2 Kiinoo 34:3 - Kafa Linguistics Project

³ Bi taateti shimittinnee natooba, batt busheebee, bi qaabbechi Daawitichi Nuggishoyich maddooch giyiye. Aaraa guttinnee natooba, Yihudee showoonaa Yerusaaleminon guudi toommeexi goyinnee xaaꞌeenaꞌoochee, Asheeri misileenaꞌoochee, qiicaa shuuneeti nuggisheenaꞌonaa ukkaa shuuneeti misileenaꞌonoochee xalliyooch giyiye.

2 Kiinoo 34:3 ပူးပေါင်းရင်းမြစ်များ

1 Taateenaꞌo 13:2

Ebi uro Doono Yeeri biich gettitoommon deejjee gudee toommooch bunneꞌi ishichiye: “Hini deejjee gudoocho, hini deejjee gudoocho, Doono Yeeri ishichiye: ‘Yosiyaasi getteebeeti bushoo Daawiti yaroochee shiijjemmone. Biyoo ne toommooch deejjoon deejjiibeeti, guudi toommeexi goyinnee xaaꞌee qeesheenaꞌon ne toommoochaa deejjemmone; asheenaꞌochi shaawushoonoo ne toommoochaa michemmone’ itone” iye.

2 Taateenaꞌo 10:27

Aroochee Baꞌaalee xaqqee giimboon qicciyeete; Baꞌaalee yaafee kexon happiyeete. Ebinoo hanaach beddaahaa qashee kexo tuniiheete.

2 Taateenaꞌo 18:4

Guudi toommeexi goyinnee xaaꞌeenaꞌon happii aalliihe; goyinnee xaqqee giimbeenaꞌonoo tiichiye; nuggishee Asheeri misiloon kuxxii duppiye. Arooba beddaahaa Israꞌeeleenaꞌo ixaanoon aroyich shookkii boonoshi beetoyich, Muusi gooshoochee shuuneti, Nehushitaani getteebeeti dingeree misiloonoo tiichiye.

2 Taateenaꞌo 20:5

“Wotte hamiree, ta asheenaꞌon yaabii qeejjiibeeti taatoo Hiziqiyaasich ishichibe: ‘Ne qaabbechi Daawitichi Nuggishoo Doono Yeeri ishichiye: “Ne corootoon waayeto taane; ne acimoon beeggeto taane; neen woddiyemmo taane; keejjinnee qemooba, damba Doono Yeeri ta yaafee kexooch hammemmo neene.

2 Taateenaꞌo 23:14

Aroochee taatoo Yosiyaasi goyinnee xaqqee giimboo bullin tiichiye; wotta Asheeri misileenaꞌon kuxxiꞌi duppiye. Ebi misileenaꞌo neexeti xaaꞌoochoo ashi shaawushoon ceechiye.

2 Taateenaꞌo 23:4

Aroochee Yosiyaasi qeeshee guudo Hiliqiyin, biyee desheenaꞌo tuneti qeesheenaꞌonaa yaafee kechi kelloon quyeebeeti kellechinaꞌonon ceeggiꞌi, Baꞌaaloyich, nuggishee Asheerinaa shimaajji xojjeno bullinochi maddooch heechiibeeti qiico bullin yaafee kexoochee boonoshi kichemmoyich gettiye. Aroochee taatoo ebi qiiceenaꞌo bullin Yerusaalemiyee maach beeti Qedirooni bambee gaddoochaa qaaqqoona michiꞌi bi tulloon Beeteel daammiye.

1 Kiinoo 22:5

Daawiti ishichiye: “Ta bushoo Solomooni batt ariyaani giisheche bushoone; Doono Yeerich shuuneyemmi yaafee kexo oogiichi worganikkito, showee toommo bulliich bi woroo waayeeto tuno qaawiihe. Ebich bulli mooyon biich qanniyemmo taane” iye. Ebina Daawiti bi gettitoommon bi qitoyee shiichiꞌi wodde mooyon qanniihe.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

1 Kiinoo 29:1

Taatoo Daawiti iitoo bullich ishichiye: “Doono Yeeri kaacciti ta bushoo Solomooni batt ariyaani bushoone; ebi hakkeyemmi kexo ashi taatee kexo tuneyaanoon Nuggishoo Doono Yeerichi yaafee kexo bi tunetoyich, shuunoo maggoone.

2 Kiinoo 14:6

Showoo diggoon bi danetoyich, Yihudee showooch mishigechi katemeenaꞌon shuunehe. Doono Yeeri bi yemeenoon diggoo bi tuniitoyich, aroobee yemeenooch tiyiti koyo aalloone.

