2 Kiinoo 35:3 - Kafa Linguistics Project

³ Boonoshi qelloon Doono Yeerich yaafiti, Israꞌeeleenaꞌon dojjiibeeti Leweenaꞌoyich ishichiye: “Yaafee taabootoon, Daawiti bushoo, Israꞌeelee taatoo Solomooni shuuneti yaafee kexooch kotiibote. Ebiyee damba ittoshi gogooch shaagi beeyaahote. Illa and ittoshi Nuggishoo Doono Yeerinaa bi asheenaꞌonoyich maddebote.

2 Kiinoo 35:3 ပူးပေါင်းရင်းမြစ်များ

1 Kiinoo 23:26

Illa ebich, Leweenaꞌo ebiyee bekk yaafee duukkaanoonaa maddooch heechiibeeti qiiceenaꞌonon shaago boonoshich qaawiyaache” iye.

2 Kiinoo 17:7

Bi taateti keejjinnee natooba, asheenaꞌon boonoshi dojjemmoyich, Been Hayili, Abidiyi, Zakaariyaasi, Netaanelinaa Mikiyaasina getteebeeti iraasheenaꞌon Yihudee katemeenaꞌooch daachiihe.

2 Kiinoo 30:22

Hiziqiyaasiyoo Doono Yeerich maddoona shalligechinaꞌo tuneti Leweenaꞌo bullin bi yibbaatoona kupphiihe. Asheenaꞌo ikkittinee deejjoonoo deejjiibee, boonoshi qaabbechinaꞌochi Nuggishoo Doono Yeerin galleteebee, baaree maayoon shabaatte qemon maaheete.

2 Kiinoo 34:14

Doono Yeerichi yaafee kexooch giyiti gijjoon kichii boonoshi beetaa qeeshoo Hiliqiyi Muusina icheti Doono Yeerichi Sheeree Macaafoon danehe.

2 Kiinoo 5:7

Qeesheenaꞌo Doono Yeerichi wogee taabootoon yaafee kexooch beeti, bi xaaꞌooch, Yaafe Xaaꞌeexi Yaafooch giijjiꞌi, kiruubeenaꞌochi qoshee dechiich kotiiheete.

2 Kiinoo 8:11

Aroochee Solomooni, “Doono Yeerichi taabooto giyiti xaaꞌoo yaafoo bi tunetoyich, ta mechee Israꞌeelee taatoo Daawiti kexooch beemo biich qaawiyaache” iꞌi, Farooni busheen Daawiti Katemoochee biich bi haggiiti kexooch daammiye.

Keyo 32:29

Aroochee Muusi ishichiye: “Ittoshi anaami bushiisheenaꞌonaa ittoshi maneenaꞌonon wuxoona, Doono Yeerich maddoyich hanaach yaafeeto ittoshine; biyoo hanaach ittoshin diiritone” iye.

Milikiyaasi 2:7

“Qeesheenaꞌo Beshe Mawe Doono Yeeri ta wocheyechinaꞌo boonoshi tunetoyich, boonoshi noonooch ariyoon kotiyoo boonoshich qaawiihe. Asheenaꞌoo boonoshi noonoochee doyoon qaawoo boonoshich qaawiihe.

Haddoo 8:19

Israꞌeeleenaꞌo daggoochee Leweenaꞌon Harooninaa bi bushiishoonoyich wojjaa immeto taane; ebiyoo danee duukkaanoochaa Israꞌeeleenaꞌoyich boonoshi maddemmonaa Israꞌeeleenaꞌo diqq Yaafe Xaaꞌooch katiniree boonoshi naxeyaachemmoyich, Israꞌeeleenaꞌochi axaaxoon boonoshi maariyemmonoyichiye” iye.

2 Qorontoosi 4:5

No awaajjaabeeto Yesuus Kiristoosi Doono bi tunoonalli, no qelloon toonoone; Yesuusicha iyaꞌa no qelloon ittoshich guunon tuniihone.

Yibbaatoo 33:10

Ne doyoon Yaaqobich, ne sheeroonoo Israꞌeelich dojjiyeete. Ne aafoochoo ixaanoon, ne deejjee gudoochoo amolla echeyaanoon micciibeeti deejjoon, deejjiyeete.