaabina tookkii koyooch daachiihe. Boonoshiyoo Amooneenaꞌon kochii aalliiꞌi, Raabin giichiyeete. Tunebaani arooba Daawiti Yerusaalemi echetone.

2 Taateenaꞌo 20:17

Doono Yeeri ishichiye: ‘Ebiyoche, ne kexooch beeto bulli, hanaach beddaahaa ne qaabbechinaꞌo kicito bulli, Baabloonee showooch bi qacceyemmi aabo woyemmone. Amolla echeyaachemmone.

2 Kiinoo 36:18

Nabukadinatsori Doono Yeerichi yaafee kexeexi qiico bullin giisho oogoo getaanoon, Yeerichi yaafee kexeexi gaannoon, taatoonaa bi iraasheenaꞌonochi gaanno bullin Baabloonee showooch daammiye.

2 Kiinoo 36:7

Nabukadinatsori wotta Doono Yeerichi yaafee kechi qiicoochee daammiꞌi, Baabloonee showooch beeti bi taatee kexooch kotiihe.

Asteeri 2:6

Mordokiyoosi Baabloonee taatoo Nabukadinatsori Yihudee taatoo Yekoniyaahina tookkii Yerusaalemee keccii bi daammiti asheenaꞌo daggoochee ikkoone.

Isiyaasi 39:7

Ne shiyeti, ne hajjee bushiisheenaꞌoochee ikkikkeenaꞌo kecaa hammemminaꞌone; guruusho tuneree Baabloonee taatee kexooch maddemminaꞌone” iye.

Erimiyaasi 20:5

Ebiyoommon wotta katemeechi yaapho bullin, bi hajjoo bullin, gaacechi bi qiico bullinaa Yihudee taateenaꞌochi ginjabeeto bullinon boonoshi etteenaꞌo kishooch beshiiree immemmo taane; boonoshiyoo ebin bogiree Baabloonee showooch daammemminaꞌone.

Erimiyaasi 22:25

“Ne kashoon qaawii beetinaꞌo kishooch, ne shattaa beetinaꞌo kishooch, Baabloonee taatoo Nabukadinatsori kishoonaa Baabloonee asheenaꞌo kishoonooch beshiiree immemmo taane.

Erimiyaasi 24:1

Baabloonee taatoo Nabukadinatsori Yihudee taatoo Yoyaqiimichi bushoo Yoyakiinin, Yihudee iraasheenaꞌon, qoppechinaꞌonaa qemminaꞌonon Yerusaalemee keccii Baabloonee showooch bi daammitoyee gubb, Doono Yeeri taach hini yaaꞌoon bekkiihe; Doono Yeerichi yaafee kechi ciinooch gutte mokkee balaasee aafo koteꞌi beehe.

Erimiyaasi 27:16

Aroochee qeesheenaꞌonaa asho bullinoyich ishichaꞌa getteho: “Doono Yeeri ishichiye: ‘ “Doono Yeerichi yaafee kechi qiico Baabloonee showoochee katinoon wottemmone” iꞌi ittoshich keemmiibeeti ittoshi keemechinaꞌon waayeyaahote; ebi boonoshi keemmiibeeto kootoone.

Erimiyaasi 28:3

Baabloonee taatoo Nabukadinatsori hini xaaꞌoochee Baabloonee showooch daammiti Doono Yeerichi yaafee kechi qiicoon gutte nati daggooch hini xaaꞌooch wochemmo taane.

Erimiyaasi 37:1

Baabloonee taatoo Nabukadinatsori Yoyaqiimichi bushoo Yoyakiinichi keroon Yosiyaasichi bushoo Sedeqiyaasin Yihudee showooch taatiihe.

Hiziqeeli 1:2

Ebi ageno giyiti uuchinnee qemooba, ebiyoo taatoo Yoyakiini kecceti uuche natooba,

Hiziqeeli 17:12

“Hukkechi macceenaꞌoyich ishichibe: ‘Ebi moochi biisho amo gaata ariyaachote? Ebiyoche, Baabloonee taatoo Yerusaalem waaꞌi bi taatoonaa bi iraasheenaꞌonon Baabloonee showooch bi waan daammitone.

Hiziqeeli 17:6

Bi collehooba qamini wottoo dengich gafgappiti woyinoon tunehe; bi ateenaꞌoo ebi booyo waan wotteꞌi dicciyeete; bi cammoo dugilla gaawichii dicciye. Ebi woyino waajjee ateꞌi woyinee qomboon tunehe.

Daaneeli 5:2

Belshasoori uyoon uchiibee, bi nihoo Nabukadinatsori Yerusaalem beeti yaafee kexoochee bi deebiti, aachoonaa birewoonoochee shuuneeti uyee qiiceenaꞌon biich boonoshi deebemmoyich wochehe. Bi wocheto, bi, bi iraasheenaꞌo, bi mecheenaꞌonaa bi naamacheenaꞌona are qiiceenaꞌona uyoon boonoshi uchemmoyichiye.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Imbaaqoomi 1:10

Taateenaꞌon qallayiyeete; iraasheenaꞌonoo cooneheete. Mishigo bullin ciinniichii miicciyeete; showoon gutiꞌi are mishigechi katemoon yechiyeete.