2 Kiinoo 15:2

Azariyaasi Aasina daneya hammiꞌi, “Aaso, Yihudee asheenaꞌonaa Biiniyaamee asheenaꞌonote, ta waanee ellebote. Ittoshi, Doono Yeerina tookkii ittoshi tunegaata, Doono Yeeriyoo ittoshina tookki tunemmone. Ittoshi qaawigaatoo ittoshich danemmone. Tunebaani biin ittoshi qayigaata, ittoshin qajjemmone.

2 Kiinoo 30:14

Boonoshiyoo Yerusaalem beeti deejjee gudeenaꞌonaa ixaano shookkeebeeti gudeenaꞌo bullinon happiꞌi, Qedirooni bambooch daammii duppiyeete.

2 Kiinoo 33:15

Biyoo dallaawe nuggisheenaꞌonaa shahalloonon Doono Yeerichi yaafee kexoochee kichiye. Doono Yeerichi yaafee kexo beeti geppoonaa Yerusaaleminooch bi shuuneti deejjee gudo bullin katemoyee maach daammiꞌi duppiye.

2 Kiinoo 33:17

Andoo asheenaꞌo guudi toommeexi goyinnee xaaꞌeenaꞌooch deejjoon giddii beetinaꞌo boonoshi tunetaanoona, deejjoon boonoshi giddiibeeto, ikke Nuggishoo Doono Yeerich baachiye.

2 Kiinoo 33:22

Amooniyoo bi nihoo Minaasi tuniitoommon, Doono Yeeri aafooch gonde mooyon tuniihe. Bi nihoo Minaasi shuuneti shahalleenaꞌoyich deejjoon deejjiye; goyinneenoo maddehe.

2 Kiinoo 34:33

Yosiyaasi ciigiiti, shahalloo bullin Israꞌeelee showoo bulliichee aalliihe. Israꞌeelee showoo bulliich beetinaꞌo boonoshi Nuggishoo Doono Yeerich boonoshi goyinne maddemmoyich tuniihe. Kashoona bi beeti yemeenooch boonoshi qaabbechinaꞌochi Nuggishoo Doono Yeerin dabboochee gubb wotteyaaneenaꞌone.

Shoddo 119:9

Gurimaashoo xallittinoona beemon bi hakkemmo aabichireeshiye? Ne qaaroon quyoonane.

Shoddo 71:5

Nuggishoo Doono Yeero, ta gibeno neene; ta bushittinoochee tiijjaꞌa neen gibeneto taane.

Keyo 34:13

Boonoshi deejjee gudoon happibote. Boonoshi goyinneebeeti xaqqee giimbeenaꞌon tiishi buricote. Boonoshi nuggishee Asheeri misileenaꞌon kuxi dichibote.

Shaahiyoo 20:11

Gaggere busholla xalloonaa kaamoona bi tuno, bi tuniibeeti mooyona arichehe.

Shaahiyoo 8:17

Taan shunnii beetinaꞌon shunnehoye; kupphiiꞌi taan qaawii beetinaꞌo taan danemminaꞌone.

Dojjecho 12:1

Xuuxee gooroo waataan beetaa, “Taan emirikkaache” ne gettemmi natinaꞌo waataan beetaa, ne gurimaashittinee yemeenooch neen Halliton gabibe!

Leweenaꞌo 26:30

Guudi toommeexi ittoshi goyinnee xaaꞌoon happemmo taane; ixaanoon ittoshi giddiibeeti deejjee gudoon happi bajjemmo taane; ittoshi dubenoonoo dubenoochoommon dihiti ittoshi shahalleenaꞌo toommooch duppemmo taane; tawoo ittoshin tiyaaremmo taane.

Mikiyaasi 1:5

Ebi bullichi naboo, Israꞌeeleenaꞌo shuuneti axaaxoonaa hukkoonane. Israꞌeeleenaꞌo shuuneti hukkoyich echeyemmo konine? Shamaari katemoo toone? Yihudee asheenaꞌo shahalloyich goyinnoona axaaxoon boonoshi shuunemmoyich tuniito konine? Yerusaalem toone?

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

2 Ximootiyoosi 3:15

Kiristoos Yesuusi toommooch mullee tooꞌiyoona wodoo daneebeeti shalligoon neech imon hakkiibeeti Yaafe Macaafeenaꞌon ne bushittinoochee tiijjaꞌa ariito neene.