2 Kiinoo 34:7 - Kafa Linguistics Project

⁷ Israꞌeelee showoo bulliich beeti deejjee gudeenaꞌonaa Asheeri misileenaꞌonon happiye. Shahalleenaꞌonoo buddinochiye; ixaanee deejjee gudeenaꞌon tiichii buricciye. Aroochee Yerusaalem wottehe.

2 Kiinoo 34:7 ပူးပေါင်းရင်းမြစ်များ

2 Taateenaꞌo 10:26

Goyinnee xaqqee giimboon aroochee kichiꞌi michiyeete.

2 Taateenaꞌo 23:15

Ebiyee wotta Israꞌeeleenaꞌon axaaxoo shuuniiti, Nebaaxi bushoo Yeroboꞌami Beeteel shuuniiti, guudi toommeexi goyinnee xaaꞌoon Yosiyaasi happiye; deejjee gudoonoo waaxxiꞌi bi shuuneeti xaqqoon tiichiye; buttee qaddochii qacichiye; Asheeri misileenaꞌonoo qaaqqoona michiye.

2 Taateenaꞌo 23:19

Taatoo Yosiyaasi Israꞌeelee katemeenaꞌo aabiichona Israꞌeelee taateenaꞌo shuuniiti, Doono Yeeri ippemmoyich naboo tuneti, guudi toommeexi goyinnee xaaꞌeenaꞌo bullin happiye. Beeteel bi tuniitoommon, ebi goyinnee xaaꞌeenaꞌo toommooch tuniihe.

2 Kiinoo 14:2

Aasi bi Nuggishoo Doono Yeeri aafooch gaawetonaa kaamoona tuneti mooyon tuniihe.

2 Kiinoo 14:5

Yihudee katemoo bulliichee guudi toommeexi goyinnee xaaꞌeenaꞌonaa ixaanee deejjee gudeenaꞌonon aalliihe. Bi taatee yemeenooch bi taatee showooch diggoo tunehe.

2 Kiinoo 31:1

Ebi bulli tunetoyee gubb, arooch beeti Israꞌeeleenaꞌo Yihudee showooch beeti katemeenaꞌooch hammiꞌi, bullinolla boonoshi aalliimmi wottoon goyinnee xaqqee giimbeenaꞌon tiichiyeete; Asheeri misiloon kuxxiyeete. Yihudichi, Biiniyaamichi, Efreeminaa Minaasinochi showooch beeti guudi toommeexi goyinnee xaaꞌeenaꞌonaa deejjee gudeenaꞌonon happiyeete. Ebiyee gubb, Israꞌeeleenaꞌo boonoshi katemeenaꞌooch, boonoshi kexi kexooch wotteheete.

2 Kiinoo 34:1

Yosiyaasi bi taatehooba, bi eeno shimitte natone. Yerusaalem beechii shaashaa ikke naton qeejjiye.

Keyo 34:13

Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.

Isiyaasi 17:8

Boonoshi kishee shuunoo tuneti deejjee gudeenaꞌon gibeneyaachemminaꞌone; boonoshi yaphereenaꞌo shuuneton, Asheeri misiloon woyee ixaanee deejjee gudoon gibeneyaachemminaꞌone.

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Mikiyaasi 1:7

Bi shahalleenaꞌo tiisheree buricemminaꞌone. Bi yaafee kechi yahechinaꞌoyich qocheti qiiceenaꞌo bulli qaaqqoona michaa aallemminaꞌone. Shahalleenaꞌochi misileenaꞌo bullin aalliyemmo taane. Shamaaree asheenaꞌo ebi misileenaꞌo bullin boonoshi kicito yahechinaꞌoyich qocoo qocenane; boonoshi etteenaꞌo keci daamiree yahechinaꞌoyich bi qocceyemmoyich tuniyemminaꞌone” iye.

Yibbaatoo 9:21

Ebi aroon shuunoona Doono Yeeri toommooch axaaxoon ittoshi shuuneti, maanji misiloon daammaꞌa qaaqqoona michiyo. Aroonoo tiichaꞌa, buddino bi tunemmi wottoon, yiikkaa qacichiyoye. Ebi buddino tuneton daammaa guudoochee kindiibeeti woce aacooch shacceho.