2 Kiinoo 34:9 - Kafa Linguistics Project

⁹ Boonoshiyoo qeeshee guudo Hiliqiy waan hammiyeete; kellee quyechi Leweenaꞌo kiciꞌi Doono Yeerichi yaafee kexooch giijjiti gijjoo qeeshee guudo Hiliqiyich ichehe. Ebi gijjoo Minaasi yoodeenaꞌo waanee, Efreemi yoodeenaꞌo waanee, Israꞌeelee cureenaꞌo waanee, Yihudi yoodo bullinaa Biiniyaami yoodo bullina waanee, Yerusaalem beeti asho bulli waanee kiceeti gijjoone.

2 Kiinoo 34:9 ပူးပေါင်းရင်းမြစ်များ

2 Taateenaꞌo 23:4

Aroochee Yosiyaasi qeeshee guudo Hiliqiyin, biyee desheenaꞌo tuneti qeesheenaꞌonaa yaafee kechi kelloon quyeebeeti kellechinaꞌonon ceeggiꞌi, Baꞌaaloyich, nuggishee Asheerinaa shimaajji xojjeno bullinochi maddooch heechiibeeti qiico bullin yaafee kexoochee boonoshi kichemmoyich gettiye. Aroochee taatoo ebi qiiceenaꞌo bullin Yerusaalemiyee maach beeti Qedirooni bambee gaddoochaa qaaqqoona michiꞌi bi tulloon Beeteel daammiye.

2 Kiinoo 30:10

Wocheyechinaꞌo Efreemee showoonaa Minaasee showoonooch beeti ikke katemoochee bare katemooch guuddiꞌi Zebuloonee showooch beddaahaa hammiyeete. Tunetaa asheenaꞌo boonoshin hoxeꞌi miiceheete; cooqqiriinoo iyeete.

2 Kiinoo 30:18

Efreemi yoodoochee, Minaasi yoodoochee, Yisakoori yoodoonaa Zebulooni yoodoonoochee waati meeti asheenaꞌo boonoshi qelloon xalliyaaneenaꞌone; tunebaani kooreeti getoon dabbaanoon Beshee Baaree maayoon maaheete. Hiziqiyaasi boonoshich ishichiꞌi corootiye: “Deꞌo tuneti Doono Yeero, hini asheenaꞌo yaafee kechi doyoommon yaafeyoo boonoshi qajjitaanona, boonoshi mulloochee tiijjiꞌi boonoshi qaabbechinaꞌochi Nuggishoo Doono Yeeri neech goyinnee beetinaꞌone; ebich boonoshi bullin maaribe” iye.

2 Kiinoo 31:1

Ebi bulli tunetoyee gubb, arooch beeti Israꞌeeleenaꞌo Yihudee showooch beeti katemeenaꞌooch hammiꞌi, bullinolla boonoshi aalliimmi wottoon goyinnee xaqqee giimbeenaꞌon tiichiyeete; Asheeri misiloon kuxxiyeete. Yihudichi, Biiniyaamichi, Efreeminaa Minaasinochi showooch beeti guudi toommeexi goyinnee xaaꞌeenaꞌonaa deejjee gudeenaꞌonon happiyeete. Ebiyee gubb, Israꞌeeleenaꞌo boonoshi katemeenaꞌooch, boonoshi kexi kexooch wotteheete.

2 Kiinoo 34:10

Ebi gijjoo Doono Yeerichi yaafee kexon ciini boonoshi shuuniyemmoyich ukkireti asheenaꞌoyich ichehe. Boonoshiyoo yaafee kexon shuunee andirii beetinaꞌoyich qocciyeete.

2 Kiinoo 34:18

Aroochee koorechi Shafaani taatoyich “Qeeshoo Hiliqiyi ikke macaafoon taach immitone” iye. Macaafoonoo taatoyich shemmehe.

2 Kiinoo 34:20

Biyoo Hiliqiyich, Shafaani bushoo Ahiqaamich, Miki bushoo Abidoonich, koorechi Shafaaninaa bi naayo Asayaahinoyich ishichiꞌi gettiye:

2 Kiinoo 34:22

Hiliqiyinaa biinna tookkii taatoo daachiiti asheenaꞌona, Yerusaalemi guttinnee kuxooch beeti, keemechi Hulidaah waan echeya hammiyeete. Bi keno, Hasiraahi bushoo Toqihaati bushoo tuneti Shaluumi yaafee kechi tahee ukkiroone. Boonoshiyoo tuneto bullin biich gettiyeete.

2 Kiinoo 35:8

Iraasheenaꞌoo asheenaꞌoyich, qeesheenaꞌonaa Leweenaꞌonoyich boonoshi daaggoona deejjeyemmi gijjeenaꞌon immiyeete. Doono Yeerichi yaafee kechi ukkireenaꞌo tuneti Hiliqiyi, Zakaariyaasinaa Yehiꞌeelina Beshee Baaree deejjooch giddemmi gutte humaa shiritte balle bagoonaa emmishoonon, keejje balle wuronoo immiyeete.

Filipphisiyoosi 4:8

Illa ta maneenaꞌote! Gaawe mooyon woyee galleteya bede mooyon baach gabibote. Eboshiyoo ibere mooyo bullin, gaawe mooyo bullin, kaame mooyo bullin, xalle gaboo beeti mooyo bullin, emirikkiibeeti mooyo bullinaa naadoo beeti mooyo bullinon gabibote.